Фотографијата е објавена на „Reddit“ од корисникот „u/yourstruly_chris“, а објавата собрала повеќе од 109.000 гласови „за“. Корисникот, кој се претставил како Крис, изјавил за „Newsweek“ дека ја направил фотографијата на 8 јануари за време на посетата на Холивудската патека на славните.

Крис, кој вели дека е критичар на администрацијата на Трамп и не сакал да го каже своето целосно име, тврди дека изгледало како некој претходно да се обидел да избрише други пораки и цртежи на плочата. „Колку што можев да видам, имаше трага од избришаниот цртеж“, рече тој.

Тој додаде дека има своја теорија зошто ѕвездата била шкртана. „Мислам дека причината е прилично очигледна, со оглед на сè што се споменува во последно време - ICE, Венецуела, Епштајн и старите обвинувања што се појавуваат“, рече тој.

Бидејќи фотографијата е направена пред неколку дена, Крис претпостави дека знаците оттогаш се отстранети. Сепак, видеото што Трејси Мело го објави на „TikTok “пред 24 часа покажува дека сите четири зборови се сè уште видливи.

@tracey.mello You know you’re in Hollywood when even the Walk of Fame has drama 😅 I swear these stars have seen everything—tourists, scandals, hot dog carts, and apparently… graffiti poetry now...this is sad #Hollywood #WalkOfFame #OnlyInLA #LosAngeles #LAThings @President Donald J Trump ♬ Crystal Skies (Sped Up) - VXLLAIN & iGRES & ENXK

Честа цел на вандализам

Ако фотографијата е автентична, ова е само најновиот во низата случаи на вандализирање на ѕвездата на Трамп. Трамп доби ѕвезда на Холивудската патека на славните во 2007 година, и таа беше недопрена долго време - сè додека не влезе во политиката.

Откако стана претседател, ѕвездата беше оцрнета неколку пати, а во неколку наврати и физички оштетена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Жирито на изборот за женски автомобил на годината (WWCOTY), составено од 84 женски автомобилски новинарки од 54 земји, го заврши првиот круг на гласање и ги објави победниците по категории.

Меѓу нив се шест модели кои влегуваат во финалето и се борат за титулата женски автомобил на годината за 2026 година.

На овогодинешното, 15-то издание на наградите „WWCOTY“, учествуваа 55 нови модели, а беа земени предвид безбедноста, технологијата, карактеристиките на возење, удобноста, ефикасноста и вредноста за парите.

Сите возила мораше да бидат достапни за продажба на најмалку два континента или во 40 земји во текот на 2025 година.

Победници по категорија (WWCOTY 2026):

• Компактен автомобил: „Nissan Leaf“

• Компактен „SUV“: „Škoda Elroq“

• Седан: „Mercedes-Benz CLA“

• Голем „SUV“: „Hyundai Ioniq 9“

• „4x4“: „Toyota 4Runner“

• Спортски автомобил: „Lamborghini Temerario“

Овие шест модели сега влегуваат во финалната рунда, а вкупниот победник ќе биде објавен во текот на неделата на Меѓународниот ден на жената, 8 март, на официјалниот „YouTube“ канал на „WWCOTY“.

Покрај главните награди, беа доделени и специјални награди. „Renault“ ја освои наградата за најдобра технологија, додека „Ford“ ја доби специјалната награда „Sandy Myhre“ за својата посветеност на родовата еднаквост и унапредување на улогата на жените во автомобилската индустрија.

Целта на наградите „WWCOTY“ е да се истакнат најдобрите автомобили во годината, без да се делат на „женски“ и „машки“, туку врз основа на критериуми што се важни за сите возачи низ целиот свет.

За наградата „Женски автомобил на годината во светот“

„Женски автомобил на годината во светот“ е единственото автомобилско жири во светот составено исклучиво од жени – новинарки специјализирани за автомобилизам.

Жирито е основано во 2009 година.

Како што е наведено, покрај изборот на најдобрите автомобили на годината, целта е да се зголеми видливоста на жените во автомобилскиот свет и да се слушне нивниот глас на сите континенти, бидејќи мобилноста за жената значи пристап до бројни лични и професионални можности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Стармер рече дека се добредојдени вестите дека компанијата за социјални медиуми презема мерки во врска со загриженоста дека Грок произведува сексуализирани слики на жени и деца.

Сепак, тој додаде дека владата нема да се „повлече“, нагласувајќи дека независната истрага на британскиот медиумски регулатор Ofcom за Грок ќе продолжи.

Во меѓувреме, Маск тврди дека неговиот четбот одбива да произведува нелегална содржина и се чини дека го обвини „непријателското хакирање“ за генерирањето на сексуализираните слики од страна на Грок, пренесе ДПА.

Стармер повторно го осуди Грок како „одвратен“ и „срамен“ и рече дека Ofcom има целосна поддршка од министрите да дејствува доколку X не го стори тоа.

- Да го известам Домот, утрово бев информиран дека X дејствува за да обезбеди целосна усогласеност со британскиот закон. Ако е така, тоа е добредојдено, но нема да се повлечеме и тие мора да дејствуваат. Ќе ги преземеме неопходните мерки. Ќе ги зајакнеме постојните закони и ќе подготвиме легислатива доколку е потребно да се оди понатаму, а Ofcom ќе ја продолжи својата независна истрага, рече тој.

Официјалниот портпарол на Стармер изјави дека тој одговарал на „одредени извештаи од утрово во врска со некои од промените на платформата во однос на способноста за генерирање слики на жени“.

Ofcom почна истрага за X во понеделникот, по зголемената загриженост поради извештаите дека Грок им дозволува на корисниците да манипулираат со слики на жени и деца за да ги сексуализираат.

Министерката за технологија, Лиз Кендал, изјави дека регулаторот ќе има целосна поддршка од министрите да преземе мерки против X, вклучително и ефективна забрана на платформата во Обединетото Кралство, доколку компанијата не направи измени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.