24 години од охридскиот договор: Упатени повици за заедништво и еднаквост, но повторно со одвоени прослави - Канал 5

Македонија

24 години од охридскиот договор: Упатени повици за заедништво и еднаквост, но повторно со одвоени прослави

Рамковниот договор и по 24 години се потврди дека донесе мир стабилност и обезбеди зачувана унитарност, нема македонска или албанска иднина, има само заедничка македонска иднина, изјави на свечената седница во владата премиерот Мицкоски..

24 години од охридскиот договор: Упатени повици за заедништво и еднаквост, но повторно со одвоени прослави

Преку законот за правичната заспатеност оваа вада ја исполни и последната обврска од договорот, кој за жал во изминатите над две децении, беше злоупотребуван од структури и поединци кои национализмот го користат како најдобра прекривка за заштита на криминалот и личните интереси, вели Мицкоски.

-На оваа маса овде седат луѓе и партнери кои ја гледаат политиката низ призма на тоа што можеме повеќе да направиме за народот. нема простор и нема место повеќе за поединци и структури кои манипулираа и правеа вештачки кризи, етнички и политички за да подоцна себе си се наметнуваат како решенија. вистината токму говори, дека најголемиот белег во однос на рамковниот договор е што оваа влада преку носењето на законот за правична застапеност ја исполни и последната обврска и нема повеќе отворени прашања во овој поглед. Како затворено поглавје, рамковниот договор останува да сведочи за потребата за обединување и интегрирање во исполнувањето на заедничките цели,- - Христијан Мицкоски-претседател на влада.

Вицепремиерот Меџити во обраќањето рече дека охридскиот рамковен договор не е само сеќавање туку жив процес кој како што изјави секојдневно треба да се претвора во правични закони и инклузивни политики

-Ова не е само законска обврска, ова е политичка и морална мисија, зошто последиците од формалната еднаквост сите ги чувстуваме. Последица на формалната еднаквост е половичниот закон за употреба на јазиците, кој е оспорен пред Уставниот суд, но и механизмот на балансерот, кој беше укинат од Уставниот суд,– изјави Меџити.

Нашиот придонес за државата резултираше со добри меѓуетнички и меѓусоседски односи , вели во обраќањето лидерот на ДУИ Али Ахмети.

-Сите достигнувања во изминатите 24 години ги направивме заедно, како со вмро и со сдсм, така и со нашите меѓународни пријатели. Овие достигнувања се самата држава, тие се темелот на стабилноста, безбедноста и иднината на нашата земја. Затоа, ревизија на заедничките достигнувања не ни е дозволена нам кои сме автори, потписници и спроведувачи на охридскиот договор,- лидерот на ДУИ Али Ахмети.

Охридскиот рамковен договор беше потпишан на 13 август 2001 година во претседателската резиденција на водно во скопје, а свои потписи на ставија и специјалните претставници на ЕУ и на САД, Леотар и Пердју.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Авион се урна на писта на аеродром во Доминиканската Република

Авион се урна на пистата на меѓународниот аеродром Ла Романа во Доминиканската Република, при што загинаа пилотот и копилотот.

Видео: Авион се урна на писта на аеродром во Доминиканската Република

Две лица загинаа во недела кога приватен авион се урна на пистата на меѓународниот аеродром Ла Романа во источна Доминиканска Република, соопшти националната служба за цивилно воздухопловство. Пилотот и копилотот загинаа во несреќата, а во авионот немаше патници, објави CNBCTV18.

Снимките објавени на социјалните мрежи покажаа густ облак од чад како се издига над аеродромот додека пожарникарите се бореа со пожарот.

Доминиканскиот институт за цивилно воздухопловство соопшти дека екипажот прогласил вонредна состојба додека авионот се наоѓал на околу 16 наутички милји југозападно од Ла Романа. Авионот се урна додека се обидувал да се врати на аеродромот. Властите потврдија дека е започната истрага за да се утврди причината за падот на „Галфстрим Г200“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈПДП од 15 јуни лентите за MTAG ќе бидат исклучиво за корисници со електронски тагови

Почнувајќи од 15 јуни годинава лентите означени за MTAG ќе бидат наменети исклучиво за корисници на електорнски тагови.

ЈПДП од 15 јуни лентите за MTAG ќе бидат исклучиво за корисници со електронски тагови

Јавното претпријатие за државни патишта (ЈПДП) потсетува дека согласно со оперативните измени во функционирањето на системот за наплата на патарини, почнувајќи од 15 јуни годинава лентите означени за MTAG ќе бидат наменети исклучиво за корисници на електорнски тагови.

Со наведената измена, вршењето на наплата со MCard на овие ленти се укинува, а корисниците кои користат MCard ќе ја реализираат наплатата на останатите достапни ленти на наплатната станица, согласно со нивната намена.

ЈПДП укажува и апелира до корисниците на строго почитување на вертикалната и хоризонталната сигнализација, како и на информативните електронски табли поставени пред и на самите наплатни станици, каде е извршена јасна категоризација на лентите по вид на плаќање: електронска наплата (MTAG / MCARD) и готовинско плаќање (CASH).

Воедно, за непречено и безбедно одвивање на сообраќајот, корисниците се должни да ја следат сигнализацијата за статусот на лентите: зелена стрелка – означува активна (отворена) лента, додека црвен икс (X) – означува затворена лента

Непочитувањето на означувањето и намената на лентите, посочуваат од ЈПДП, може да предизвика застои во сообраќајот и да влијае врз безбедноста и ефикасноста на сообраќајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Проектот продолжува – уште 50 нови домаќинства се приклучија кон селекцијата на пластичен отпад во Лисиче

Големиот интерес на жителите покажа дека грижата за животната средина станува секојдневна навика во Општина Аеродром. 

Проектот продолжува – уште 50 нови домаќинства се приклучија кон селекцијата на пластичен отпад во Лисиче

Затоа, потпишавме нови 50 договори со домаќинства од населба Лисиче кои активно ќе се вклучат во системската селекција на пластичен отпад, а на семејствата им беа поделени и специјални канти.

Проектот веќе дава одлични резултати, а собирањето на отпадот се одвива редовно и организирано. Целта е да бидат опфатени вкупно 600 домаќинства, кои преку своето активно учество ќе придонесат за почиста и поздрава животна средина.

Проектот го спроведува ЈП за комунални дејности на Општина Аеродром, а собраниот отпад се предава на овластени компании за понатамошна обработка и рециклирање. За негов транспорт е обезбедено и специјално електрично товарно возило, што дополнително придонесува за намалување на загадувањето.

Општина Аеродром е една од првите општини во државата која спроведува ваков системски проект за селекција на пластичен отпад директно од домаќинствата, поставувајќи пример за современ и одговорен пристап кон управувањето со отпадот.

Благодарност до сите жители кои се приклучуваат и покажуваат дека вистинските промени започнуваат од сопствениот дом. Заедно градиме еколошки навики, подигнуваме свест и создаваме почиста иднина за генерациите што доаѓаат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер