17- годишен кошаркар е висок 229 сантиметри и дава кошеви без скокање (ВИДЕО) - Канал 5

Кошарка

17- годишен кошаркар е висок 229 сантиметри и дава кошеви без скокање (ВИДЕО)

Оливие Риукс е 17-годишен Канаѓанец кој забива без воопшто да мора да размислува.

17- годишен кошаркар е висок 229 сантиметри и дава кошеви без скокање (ВИДЕО)

Со 229 сантиметри тој официјално е највисокиот тинејџер на светот и долго време го гледаат НБА скаути. ФИБА потсети на него со видео од неговите потези од Светското првенство за играчи до 17 години во дресот на канадската репрезентација.

Рио веќе бил висок преку 150 см во градинка. На 12-годишна возраст имал 213 см и неговите удари ги запрепастија дури и НБА ѕвездите како Стивен Кари. На 13 години пораснал на 218 см и потпишал за Реал Мадрид. Од минатата година тренира на престижната Академија ИМГ во Флорида и се развива со цел да го оствари својот сон и да заигра во НБА.

„На секои три до шест месеци го гледате како прави сè побрзо, посилно, поизбалансирано, помобилно. Тоа е важно затоа што на играчите кои се високи обично им треба подолго време за да се развијат, а тој се развива со вистинско темпо за супервисок играч“, рече Џои Мекитерик, кој работи со Риу од неговата 13-та година.

Риукс со 15 години и 226 см веќе влезе во Гинисовата книга на рекорди како највисок тинејџер на светот, а во следните две години пораснал уште три сантиметри, па иако успорува во растот, можеби нема уште да престане. Највисоки играчи во историјата на НБА беа Суданецот Мануте Бол и Романецот Георге Муресан со 231 см.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Над 330.000 пензионери со зголемени пензии, Владата на ВМРО-ДПМНЕ се грижи за оние кои ја градеа Македонија

Владата предводена од ВМРО-ДПМНЕ се грижи и работи за оние кои ја градеа државата. ВМРО- ДПМНЕ во предизборието вети 5.000 денари  но за само две години пензиите на сите пензионери се зголемија линеарно за 7.000 денари.

Над 330.000 пензионери со зголемени пензии, Владата на ВМРО-ДПМНЕ се грижи за оние кои ја градеа Македонија

Над 330 000 пензионери денес имаат повисоки пензии и посигурен сеемен буџет.

Со ова линеарно покачување ги заштитивме оние со најниски примања, па така најниската пензија денес изнесува 18.192 денари додека пак просечната пензија достигна историско највисоко ниво и денес изнесува околу 28.120 денари.

ВМРО-ДПМНЕ ги исполнува ветувањата со конкретни политики и резултати и таа поддршка денес директно ја чувствуваат пензионерите во своите домови.

Пензионерите не се само бројка, туку генерации кои со децении ја граделе државата и токму затоа Владата на ВМРО-ДПМНЕ продолжува со посветено, домаќинско и одговорно работење да креира мерки и политики кои ќе донесат повисок стандард и сигурна иднина за сите граѓани.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Нова инвестиција во спортската и рекреативната инфраструктура на Кавадарци

Градоначалникот на Кавадарци, Митко Јанчев најави нова инвестиција во спортската и рекреативната инфраструктура на Кавадарци.

Јанчев: Нова инвестиција во спортската и рекреативната инфраструктура на Кавадарци

[🏁] Нова инвестиција во спортската и рекреативната инфраструктура на Кавадарци.

По најавата за вовед во работа и поставувањето на камен-темелникот, продолжуваме со реализација на Картинг центарот, инвестиција обезбедена преку вториот повик на Владата. Центарот ќе се простира на 2.700 м², со современа картинг патека и придружни објекти, а вредноста на инвестицијата изнесува 35.247.407 денари.

Нова содржина за младите, љубителите на автомобилизмот и спортот, но и дополнување на туристичката понуда на Кавадарци, стои во објавата на Фејсбук на првиот човек на Кавадарци, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МФ: 2,9 милиони евра нова подршка за инвестиции на домашните компании

2,9 милиони евра нова подршка за инвестиции на домашните компании – парите од унгарскиот заем силен поттик за економијата.

МФ: 2,9 милиони евра нова подршка за инвестиции на домашните компании

Министерството за финансии префрли нов трансфер во износ од 176,5 милиони денари или 2,9 милиони евра од централниот Буџет кон Развојната банка за поддршка на инвестициски проекти во домашните комании.

Со овој трансфер вкупната поддршката на Владата кон домашните компании достигна 14,7 милијарди денари или 239 милиони евра, што е значителен поттик за реализација на приватни инвестиции и поттик за економијата. Во Буџетот за оваа намена се планирани вкупно 250 милиони евра.

Средствата коишто се обезбедени во Буџетот, а се пласираат преку Развојната банка и мрежата на домашни деловни банки до крајните корисници – домашни компании ги обезбеди Владата од унгарската Експорт-импорт банка со цел да поттикне инвестициски циклус во приватниот сектор. Средствата на компаниите се пласираат по поволни услови со каматна стапка од 1,95% и рок на отплата до 15 години со грејс период до 3 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер