„Подготвени сме како никогаш досега, и организациски и оперативно за борбата со евентуалните пожари летово“ – вели за Канал 5 директорот на ДЗС Стојанче Ангелов, кој посочи дека од први јули, со владина одлука, на сила стапува кризна состојба, со цел брза и координирана реакција на институциите, оти влегуваме во сезоната на опасност од пожари. Ангелов додава дека во наредните неколку дена и претседателката Силјановска-Давкова ќе издаде наредба на армијата да биде на готовс, за истата да биде подготвена за учество во гаснење при исклучително сериозни ситуациии.

„Владата го прифати предлогот на управувачкиот комитет и кризната состојба ќе почне да тече од први јули ова лето. Тоа значи, од оној организациски аспект, од аспект на можност за брза реакција, ставање во функција на било кој државен ресурс ние ќе бидеме подготвени, бидејќи минатите години губевме време и во овој дел. Значи ние треба да чекаме да почне да гори за да прогласиме кризна состојба, сум се обидел и порано ова да го наметнам, но од минатата година навистина забележувам голема промена во овој дел.“

Дирекцијата, уверува Ангелов, по неколку години ги има целосно подготвени ресурсите за гаснење и од небо и од земја. Трите ер-трактори се сервисирани и на располагање на тројцата пилоти. Специјалните возила на ДЗС, кои се околу 40тина, можат да дејствуваат веднаш ако има неопходност, а во моментов се работи на дорегрутација на возачите и операторите за нив. Сепак, клучен фактор во справувањето, но и избегнувањето на пожарите се и граѓаните, кои мора да бидат исклучително внимателни, а кои во изминативе години покажале висока свесност, наспроти подметнувачите.

„Бројот на несовесни граѓани би го измерил во промили, значи од 1000 можеби еден, а можеби и помалку, затоа што, ако ние минатото лето имавме нешто повеќе од 3000 пожари, значи имаме 3.000 причинители, дел од нив ако биле удар од гром, електрични уреди и т.н., ако земеме предвид дека еден сторител можеби намерно предизвикал десетина или повеќе пожари, сепак доаѓаме до една мала бројка на граѓани кои со своето несовесно поведение или уште полошо, намерно предизвикале пожар.“

Во претстојните години Ангелов вели дека главен фокус е зголемувањето на бројот на ер-тракторите, барем уште три, а воедно и да се ангажираат дополнителни пет пилоти, на чиј евентуален ангажман веќе се работи.

Според искуствата од минатите години, најкритичните пожари се палеа околу половината на јули, а рекордот во 2025 година беа 44 пожари во еден ден, односно, 66 пожари годината претходно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Работната група за реформи во изборното законодавство денеска ја одржа единаесетта седница на која беа разгледани преостанатите отворени прашања и предлози за измени и дополнувања на Изборниот законик, во насока на исполнување на препораките на ОБСЕ/ОДИХР .

Членовите на Работната група разменија мислења по доставените предлози од политичките партии , при што беше констатирано дека значителен дел од решенијата се усогласени и има висок степен на консензус.

Политичките партии во текот на утрешниот ден по електронски пат треба да се произјаснат за одредени предлози по што се очекува да се подготви законското решение кое ќе произлегува од усогласените решенија и ќе се достави во понатамошна процедура, соопштуваат од МИнистерството за правда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Духовно богаствто старо повеќе од шест века, денес на милост и немилост на влагата и природните појави. Манастирот Успение на Пресвета Богородица, кој се наоѓа на само 15тина километри од срцето на Скопје, повторно го отвора прашањето за грижата кон домашното духовно и културно наследство. На ѕидовите од манастирот можат да се забележат влага, солни наслаги и видливи оштетувања, за кои познавачите алармираат дека со текот на времето можат да предизвикаат сериозни оштетувања на фрескоживописот и на самата градба. Туристичките водичи реагираат дека при обиколките на манастирот, за кои има голем интерес, се потешко можат да им ги претстават фреските на посетителите, бидејки голем дел од нив се оштетени и тешко препознатливи..

Зад мене е манастирот Успение на Пресвета Богородица, чии корени датираат уште од 14 век. Денес објектот се соочува со видливи оштетувања како последица на влага и други природни влијанија. Останува да се види дали надлежните ќе преземат конкретни мерки за негова заштита , додека граѓаните , посетителите и туристичките водичи предупредуваат дека штетите се видливи со години.

Надлежна институција за заштита на културното наследство е Конзерваторскиот центар – Скопје, до кого од Министерството за култура и туризам велат дека испратиле Ургенција за итно постапување.

Министерството за култура и туризам ве известува дека достави Ургенција за итно постапување во врска со состојбата на живописот во црквата „Света Богородица“ – Матка до законски надлежната установа НУ Конзерваторски центар – Скопје. Со барање за стручен увид на лице место, утврдување на фактичката состојба и преземање соодветни мерки согласно нивните законски надлежности.

Со урегенцијата од култура побарале стручен увид на лице место, утврдуваењ на фактичката состојба и преземње на сосодевтни чекори

Инаку, на терен е видливо дека се вршат одредени истражувања, но за сега без детали до каде е постапката.

Сместен на падините на Матка, манастирот Успение на Пресвета Богородица, датира уште од 1337 година..Покрај духовната улога има и големо културно и историско значење, како сведоштво за средновековното наследство, фрескоживописот и континуитетот на монашкиот живот во регионот. Манастирот е еден од најчесто посетуваните во Скопје од туристи и верници и претставува една од најатрактивните туристички дестинации на Матка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.