13. Фестивал на европски филм „Синедејс“ од 13. до 22 ноември - Канал 5

Култура

13. Фестивал на европски филм „Синедејс“ од 13. до 22 ноември

Над 100 филмови, 200 гости, десет концерти и пет филмски работилници ќе има на 13. Фестивал на европскиот филм „Синедејс“ кој ќе се одржува од 13-ти до 22 ноември, со проекции во кината Милениум, Фросина, Кинотека, Џебно кино на МКЦ.

13. Фестивал на европски филм „Синедејс“ од 13. до 22 ноември
Директорот на Младинскиот културен центар Златко Стевковски денеска на прес-конференција ја најави програмата во која во двете натпреварувачки програми - официјалната и „Синебалкан“ ќе има 15 филмови избрани од селекторот Бернд Будер, за кои ќе одлучуваат две меѓународни жирија.

- Филмови кои отсликуваат извонредни приказни, со одлични примери како замислените ликови се борат да изградат меѓучовечка солидарност помеѓу етникумите, нациите, конфесионалностите, генерациите, социјалните класи..., па дури и помеѓу ближните. Во овие петнаесетина филмови, ќе имаме можност да погледнеме нови, амбициозни автори, чии првенчиња и/или веќе втори долгометражни филмови се наградени на филмските фестивали во Европа, рече Стевковски.

Земја во фокусот годинава е Бразил и ќе бидат прикажани најрепрезентативни филмови од кинематографијата на таа земја, ќе има и кратки филмови на млади и перспективни македонски режисери, програма на музички документарци, составена во соработка со загрепскиот фестивал ДОРФ, а гала-програмата и оваа година ќе донесе филмски наслови и победници од последните фестивали во Кан, Венеција, Берлин и Карлови Вари и на големи автори, како Кроненберг, браќата Дарден, Ларс вон Трир, Мишел Гондри, Ким ки Дук, Годар, Кончаловски, Вуди Ален, Вим Вендерс, Фатих Акин... Во гала-програмата, за која Стевковски рече дека секогаш се бара карта повеќе и дека донесува наслови кои ги имаат фестивали со многу поголем буџет, ќе има и два омнибуса со погледи на познати режисери „Bridges of Sarajevo“ и „Rio, I love you“...

Фестивалот идниот четврток ќе почне со македонско-српската компродукција „Споменикот на Мајкл Џексон“ во режија на Дарко Лунгулов, а на 22 ноември ќе заврши со целовечерен концерт на филмска музика во изведба на оркестарот на Македонската филхармонија.

Во придружната програма ќе има пет работилници и конференции. Во соработка со Агенцијата за филм на РМ ќе биде организирана петдневна регионална тренинг-работилница на EAVE (најголема меѓународна мрежа на продуценти) со светски експерти за развој на филм за македонските филмски продуценти.

Директорот на Агенцијата Дарко Башески рече дека EAVE ги собира врвните експерти од филмот и дека една третина од селектираните филмови на големите фестивали се развивани преку оваа мрежа.

- Беа пратени покани до сите земји на ЈИЕ, на крајот се избрани осум проекти. Од Македонија ги примивме двете апликации и од другите земји од регионот имаме уште шест проекти. Осумте проекти ќе бидат развивани со скрипт-доктори, со експерти, во тек на пет дена, за да стигнат до повисоко ниво и да може да аплицираат на EAVE. Во преговори сме EAVE да го донесеме со голема меѓународна работилница следната година, рече Башески.
Ќе има и голема регионална работилница за филмска камера која финансиски е поддржана од европскиот фонд Еуримаж, работилница за филмска критика ќе одржи Бојд Ван Хој, еден од најголемите релевантни филмски критичари, а како дел од проектот Офф ДОРФ ќе има и конференција на тема: „Музичките документарци во транзицискиот 21 век”.

Во соработка со македонската компанија за анимација и визуелни ефекти во филм – Fx3x ќе гостува Виржини Бурдан, светски аниматор и специјалист за визуелни ефекти, дел од најголемата светска компанија за визуелни ефекти Moving Picture Company. Ексклузивен гостин на „Синедејс“ ќе биде и режисерот на филмот „Corn Island”, Џорџ Овашвили, кој победи на фествалот Карлови Вари.

- Непроменлива цврста константа, рече Стевковски за буџетот на годинашниот „Синедејс“, зашто износот е непроменет неколку години. Во него учествуваат Министерството за култура, Град Скопје и Делегацијата на ЕУ во Скопје. Поради мал буџет не можеле да донесат ѕвезди на „Синедејс“ ниту да платат за рекламни билборди во центарот на Скопје.

Градоначалникот на Скопје Коце Трајановски рече дека почетокот на „Синедејс“ на 13 ноември е уште еден придонес во одбележување 70 години од ослободувањето на главниот град.

- Од година во година е се поголема заинтересираноста и секогаш се бара билет повеќе, што зборува за квалитетот на овој фестивал, рече скопскиот градоначалник.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

Интензитетот на сообраќај на патните правци надвор од градските средини е умерен. 

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по претежно влажни коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ЗИМСКА ОПРЕМА: Од 15.11.2026 година започнува законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2027 година. Повеќе информации може да прочитате на овој линк.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

А.Д. ИЛИНДЕН Струга известува дека од 28.10.2026 г. ќе се воведе времен режим на сообраќај на Автопатот А2 делница Кичево – Охрид, во делот Пресека – Песочан до клучка Арбиново, поради изведување градежни работи за санација на лев коловоз и ќе трае сѐ до завршување на санацијата.

Од 30.09.2026 г. се изведуваат градежни активности на Државен пат А2 делница Гостивар – Кичево, конкретно на мост бр. 63 Мост на река Тајмишка. За таа цел се применува времен режим на сообраќај и ќе трае додека не се завршат предвидените градежни работи согласно договорот за санација.

Градежен институт Македонија известува дека од 29.09.2026год. се воведува времен режим на сообраќајот на регионален пат Р1201, делница Струга – Дебар при реконструкција на инекциона завеса на брана „Глобочица“. Времениот режим на сообраќај ќе се изведува согласно одобрен основен сообраќаен проект. Времетраењето на времената измена на режимот на сообраќајот ќе биде се до завршувањето на активностите.

МИСА МГ ДОО известува дека од 24.09.2026год. до 15.04.2027год. се воспоставува времен режим за сообраќај на државниот пат А1 делница Гевгелија – ГП Богородица односно од исклучувањето за Гевгелија до ГП Богородица, автопатот ќе биде затворен за сообраќај и истиот ќе се пренасочува на спротивната страна на автопатот, т.е. од ГП Богородица кон Скопје собраќајот ќе се одвива во две насоки. Исто така и на клучката на Гевгелија сообраќајот ќе се одвива под времен режим.

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На патниот правец ГП Блаце – Скопје се изведуваат градежни активности на неколку делници. Поставена е соодветна сообраќајна сигнализација и соорбаќајот се одвива според одобрен времен режим.

На патниот правец Кичево – Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Премиерот Мицкоски ќе изврши увид во градежни активности во Општина Кисела Вода

Претседателот на Владата на Република Македонија, Христијан Мицкоски, ќе изврши увид во градежните активности на проектот „Подобрување на системот за водоснабдување во руралната населба Каменик, Општина Кисела Вода“.

Премиерот Мицкоски ќе изврши увид во градежни активности во Општина Кисела Вода

Предвидено е премиерот Мицкоски да даде изјава за медиуми.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Одбележан 13 Ноември – Денот на ослободување на Скопје

Град Скопје со свечена манифестација вчеравечер го одбележа „13 Ноември - Денот на ослободувањето на Скопје“.

Одбележан 13 Ноември – Денот на ослободување на Скопје

По тој повод Градоначалникот на Град Скопје, Орце Ѓорѓиевски свечено им ги додели признанијата на годинешните добитници на наградата „13 Ноември“, луѓе кои со своето знаење, творештво, труд и човечност го збогатуваат Скопје и го издигнуваат неговиот углед.

- Денот што ја носи гордоста на нашиот град и споменот на хероите на кои вечно ќе им бидеме благодарни. Пред 82 години, на улиците на Скопје се решавало дали идните генерации ќе живеат со наведнати глави или ќе чекорат слободно. Нашите ослободители го дале својот одговор. Со храброст. Со непоколеблива решителност. Со сопствените животи. Затоа денес стоиме исправени. Затоа денес живееме слободни. Затоа нивното дело има вечно место во срцето на Скопје. Слободата што ја живееме била платена со најскапоценото. Со млади животи, со неостварени соништа, со празни места во домовите во кои некој никогаш не се вратил. Нашата благодарност кон нив е вечна обврска да паметиме, да ја чуваме вистината за нивната борба и да создаваме град достоен за нивната жртва. Ви благодарам што му давате толку многу на нашиот град и што со вашиот пример ги охрабрувате младите да веруваат во сопствените можности. Носете го ова признание со гордост – рече Ѓорѓиевски во своето обраќање.

Градоначалникот Ѓорѓиевски истакна дека нашата борба денес е различна, но суштината е иста, да им оставиме подобра иднина на генерациите што доаѓаат, како и дека негова главна заложба како градоначалник е да изградиме уредно, зелено, безбедно и современо Скопје, град во кој децата ќе растат со можности, секое населено место ќе добива внимание, а секој човек заслужена почит.

- Секоја генерација има своја одговорност пред Скопје. Затоа ги откочивме проектите што со децении стоеја како неми сведоци на неодговорноста. Ги презедовме најтешките обврски и работиме да го завршиме она што предолго било одложувано. Денес, големите капитални проекти се во завршна фаза. Она што со години било ветување, добива облик пред очите на скопјани. Ова е одговорноста што ја презедов. Ќе ја носам со целосна посветеност, за Скопје да оди напред, а граѓаните да ја чувствуваат промената во својот живот. На овој голем ден, ја наведнуваме главата пред жртвата на ослободителите, а ја креваме со решителност пред обврските што ни ги носи иднината. Нивната храброст нека нè води. Нивната љубов кон Скопје нека нè обединува. Нашите дела нека покажат дека сме достојни за слободата што ни ја оставија. Нека е честит 13 Ноември. Вечна слава на ослободителите. Да живее слободно Скопје – рече Ѓорѓиевски.

Тагови: Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер