Знаци дека вашето дете има токсичен пријател и како да постапите - Канал 5

Живот

Знаци дека вашето дете има токсичен пријател и како да постапите

Нормално е да не ви се допаѓаат сите пријатели на вашето дете и важно е да му дадете простор за тоа да истражува различни пријателства.

Знаци дека вашето дете има токсичен пријател и како да постапите

Но, понекогаш не станува збор за тоа дали одреден пријатен не ви се допаѓа, туку за тоа дека односот станува нездрав и штетен. Честопати во таква ситуација за еден родител е тешко да процени дали воопшто треба да реагира. Ваквите пријателства можат да имаат негативно влијание врз емоционалната и социјалната благосостојба на детето, а експертите нудат совети како да го препознаете проблемот и како да постапите, пишува Parents.com.

Што е токсично пријателство?

Емили Зелер, семеен и брачен терапевт, го опишува токсичниот пријател како некој што „постојано се однесува така што го исцрпува вашето дете, манипулира со него и му наштетува емоционално, социјално, па дури и физички“.

Ова вклучува постојана негативност, како што е омаловажување и понижување на вашето дете, исмејување за детето да се чувствува помалку вредно. Исто така, постои контрола и посесивно однесување, како на пример кога другарот диктира со кого може да се дружи детето или претерано се лути ако поминува време со други.

Драматизирањето и манипулацијата исто така се чести, што може да се види преку чувствата на вина, ширењето гласини или некаков вид „тест“ за лојалност. Ваквите пријателства често се еднострани, што значи дека токсичниот пријател само зема и ништо не враќа. Исто така, постои притисок од врсниците што го турка детето кон ризични однесувања, како што се употреба на дроги, бегање од училиште или малтретирање на други деца.

Знаци дека вашето дете е во токсично пријателство

Не е секогаш лесно да се забележи дека детето е во токсично пријателство бидејќи децата честопати немаат зборови да објаснат низ што минуваат, а понекогаш дури и не разбираат целосно што им се случува. „Децата не знаат секогаш да кажат: „Нешто не е во ред со овој другар“, но можете да видите многу од нивното однесување и расположение“, вели Шерил Гроскопф, терапевт од Лос Анџелес, специјализирана за анксиозност, траума и приврзаност.

Според Гроскопф, ако вашето дете почне да се однесува поинаку од вообичаено - станува потивко, понапнато или се повлекува од луѓе на кои порано им верувало - тоа може да биде знак дека нешто не е во ред. Исто така е корисно е да набљудувате како се однесува вашето дете откако ќе помине време со пријател за кој се сомневате дека лошо влијание врз него. „ Дали е исцрпено? Раздразливо? Тажно? Тоа се важни знаци“, вели Гроскопф.

Како да разговарате со вашето дете за проблематичниот пријател

Гроскопф советува да не бидете премногу груби. „Колку и да е примамливо, не скокајте во улогата на строг родител и не почнувајте со критика на пријателот“, вели таа. „Тоа само ќе го турне вашето дете уште повеќе кон него“.

Наместо тоа, таа препорачува да бидете љубопитни и смирени. Таа предлага да поставувате прашања како: „Дали чувствуваш дека можеш да бидеш она што си кога си со него?“ или „Што се случува кога не се согласувате? Смееш ли да кажеш што мислиш?“ Можете и да го прашате вашето дете како се чувствува во негова близина. „Целта не е да го етикетирате неговиот другар, туку да му помогнете на вашето дете да препознае кога нешто не е во ред“, вели Гроскопф.

Ако вашето дете не гледа проблем

Можно е вашето дете, и покрај вашите најдобри напори, едноставно да не гледа колку е нездраво пријателството. Зелер вели дека е подобро да не го етикетирате пријателот како „лош“, туку да поставувате отворени прашања, како на пример: „Како се чувствуваш кога си со таа личност?“ Охрабрете го вашето дете да го препознае моделот, на пример: „Забележав дека често се чувствуваш потиштено откако ќе поминеш време со него. Дали и ти имаш таков впечаток?“.

Преку свој пример покажете како изгледаат здравите односи, што значи почитта, довербата и меѓусебната грижа во пријателството. Наместо да ги замолите веднаш да ја прекинат врската, дајте им простор сами да дојдат до заклучок и помогнете им да постават поздрави граници. Не забранувајте го токсичното „пријателство“ бидејќи тоа обично предизвикува контраефект и го турка детето во одбранбен став.

Кога да побарате стручна помош

Понекогаш, и покрај желбата и трудот, родителите не можат сами му пружат поддршка на своето дете. Тогаш стручната помош може да направи голема разлика. Според Зелер, треба да се побара лиценциран терапевт или училишен психолог ако расположението или однесувањето на детето значително се влошиле или ако во односот има злоставување или користење на опојни средства.

Гроскопф советува да не се чека проблемот да ескалира, туку да се реагира на време. Посетете педијатар или терапевт при првиот знак кога ќе забележите дека таквото пријателство влијае на менталното здравје на вашето дете. „Терапевтот може да му помогне на вашето дете да разбере што се случува во ова пријателство, како да се залага за себе и да постави граници без целосно да се затвори.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хајди Клум позира топлес покрај базен: Обожавателите ја нарекуваат „кралица“

Хајди Клум (53) го искористи сончевиот викенд за релаксација покрај базен. Во неделата, манекенката објави фотографија на Инстаграм на која седи на работ од базенот, со нозете во водата и кренати раце.

Хајди Клум позира топлес покрај базен: Обожавателите ја нарекуваат „кралица“

Таа носеше само долен дел од црно бикини и качкет, додека покрај неа седеше нејзината 22-годишна ќерка, Лени. Лени во скутот држеше кученце по име Фриц – кое Хајди го вдоми во април. „Недела“, напиша таа кратко покрај фотографијата.

Хајди не се крие

Објавата брзо го привлече вниманието на нејзините следбеници, кои го преплавија делот за коментари со комплименти. Некои ја нарекоа „кралица“ и „божица“, додека други едноставно напишаа „вау“.

Хајди со години отворено зборува за својот став кон сопственото тело и голотијата. Во интервју за списанието „People“, таа објасни дека ваквиот пристап за неа е сосема природен.

„Отсекогаш сум била многу отворена во однос на своето тело. Кога се сончам во градината, понекогаш не носам горен дел. Јас сум Европејка... моите деца никогаш не ме запознале поинаку, што веројатно е причината зошто тие се поопуштени во однос на сопствените тела“, изјави таа.

Манекенката исто така истакна дека никогаш премногу не се грижела за тоа како изгледа пред другите. „Отсекогаш сум имала самодоверба. Немам проблем да шетам наоколу во долна облека. Не се кријам по ќошиња“, појасни Хајди.

Таа не сака инјекции за слабеење

Клум претходно зборуваше за тоа како се справува со телесните промени што доаѓаат со стареењето. Според неа, во тоа има поддршка од нејзиниот сопруг, Том Каулиц (37), кој ја охрабрува да не биде опседната со стандардите за слабост наметнати од модната индустрија.

Денес, таа смета дека неколкуте килограми вишок воопшто не ѝ пречат и дека таквата фигура одлично ѝ прилега. Истовремено, таа изјави дека нема интерес за лекови за слабеење, како што се „Ozempic“, „Wegovy“ или „Mounjaro“.

Наместо тоа, таа се стреми да одржува рамнотежа преку исхраната и редовната физичка активност. Не поминува часови во теретана, бидејќи претпочита поедноставни форми на вежбање. Дома, во Лос Анџелес, таа често скока на трамболина или изведува вежби со сопствена тежина, вклучително и чучњеви.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена со ебола пренесена во Швајцарија, има сомнеж за уште еден случај

Маж, за кој постои сомневање дека е заразен со ебола, пристигна во Швајцарија од Нигерија и е примен во Универзитетската болница во Цирих, потврди денеска портпарол на болницата, пренесува Ројтерс.

Жена со ебола пренесена во Швајцарија, има сомнеж за уште еден случај

Владата на Нигерија претходно соопшти дека жена заразена со ебола – сопруга на швајцарски дипломат – утрово заминала за Швајцарија со специјален лет за медицинска евакуација. Во авионот бил и нејзиниот сопруг. Според веб-страниците за следење летови, авионот пристигнал во Швајцарија попладнево.

Жена пренесена во Женева на лекување

Портпаролот на болницата во Цирих не го откри идентитетот на мажот, но потврди дека една жена е пренесена во Женева на лекување. Властите во Женева одбија да го коментираат случајот, наведувајќи дека швајцарската влада наскоро ќе издаде соопштение со дополнителни детали.

Извор: Индекс.хр

Тагови: ебола Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дури ни соработката со „Xpeng“ не помага: „Volkswagen“ во криза

Уделот на кинескиот пазар во вкупната добивка на групацијата е намален од речиси 50 отсто на околу 10 отсто, а партнерството со локалниот производител „Xpeng“ сè уште не ги дава очекуваните резултати.

Дури ни соработката со „Xpeng“ не помага: „Volkswagen“ во криза

Со години, Кина беше еден од најважните пазари за „Volkswagen“, но ситуацијата значително се промени.

Уделот на Кина во вкупната добивка на групацијата падна од речиси 50 отсто на околу 10 отсто, а партнерството со кинескиот производител „Xpeng“ сè уште не ги носи очекуваните резултати.

„Volkswagen“ инвестираше 700 милиони долари во „Xpeng“, стекнувајќи удел од 4,99 отсто.

Двете компании развија заедничка електрична и електронска архитектура за нови електрични возила, вклучувајќи ги моделите „ID. Unyx 08“ и „ID. Unyx 09“.

Концептот беше автомобилите да се развиваат и произведуваат во Кина, приспособени за локалните купувачи.

Сепак, продажбата на првиот модел е далеку под предвидувањата. Според податоците објавени од Ројтерс, во периодот од април до август, месечно се продавале во просек само 267 примероци од моделот „ID. Unyx 08“.

Тоа е помалку од десет отсто од првичната цел од 3.622 возила месечно.

Поради овие слаби резултати, „Volkswagen“ ја намали целта за продажба за 2026 година од 32.600 на 12.300 автомобили.

Целта за 2027 година исто така е ревидирана, намалувајќи се од 70.400 на 64.000 возила. Технологијата и продажната мрежа како предизвик

Моделот „ID. Unyx 08“ се одликува со модерен дизајн и богата дигитална опрема. Сепак, според извештаите, тој заостанува зад одредени кинески конкуренти во поглед на технологијата и брзината на полнење.

Продажната мрежа претставува дополнителен предизвик: моделот првенствено се продава преку околу 166 продажни места на „Volkswagen Anhui“, наместо преку значително пошироката мрежа на партнерства со „FAW“ и „SAIC“. Сепак, „Volkswagen“ останува посветен на Кина. Компанијата очекува месечна продажба од најмногу 4.900 примероци од седанот „ID. Unyx 09“, со долгорочна цел до 2034 година да достигне 90.000 возила годишно.

Овој модел ќе им конкурира на возила како што се „Tesla Model 3“ и „Xiaomi SU7“.

Германскиот производител, исто така, ја разгледува можноста за извоз во Европа на возила произведени во Кина.

Сепак, дополнителните царини за автомобилите произведени во Кина би можеле да го отежнат овој план. Поради тоа, како алтернатива се разгледува производство во германските погони, кои моментално работат со капацитет под максимумот.

Извор: Б92

Тагови: Volkswagen Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер