-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.

Полицијата презема мерки за расчистување на случајот

Во јануари, годинава беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.

Во 2023 година на подрачјето на СВР Куманово биле регистрирани вкупно седум (7) измами за дрва, а во 2022 година 15 пријави за измами со огревни дрва. СВР Куманово презема мерки и активности за пронаоѓање и санкционирање на сторителите на овие измами.

-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат од СВР Куманово.

Движењето ЗНАМ – За наша Македонија денеска одржа прес конференција на која професор доктор Јасмин Циривири ги претстави клучните прашања од областа на здравството во изборната програма „Проглас за достоинствена Македонија“ на Движењето, за претстојните парламентарни избори.

Професор Циривири рече дека Движењето ЗНАМ – За наша Македонија нуди конкретни мерки за идните реформи во областа на здравството, а тие во основа подразбираат максимално и професионално залагање од страна на секој чинител во здравствената сфера. Целта е, како што рече, тој пристоен и достоинствен живот на секој граѓанин во државата, со еднаков пристап до потребните услуги. Циривири додаде дека ЗНАМ сака да покаже дека може да се создадат услови граѓаните да бидат здрави, работоспособни и да придонесуваат за општата благосостојба. Тој посочи дека за да се направи тоа е потребно:

„Реконструкција на постојните и доизградба на започнатите медицински установи на територијата на Македонија, со акцент на формирање на три здравствени центри во Штип, Битола и Тетово, по примерот на ГОБ „8ми Септември“. Тоа е од стратешко значење, бидејќи ќе овозможи брз пристап и услуги на граѓаните, како и подигање на нивото на третманите со софистицирани дијагностички методи“.

Истовремено, како што рече тој, граѓаните нема да бидат изложени на дополнителни материјални трошоци и стресови при добивањето на здравствените услуги, кои им следуваат по сите морални и здравствени норми во едно современо општество. Циривири додаде дека при тоа ќе се направи итно пополнување на дефицитарниот специјалистички кадар во овие установи со упатување на млади лекари на специјализација, вклучувајќи ги и приватните специјализанти. Исто така ќе се направи и привремено дополнување на медицинскиот кадар по принципот на ротација во регионалните центри со кадар од болниците во главниот град, до моментот на оспособување на доктори од дефицитарните специјалности во истите.

„Очекуваме, рече доктор Циривири, - Со ова да се намалат листите на чекање за софистицирани дијагностички процедури и особено елективните оперативни третмани“.

Како втора мерка се предвидува формирање на реални цени на здравствените услуги од страна на Фондот за здравствено осигурување со цел исплата според извршените услуги кон здравствените установи, со што ќе се овозможи самоодржливост на истите.

„Структурата на реалните цени подразбира режиски трошоци, дневниците на персоналот неопходен за оптимално функционирање на основна единица – на ниво на одделение, потрошниот санитетски материјал, како и амортизацијата за одржување на непотрошниот санитетски материјал. Со овој систем се зголемува мотивираноста на установите да ја зголемат ефикасноста и постојано да го подобруваат квалитетот во пружањето на здравствена нега. Овој принцип на економско делување овозможува непосреден увид во финансиската состојба на установата и активно учествуво во планирањето и трошењето на потрошниот и непотрошниот медицински материјал и опрема, како и во одржувањето на болничките капацитети“, рече Циривири.

Формирањето на диспечерски податаочен центар во Министерството за здравство, е третата мерка што се предвидува.

„Со неа ќе се овоможи постојан увид во исполнетоста на капацитетите на сите здравствени установи во државата.Оваа централизација на логистичките податоци овозможува навремен транспорт и прием на итните пациенти, за да се надмине беспотребното лутање на болничките возила по здравствените установи без точна информација за слободно место за прием на итните пациенти. Овој центар, исто така, ќе има клучна улога особено при згрижувањето на пациентите при масовни незгоди, железнички,автобуски, какон и поплави, земјотреси итн“, нагласи доктор Циривири.

Една од мерките за подоборување на состојбите во здравството е и креирањето на реални, конкурентни плати во сите сектори и нивоа на здравството.

„Во ставките за плати, додатоци и надоместоци на плати во Буџетот, ќе се зголеми масата на средства за најмалку 15 проценти, и на тој начин ќе се обезбеди соодветно зголемување, како на докторските, така и на платите на медицинските сестри и помошниот персонал. Порастот на платите ќе се усогласува со порастот на минималната плата“, рече доктор Циривири.

Тој нагласи дека медицинскиот персонал ќе биде во процес на континуирана медицинска едукација во соработка со здравствени установи кои се движечки центри во развојот на современата медицина, а Министерството за здравство ќе го координира развојот, овозможувајќи доостручување, по предлог на непосредните носители на стручната дејност, во согласност со потребите на установите.

Од здружението обвинуваат државата не води статистика, судските постпаки за овие случаи се влечат со години, работодавачите не доволно се казнуваат.

„Оваа година броиме дека најмногу има загинато во градежниот сектор, но трендот на гинење на работни места се уште го држи земјоделството. Или поточно местата каде самите работници имаат најмалку пристап до создавањето на таа превентивна култура, во смисла на обуки, во смисла на лични заштитни средства, во смисла на побезбедни алатки уреди со кој работат.“- -изјави Милан Петковски – Македонско здружени за заштита при работа.

Според статистиката која ја води здруженитето иако е значително намален бројот на несреќи кои имаат фатален крај на работното место, бројот на повредени работници е висок, според нив доколку законот не е само на хартија, и овие повреди може значително да се намалат. Велат клучот лежи во казнивоста на работотдавачите кои мора да разберат дека луѓето не се само бројка.

„Доколку видиме лична одговорност кон еден кој не го почитува законот, кој што ќе биде казнет за пример на сите останати тогаш ќе дојдеме до ситуација дека свеста кај сите останати кои се обидуваат да делуваат како да ќе поминат без последица тогаш мислам дека ќе се промени. Вториот начин е кога веќе имаме несреќа на работните места задолжително мора да дојдеме во ситуација да ги разбереме механизмите кои довеле до повреда. Не може вака да поминуваат несреќи, по несреќи, по несреќи за на крајот тоа да биде само пуста статистичка бројка.“- -изјави Милан Петковски – Македонско здружени за заштита при работа.

Мината година повеќе од 2илјади работници се здобиле со сериозни повреди на своите работни места. Пред неколку дена по повод меѓународниот ден, надлежните институции во земјава посочија дека голем дел од несреќите при работа се последица на недоволното и несоодветно превземање на превентивни и заштитни мерки неопходни за заштита на здравјето и животот на рабтониците.