Министерот верува дека пет минутно пешачење нема да им биде проблем, но засега се уште се бара методологија како да ги натераат вработените таму да паркираат. На паркингот на клинички дневно влегуваат околку шест илјади пациенти и има над 2.500 вработени.

Од самостојниот синдикат на вработените во клинички центар за Канал 5 одговорија дека за овој предлог слушнале од медиумите и немале средба со новиот министер за здравство, за да дадат став за предложеното решение. Тие поддржуваат да не се најде решение за паркингот на клинички и како решение го нудат примерот на клиничкиот центар во Љубљана да се регулира со сообраќјна полиција и се прави увид кој влегува во центарот со автомобил.

Алиу најави дека скоро ќе се бара решение и за паднатиот ѕид кај детска клиника што стои една година, а по состанок со неколку институции беше донесена одлука овој проблем да го решение министерството за здравство. Алиу за стартот на наредната недела најави состанок со заеднички служби во делот на решавање на проблемот со пералната на клинички каде во моментот вработените со месеци немаат земано плата, а во пералните од ден на ден се купува прашок за перење за да се испере постелнината во болниците и униформите.

Министерот најави дека во рамки на Клинички центар ќе бидат поставени интерактивни информативни табли каде ќе има информации колку паркинг места има пред одредена клиника, и каде точно се клиниките.