10 производи со една од најбараните состојки за нега на кожата на лицето - Канал 5

Здравје

10 производи со една од најбараните состојки за нега на кожата на лицето

Ги бришат брчките правејќи ја кожата поубава!

10 производи со една од најбараните состојки за нега на кожата на лицето

Една од најпознатите и најпопуларни состојки за нега на кожата е ретинолот. Се работи за еден од облиците на витамин А, кој првенствено се користи за нега на зрела кожа.

Ретинолот, исто така е една од состојките што предизвикува страв кај потенцијалните корисници. Меѓутоа, доколку сте добро информирани и ги следите правилата, ретинолот може да стане состојка која ѝ дава бројни придобивки на вашата кожа.

Како функционира ретинолот?

Ретинолот е вид на ретиноид кој се произведува од витаминот А. За разлика од другите производи за нега на зрела кожа, тој не ги отстранува мртвите клетки од кожата. Наместо тоа, малите молекули кои го сочинуваат ретинолот продираат длабоко под надворешниот слој на кожата, а штом ќе влезат во средниот слој на кожата, ретинолот помага да се неутрализираат слободните радикали. На овој начин помага во стимулирањето на производството на еластин и колаген. Исто така, тој ја намалува појавата на фини линии и брчки и проширени пори.

Ретинолот, исто така, може да се користи за лекување на акни и придружни лузни, и има ефект на пилинг на површината на кожата, што може да помогне во подобрување на текстурата и тонусот.

Во секој случај, секојдневната употреба на ретинол може да донесе многу придобивки за вашата кожа на лицето, која со текот на времето ќе стане поеластична и помека, со сè помалку видливи знаци на стареење.

Несакани ефекти од употребата на ретинол

Пред упатствата за употреба на ретинол, ќе се осврнеме на несаканите ефекти што може да ги предизвика.

За почеток, луѓето кои воведуваат ретинол во нивната рутина може да доживеат сува и иритирана кожа. Некои од можните несакани ефекти се црвенило, чешање и лупење на кожата.

За да се намалат несаканите ефекти, важно е да се следат правилата за употреба на ретинол.

Како да се користи ретинол?

На самиот почеток би било добро да користите производи со што помалку ретинол и да не го правите тоа секоја вечер. Во првите неколку недели, користете ретинол околу два пати неделно.

Нанесувањето на ретинол 30 минути по миење на лицето може да помогне во намалување на иритацијата на кожата, а ризикот од несакани ефекти се зголемува ако истовремено користите повеќе производи кои содржат ретинол. Затоа, внимателно прочитајте ги етикетите на производите вклучени во вашата дневна рутина.

Друга состојка која не се препорачува да се користи истовремено со ретинолот е витаминот Ц. Експертите предлагаат да ги користите наизменично, па дури кога кожата ќе се навикне на еден производ, почнете да го воведувате другиот производ во вашата рутина.

За да избегнете несакано оштетување на кожата, важно е да нанесувате креми со висок заштитен фактор на лицето во текот на денот.

Не користете ретинол за време на бременост или кога се изложувате на сонце.

Производи со ретинол

Во продолжение, издвоивме десет производи со различен процент на ретинол кои можеби ќе станат дел од вашата рутина.

„Serum La Roche-Posay Retinol B3“

Серумот Ретинол Б3 и помага на кожата веднаш да изгледа помазна и посјајна. Кожата постепено ја враќа својата цврстина и се коригираат знаците на фотостареење: длабоки брчки, фини линии и нерамномерен тен на кожата. Се нанесува навечер на лицето и вратот со секојдневна употреба на производите за заштита од сонце.

„Dermalogica Dynamic Skin Retinol Serum“

Ова е ноќен серум кој има висок процент на ретинол. Содржи 3,5% од ретиноиден комплекс кој ефикасно делува на брчките и фините линии, ја изедначува текстурата и бојата на кожата и ја намалува видливоста на порите.

„Balea Beauty Collagen Retinol Serum“

Серумот Balea Beauty Collagen Retinol ги измазнува брчките и ја прави кожата мазна. Нежниот серум со ретинол го стимулира природното производство на колаген и ја зајакнува структурата на кожата одвнатре. Интензивно ја хидрира и подмладува кожата правејќи ја свиленкаста. Неколку капки од серумот се нанесуваат на исчистената кожа на лицето, вратот и деколтето.

„Kiehl's Retinol Skin – Renewing Daily Micro-dose Serum“

Ова е моќен серум против брчки со ретинол кој видливо ги намалува брчките и зацврстува и ја подобрува текстурата на кожата. Тој е прецизно формулиран за да обезбеди дневна доза на чист ретинол притоа предизвикувa минимални непријатни несакани ефекти.

„Environ Focus Care Youth+ Concentrated Retinol Serum“

Овој серум го подобрува тeнот и текстурата на кожата и го спречува предвременото стареење. Ако се користи правилно, ѝ дава на кожата цврст и мазен изглед и го подобрува нејзиното целокупно здравје и сјај.

„Paula's Choice 1% Retinol Treatment“

Овој производ ги измазнува длабоките брчки и фините линии, ја зацврстува кожата и ги намалува флеките и нерамномерниот тен. Покрај тоа, ги прочистува порите и текстурата на кожата и помага да се намалат мозолчињата и да се ублажат лузните од старите мозолчиња.

Ноќен концентрат за лице „Biotherm Blue Retinol“

Овој третман против стареење го комбинира регенерирачкото дејство на Life Plankton со чистиот и високо дозиран (0,25%) ретинол за ефективна борба против брчките обновувајќи ја површината.

„Afrodita Skin Specialist проконцентрат Ретинол. 2“

Овој производ е совршен избор за секој што бара напредна и ефикасна нега против стареење. Ефикасно ја намалува појавата на брчки, видливо ја затегнува кожата, создава сјаен, мазен изглед и ја зајакнува природната бариера на кожата делувајќи како навлажнувач.

Покрај тоа, го изедначува тенот и ја намалува хиперпигментацијата и формирањето на мозолчиња.

Крема „А313“

Оваа крема со ретинил палмитат го подобрува изгледот на кожата. Го одржува младешкиот изглед на кожата и ја штити од стареење, меѓу другото, ја намалува видливоста на фините линии и брчки на кожата.

Серум со ретинол „CeraVe“

Овој серум помага да се изедначи структурата на кожата со тоа што ја намалува појавата на лузни предизвикани од неправилности, ја намалува видливоста на порите и ја подобрува површината на кожата. Серумот е лесен и брзо се апсорбира, враќајќи и здравиот изглед на кожата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Малиот булдог Каси им го спаси животот на своите сопственици- загина во борба со разбеснета мечка

Омилениот француски булдог на една двојка умре обидувајќи се да ги спаси своите сопственици од разбеснета мечка откако дивото животно ги нападна во дворот на нивниот дом во руралните делови на Северна Калифорнија.

Малиот булдог Каси им го спаси животот на своите сопственици- загина во борба со разбеснета мечка

Џеф и Мелори Вилсон биле во нивниот дом во округот Тринити кога нивното куче Каси само еднаш лаело. Доцна ноќното лаење го натера Џеф да излезе надвор и да го провери дворот, објави Њујорк Пост.

Само што ја отвори вратата, Каси слезе од терасата, а зад мебелот од градината се појави мечка . Мечката потоа го нападна Џеф и го собори на подот.

Несвесен за фаталниот напад, Мелори се разбудил од вревата и излегол надвор да провери што се случува. Мечката потоа ја нападна и неа, нанесувајќи и тешки повреди на лицето и телото.

Во еден момент од нападот, мечката со устата го фатила Каси и почнала да бега. Мелори фрли стол кон мечката, поради што ја испушти Каси. Џеф потоа ја турнал грејачот на градината кон мечката, по што животното конечно побегнало.

Двојката верува дека мечката испаничила откако била закачена меѓу мала ограда околу куќата и отворена порта.

„Мислам дека мечката беше изненадена од нас исто како и ние од неа“, рече Џеф.

Двојката итно ја однела Каси на операција за да ѝ ги санира повеќекратните рани од каснување и длабоките исеченици по должината на 'рбетот. Кога по два дена сама почнала да оди и да пие вода, почувствувале наплив на надеж дека ќе закрепне. Трагично, таа починала следното утро.

Според страницата GoFundMe што ја започнала Рејчел Москоне, пријателка на парот веќе 20 години, Џеф се здобил со две скршени ребра, како и бројни рани од каснување и канџи, додека Мелори претрпела тешки повреди на главата и лицето, скршена рака и дополнителни рани од каснување и убоди.

„Каси се фрли меѓу Џеф и мечката во обид да го заштити“, рече Москон.

Таа додаде дека 7,5-годишната женка француски булдог била сакана членка на семејството Вилсон и „кога на Џеф му била најпотребна, ова мало куче храбро застанало меѓу него и мечката“.

„Таа никогаш не требаше да биде херој, таа не беше наш чувар.

Двојката одлучила да живее во рурална Северна Калифорнија за да биде поблиску до природата и нејзиниот див свет и биле уништени од нападот.

„Ова беше неиспровоциран и крајно необичен состанок што никој од нас не можеше да го предвиди. Можеме да тагуваме за Каси и да бидеме скршени од она што се случи, додека сè уште го почитуваме дивиот свет што припаѓа на овие места“, рече парот.

Тагови: булдог мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сите гледаа во Дакота Џонсон- на премиера во Лондон се појави во прѕирен фустан (ФОТО)

Дакота Џонсон вчера вечер се појави на лондонската премиера на „Verity“ во проѕирен фустан од чипка под кој се гледаше долната облека.

Сите гледаа во Дакота Џонсон- на премиера во Лондон се појави во прѕирен фустан (ФОТО)

Актерката избра беж фустан направен од нежна чипка од дизајнерката Колин Ален за црвениот тепих. Креацијата имаше длабоко деколте со јака слична на шал и крој без ракави. Под проѕирниот фустан, 36-годишната Џонсон носеше контрастна црна долна облека од Fleur du Mal.

Изгледот го комплетираше со нејзината препознатлива права кафеава коса, црн маникир и златен ѓердан, нараквица и неколку прстени.

На премиерата, таа позираше и со Џош Хартнет, со кого глуми во нов психолошки трилер. Во филмот глуми и Ен Хатавеј. За настанот, Хартнет избра црно одело без вратоврска, широки панталони и модерна кроена јакна.

Проѕирните фустани станаа нејзин заштитен знак

Џонсон е веќе позната по изборот на транспарентни материјали за формални настани. На премиерата на филмот „Madame Web“ во Лос Анџелес во 2024 година, таа носеше мрежест фустан од Гучи украсен со кристали, под кој носеше долна облека во боја на кожа.

Во текот на септември 2025 година, таа двапати носеше транспарентни креации. Прво, таа избра црн фустан од чипка со цветен вез за вечерата „Грижа за жените“ на Фондацијата Керинг, а потоа светло виолетов фустан од Гучи на Филмскиот фестивал во Цирих.

На Меѓународниот филмски фестивал Црвено Море во декември 2025 година, таа носеше бел фустан од чипка со длабоко деколте од Клое.

„Се чувствувам убаво во нив, затоа ги носам“

Кога во октомври 2025 година германскиот Вог ја праша дали се грижи дека нејзините фустани се „премногу секси“, Џонсон одговори дека „едноставно не е загрижена“.

„Имав можност да носам некои од најубавите фустани и се чувствувам убаво во нив, затоа ги носам“, изјави таа за списанието.

Тагови: Дакота Џонсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Паника во Берлин: Маж почина, повеќе лица се затруени со гумени бонбони

Повеќе луѓе во Берлин биле сериозно отруени, а еден 42-годишен маж почина откако консумирал гумени бомбони за кои се верува дека содржат THC. 

Паника во Берлин: Маж почина, повеќе лица се затруени со гумени бонбони

Берлинската здравствена служба издаде итно предупредување за опасните слатки. Властите истражуваат три поврзани случаи и се сомневаат дека сите жртви претходно јаделе THC бомбони, пишува БИЛД.

Најлошиот регистриран случај се случил на 22 септември во берлинскиот округ Нојкелн. На Киницер Штрасе, службите за итни случаи пронашле 42-годишен маж со срцев удар во 10:26 часот наутро. „Беше извршена реанимација, но за жал не беше успешна. Телото на починатиот беше предадено на берлинската полиција“, изјави портпарол на надлежната служба за БИЛД. Постојат индикации дека овој маж ги консумирал и спорните гумени бомбони пред неговата смрт.

Четири дена претходно, на 18 септември, беа пријавени два случаи на истата адреса во округот Фридрихшајн во Берлин. Пожарникарите прво интервенирале на Миленштрасе во 10:43 часот наутро поради 30-годишна жена со тешко нарушување на свеста. Според првичните информации, и таа јадела бомбони со THC. Малку повеќе од еден час подоцна, брзата помош пронашла 40-годишен маж со идентични симптоми на истата адреса.

Двајца биле успешно третирани

Двајцата биле пренесени во болница. Сите инциденти биле пријавени во Берлинската здравствена служба. Неговата портпаролка Дерте Арнолд потврдила за БИЛД дека се регистрирани неколку случаи во кои луѓето по консумирање на гумени бонбони со THC имале „различни степени на интоксикација со клиничка слика на опиоиден токсидром“.

Симптомите се во согласност со труење со опиоиди како што се фентанил, хероин, морфиум, оксикодон или метадон. Типични знаци вклучуваат конфузија или губење на свеста, бавно и плитко дишење и зеници со големина на глава на шпенадла. Во најтешките случаи, може да се случи прекин на дишењето и смрт.

Арнолд додаде дека Здравствената служба веднаш ги предупредила градските окрузи, клиниките и советувалиштата за опасностите од ваквите производи. Сè уште не е прецизно утврдено за која супстанца станува збор. Според информациите од BILD, двајца преживеани пациенти биле успешно третирани со налоксон. Станува збор за лек кој ги поништува ефектите на опиоидите и може брзо да ја запре респираторната депресија што е опасна по живот.

Тагови: Берлин гумени бонбони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер