11-ти Викенд Медиа Фестивал од 20-23 септември - Канал 5

11-ти Викенд Медиа Фестивал од 20-23 септември

Дигитални платформи некогаш и денес: „Викенд“ открива како да се задоволат потребите на читателите.

11-ти Викенд Медиа Фестивал од 20-23 септември

На панелот „New world order“: Како да се произведе содржина за дигиталното

доба“, претставниците на клучни медиуми ќе говорат за специфичностите на производство и дистрибуција на дигиталните содржини.

Печатените медиуми некогаш на своите интернет портали објавуваа речиси исти содржини како и во своите весници. Денес дигиталните платформи имаат сопствена форма, т.е. оригинални начини за пренос на информации и вести кои битно се разликуваат од создавањето содржини за традиционалните медиуми.

Дигиталните медиуми, како средство за информирање и едукација, почнаа внимателно да ја балансираат продукцијата на сопствената содржина, преку анализи и колумни, како и брзи вести кои читателите ги очекуваат на порталот. Но, новинарите и уредниците сè уште се пред предизвикот на кој начин пред големата дневна продукција да ги истакнат квалитетните теми и да ја зголемат нивната читаност, а од друга страна и понатаму да бидат први кои ќе ја објават веста.

Повеќе не е исто ни уредувањето насловна страна на интернет порталите, кои некогаш беа уредувани неколку пати дневно. Денес корисникот очекува нови информации на насловната секогаш кога ќе го посети порталот. Од тука не нè чудат трендовите кои покажуваат значајно зголемување на прилозите, од некогашните десетина на неколку стотици текстови дневно.

Со сè поголемото објавување на содржини, видливо е зголеменото консумирање, т.е. задржување на интернет порталите. Според истражувањето на Џемиус (Gemuis), во последните 10 г., времето на задржување на дигиталните платформи се зголемило за 50% па дури и за 100% на месечно ниво.

На панелот „New world order“: „Како да се произведе содржина за дигиталното време“ Викенд Медиа Фестивал ќе ги собере претставниците од клучни медиуми за да им објасни кои се карактеристиките на производство и дистрибуција на дигиталните содржини.

Најголемиот регионален комуникациски фестивал оваа година се одржува од 20-23 септември, како и секогаш во поранешната фабрика за тутун во Ровињ, а партнери на фестивалот оваа година се Франција и Германија. Сите маркетинг работници своите дела можат да ги пријават на седмиот по ред BalCannes, а најдобрите дигитални дела во регионот ќе ги претстави најважната награда, SoMo Borac.

Освен по конструктивните, а понекогаш и продуктивни расправи за трендовите во индустријата на комуникациите, „Викенд“ е познат и по најдобрите забави. И годинава не очекува разновидна музичка програма и дружење до доцна во ноќта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пожар во ноќен клуб во Никозија – гости останале заробени на балкон

Пожар избувнал во ноќен клуб во Никозија, при што повредено е едно лице. 

Пожар во ноќен клуб во Никозија – гости останале заробени на балкон

Поради чадот околу 50 лица останале заглавени во објектот и се засолниле на балконите каде што останале до гаснењето, при што биле безбедно евакуирани.

Портпаролот на противпожарната служба на Кипар, Андреас Кетис, информираше дека околу 2:45 часот добиле пријава за пожар на влез на ноќен клуб во кипарскиот главен град, а од пожарот биле уништени тепихот и паркетот со кои бил обложен влезот на објектот.

„Поради чадот, што се прошири на првиот кат, околу 50 лица (гости) останаа заробени во објектот. Еден маж се здоби со изгореници при обид да го изгасне пожарот“, изјавиле од противпожарната служба.

Повредениот бил пренесен во болница, а во гаснењето на пожарот интервенирале три противпожарни возила со екипи од противпожарните станици во Никозија.Причините за пожарот треба да ги покаже истрагата, а кипарските медиуми пожарот најверојатно бил подметнат, бидејќи извори од полицијата посочиле дека на влезот била пронајден запалива материја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новиот претседател на српското собрание Чупиќ поканет на Самитот во Брисел, но одбил да присуствува

Новиот претседател на српското собрание, Александар Чупиќ, кој привремено ја извршува и функцијата претседател на Србија добил покана да учествува на Самитот на Европската унија и Западен Балкан, што ќе се одржи на 25 ноември во Брисел.

Новиот претседател на српското собрание Чупиќ поканет на Самитот во Брисел, но одбил да присуствува

Од делегацијата на Европската унија во Србија информирале дека Чупиќ изразил жалење што нема да може да присуствува на состанокот, но не ја наведуваат точната причина за тоа. Поканата ја упатил претседателот на Европскиот совет, Антонио Кошта. Во писмото тој навел дека самитот ќе биде можност за разговор за клучните прашања поврзани со соработката меѓу Европската унија и земјите од Западен Балкан.

Инаку, поранешниот српски претседател Александар Вучиќ одби да учествува на Самитот во Брисел во декември 2024 година, незадоволен од тогашната одлука на Европската унија да не го отвори кластерот 3 во пристапните преговори со србија, кој се однесува на конкурентноста и инклузивниот раст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Денес граѓаните на Крива Паланка излегоа на мирен протест-Одиме до крај — додека не се спроведе законот и последното грло добиток не биде изнесено од градот!

Под пораката „За безбедност, за заштита на имот и за спроведување на законот!“, присутните побараа неодложни, координирани активности на надлежните институции и трајно решавање на проблемот.

Денес граѓаните на Крива Паланка излегоа на мирен протест-Одиме до крај — додека не се спроведе законот и последното грло добиток не биде изнесено од градот!

Многубројни граѓани од Крива Паланка и околните села денес, 21 ноември, се приклучија на мирниот протест кај мотел „Македонија“, изразувајќи поддршка за барањата за безбедност, заштита на имотот и итно спроведување на решенијата за одземање на добитокот.

Под пораката „За безбедност, за заштита на имот и за спроведување на законот!“, присутните побараа неодложни, координирани активности на надлежните институции и трајно решавање на проблемот.

„Одиме до крај, додека не биде спроведен законот и последното грло добиток не биде изнесено од градот. Оваа агонија и голгота мора да престане. Дадов збор дека ќе останам со народот до крај и тој збор ќе го одржам“, порача градоначалникот Сашко Митовски.

Митовски побара надлежните институции да ги исполнат своите обврски и да ги спроведат решенијата донесени пред повеќе од две и пол години. Нагласи дека граѓаните предолго ги трпат последиците и дека заштитата на нивните семејства, имоти и егзистенција бара итно постапување.

На протестот се обрати и претседателот на Советот на Општина Крива Паланка, Миле Трајковски, кој порача дека остануваат со граѓаните до решавање на проблемот и најави порадикални протестни мерки доколку изостане конкретно институционално постапување.

Оштетени граѓани сведочеа за уништени насади, оштетени имоти, големи материјални загуби и закани со кои се соочувале. Побараа заштита на своите семејства и услови за безбедно живеење и непречено обработување на земјоделските површини.

Денешниот протест следува по мерките предложени од Општинскиот кризен штаб, барањето за прогласување 30-дневна кризна состојба и многубројните јавни апели. На 18 ноември, градоначалникот и засегнати граѓани поднесоа кривични пријави со барање да се испита одговорноста за неспроведувањето на решенијата. Доставени се и претставка до ДКСК и барање за вонреден инспекциски надзор до Државниот управен инспекторат.

Општина Крива Паланка останува покрај своите граѓани, со јасно барање за спроведување на решенијата, институционална одговорност и конкретни резултати на терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер