118 жртви во уривањето на покрив на дискотека во Доминиканска Република - Канал 5

Свет

118 жртви во уривањето на покрив на дискотека во Доминиканска Република

Страотни слики го обиколија светот од трагедијата во Доминиканска Република – најмалку 113 лица загинаа откако врз глава им се сруши покривот на ноќниот клуб „Џет Сет“ лоциран во главниот град Санто Доминго, кој важи за најпопуларен во земјата.

118 жртви во уривањето на покрив на дискотека во Доминиканска Република

Вознемирувачките видеа покажуваат како покривот се руши токму над бината и просторот преполниот партер. Бројот на повредени и жртви од час во час расте, а спасувачките служби се во трка со времето да ги извлечат преживеаните од под рушевините...

-Еден ли е таму? Да, да, еден. Темно ли е, можеш ли убаво да видиш? Да, да темно е.

-Еј, ве молам, побргу. Aјде да ја подигнеме. Оваа големата? Да, ајде да ја тргнеме.

Некои од заглавените во очај успеале да дојдат и до своите мобилни телефони, обидувајќи се на семејствата да им посочат каде отприлика се наоѓаат под рушевините...

- Да те слушам. Во кој дел си? Локацијата отприлика каде се наоѓаш? Зборувам со жена ми, жива е, внатре е.

На терен е тешка машинерија, а во процесот на спасување е вклучена целата држава, која претседателот кој е на самото место посочи дека се е ставено на располагање, како и неговите молитви...

-Сконцентрирани сме да ги извадиме луѓето од таму, за да можеме да ги спасиме, луѓето кои што се живи да ги однесеме во различни болници, а подоцна ќе обезбедиме и прелиминарен извештај за жртвите во ова место.-Хуан Мануел Мендез – Директор на службите за итни случаи.

-Главната цел е да се спасат уште живот, тоа е она што сега се прави. Од синоќа, од минута во минута ја следиме оваа трагедија, па сите ресурси, владини институции за помош се достапни и веќе работат. Веруваме во Господ, дека ќе ни помогне да спасиме повеќе животи од овие урнатини ,-Луис Абинадер – Претседател на Доминиканска Република.

Во меѓувреме, додека повредените се извлекуваат, семејства се собрани во очај да дознаат нешто повеќе, со надеж дека нивните блиски не се меѓу настраданите.

Во рушењето засега за мртви се потврдени, популарниот меренге пејач Руби Перез, како и саксафонистот од неговиот бенд. Загинале и неколку поранешни доминикански бејзбол играчи, како и локалната гувернерка Нелси Круз.

Во „Џет Сет“ пред три години избувнал и пожар кој оштетил голем дел од клубот. Во меѓувреме екипите на терен работат и на утврдување на причините за оваа трагедија, додека пак за уапсени лица се уште нема информација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер