Македонија40 евра казна за пешаците на пешачки, 50 евра за возачите на велосипеди и тротинети ако користат телефон или слушалки40 евра за зборување на телефон на пешачки, 50 за возачите на велосипеди и тротинети ако го прават истото во сообраќајот.. Стапуваат на сила измените на Законот за безбедност во сообраќајот.Кој носи слушалки, кој на телефон, а кој комбинирано вози тротинет на пешачки премин и зборува е сликата на скопските улици и денеска. па дали ваквата слика ќе исчезне од скопските улици ќе покажат казните кои веќе стапуваат на сила, па наместо бесплатни, повиците на оние кои ќе ги фати полицијата ќе чинат 40 евра... Да стоеше тука наместо мене полицаец, досега ќе напишеше околу 30 казни, како примерот кој што сега се гледа позади мене, момчето во бела маичка, кое ја поминува улицата и говори на мобилен телефон. Повеќето од оние кои затекнавме воопшто не знаеја за законската измена, па ветија дека во иднина ќе постапуваат според правилата, кои дел од нив воедно ги одобруваат за поголема безбедност, други пак не се сложуваат. „ Не знаев ама од денеска знам ама само уште овој пат ќе поминам и више нема. Во ред е да, треба да се воведе тој закон, заради безбедноста во сообраќајот./ Не треба да бидеме со слушалки не треба да бидеме со телефони./ Пешациве помине со телефон, збори на пешачки, не гледам зошто тоа би бил некој проблем, кога е зелено и кога лоцира дека нема возило кое доаѓа од спротивната насока. Мислам дека во еден сегмент се претарани, во некои се ок.“ Други пак велат дека се максимално внимателни кога минуваат улица, бидејќи не секогаш се оние во возилата.. Сметаат дека и пешаците треба да бидат совесни и фокусирани, доколку не бидат, велат затоа и се казните. „Ќе не опорават ли казните? Да, мислам дека да, бидејќи само тоа нас не опоравува, казните. /Никогаш не користам мобилен, секогаш ми е во ташна. / Невнимание е тоа или со слушалките на уво, или со телефонот на уво. Треба да имаш карактер и совеснот./ Кога се минува улица не се прават други работи. Ниедна казна нема цена споредбена со човечки живот. “ Сепак, не само полицијата, туку од Нова Година оние кои не го почитуваат овој закон ќе ги ловат и камерите на Сејф Сити, па казните наместо на улица, ќе им стигаат на мобилните телефони.. Од МВР апелираат сите заедно да ги направиме улиците побезбедни. „Апелираме до сите учесници во сообраќајот да се почитуваат сообраќајните правила и прописи и на тој начин сите заеднички да придонесеме за подобри, посигурно, но се разбира и побезбедни патишта низ државата.“ Експертите за сообраќајот сметаат дека станува збор за добар потег, но доколку навистина се спроведе во пракса, бидејќи сите учесници во сообраќајот, вклучувајќи ги и пешаците, кои се најранливи и најчести жртви, треба да бидат фокусирани, за општа безбедност. „Важна е концентрацијата како на возачите, така од другата страна учество во сообраќај како пешак, велосипедист, возач на тротинет и тн, треба да се почитуваат сообраќајните правила и прописи и како што рековте и како што рековте и вие, концентрацијата во сообраќајот е многу важна за да се избегнат несакани последици.“ Инаку, законот вели – пешаците и возачите на велосипеди, мопеди и електрични тротинети кои користат слушалки на двете уши, телефони и слично при преминување на улица или велосипедска патека ќе бидат казнети со 40, односно 50 евра. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЕвропаХорор на градилиште во Брисел: Безживотни тела пронајдени во лифтНеколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.Телевизијата „VRT“ објави дека повеќето од приближно 200 работници биле евакуирани откако избувнал пожарот. Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово. ‼️ Explosion sur la place De Brouckère, les infos que j’ai eu sur place et via les médias … #explosion #incendie #bruxelles #Debrouckère #Incident pic.twitter.com/qaYLaL9hQA — Yusuf Yildiz (@yyildiz1030) July 14, 2026 Сепак, тој не прецизираше за колку тела станува збор. Тој додаде дека сè уште не е јасно дали телата на исчезнатите работници се пронајдени.Тагови: Брисел Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
СветПадна Владата на УкраинаУкраинскиот парламент, Врховната рада, денес ја прифати оставката на премиерката Јулија Свириденко.Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ. Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата. Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент. „Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент. Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции. На 17 јули 2025 година, Врховната Рада го поддржа назначувањето на Јулија Свириденко за премиер на Украина. Според извори на „Укринформ“, гласањето во парламентот за назначување на нова влада се очекува да се одржи на 16 јули. Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата. Фото: ВИТагови: украина Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаПетрушевски: Падна монтираниот случај за политички прогон против ВМРО-ДПМНЕ Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.Падна монтираниот случај за политички прогон против ВМРО-ДПМНЕ! Колку и да се обидува СДС да ја префрли вината, фактите не можат да ги избришат. Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа. Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот. Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година? Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие. Бране Петрушевски ВМРО-ДПМНЕТагови: Бране Петрушевски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook