„Златна потковица" на „Астерфест" за францускиот филм „Вдовицата Саверини" - Канал 5

„Златна потковица" на „Астерфест" за францускиот филм „Вдовицата Саверини"

Најдобар краток филм на 16. издание на Филмскиот фестивал „Астерфест", кое заврши синоќа во Струмица, е францускиот „Вдовицата Саверини" на Лоик Гајер, кој го доби фестивалското гран-при – Златна потковица.

„Златна потковица" на „Астерфест" за францускиот филм „Вдовицата Саверини"

„Сребрена потковица" за најдобар краток документарен филм ја доби „Најдобриот град воопшто не е град" на Кристоф Шварц од Австрија, а „Бронзена потковица" за најдобар краток анимиран филм му е доделена на филмот „Минувачот" на Питер Кудизел од Белгија.

Награда „Ацо Алексов" за најдобар автор ја доби Владимир Перовиќ од Црна Гора за филмот „Мирот на нашата Богородица", а наградата „Ѓорги Абаџиев" за најдобро сценарио ја доби филмот „Тој не може да живее без космосот" на Константин Бронзит од Русија.

Одлуките за наградите едногласно ги донесе жирито составено од режисерите Ено Милкани, Панајотис Краварис и актерката Јулија Милкова.

Ова издание на „Астерфест" се одржа под мотото „Нови мотивации", а во официјална интернационална конкуренција беа 24 краткометражни играни, документарни и анимирани филмови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Благодарница за министерот Ристовски за поддршката и придонесот во одржувањето на Скопскиот маратон

Министерството за спорт е покровител и еден од најголемите поддржувачи на Скопскиот маратон, препознавајќи го неговото значење не само како врвен спортски настан, туку и како значаен промотор на Скопје и Македонија на меѓународната спортска сцена.

Благодарница за министерот Ристовски за поддршката и придонесот во одржувањето на Скопскиот маратон

Во име на организаторите на Скопскиот маратон, генералниот секретар на Сојузот на спортови на Скопје, Гордана Кузмановска Николовска денеска му врачи благодарница на министерот за спорт, Борко Ристовски, како признание за неговата посветеност, поддршка и заложба за континуирано одржување на оваа традиционална спортска манифестација.

Министерството за спорт е покровител и еден од најголемите поддржувачи на Скопскиот маратон, препознавајќи го неговото значење не само како врвен спортски настан, туку и како значаен промотор на Скопје и Македонија на меѓународната спортска сцена.

Министерот Ристовски изрази благодарност за доделеното признание, нагласувајќи дека поддршката за Скопскиот маратон претставува дел од определбата на Министерството за спорт да ги поддржува спортските манифестации кои придонесуваат за развојот и афирмацијата на спортот, поттикнуваат здрави животни навики и ја промовираат државата.

„Скопскиот маратон е многу повеќе од спортски настан. Тој е симбол на истрајноста, спортскиот дух и заедништвото, но и значаен начин за промоција на Скопје и Македонија. Ова признание го прифаќам како признание за заедничката посветеност и поддршка на сите кои придонесуваат за неговото успешно одржување. Министерството за спорт и во иднина ќе продолжи да дава силна поддршка на овој настан и на сите иницијативи кои го приближуваат спортот до граѓаните и значат промоција на државата“ - истакна министерот Борко Ристовски.

Министерството за спорт останува посветено на поддршката на спортските настани кои имаат долгорочно значење за развојот на спортската култура, масовноста и меѓународната афирмација на македонскиот спорт.

Министерство за спорт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Прес-конференција на директорите на БЈБ и АНБ: Разоткриена иранска прокси мрежа инволвирана во планирање на терористички напад

Прес конференција на директорот на БЈБ Александар Јанев и директорот на АНБ Бојан Христовски.

Прес-конференција на директорите на БЈБ и АНБ: Разоткриена иранска прокси мрежа инволвирана во планирање на терористички напад

​Агенцијата за национална безбедност континуирано ги следи состојбите поврзани со глобалните безбедносни закани и предизвици со кои се соочува Европа и регионот во изминатиот период.

Од почетокот на 2026 година Агенцијата во соработка со грчката национална разузнавачка агенција и други партнерски служби, но и во координација со МВР-БЈБ на национално ниво преземаше активности за разоткривање на намери и планови на лица надоврзани на странски/ирански фактори, за извршување на терористички акти.

Во таа насока Агенцијата презеде сет од оперативно-технички и аналитички активности со цел разоткривање на прокси мрежа од земјава, надоврзана на иранскиот државјанин Edris Jahangiri Mavaneh, издиференциран како лице поврзано со други прокси актери на иранските безбедносно-разузнавачки служби, вклучително и негова поврзаност со нарко босот Naji Sharifi Zindashti.

Во однос на македонската мрежа, станува збор за лица етаблирани во криминални структури во земјава, кои по директни насоки на иранскиот државјанин преземаа подготвителни логистички активности за извршување на терористички акт/атентат врз лице во Грција.

Во координација и размена со странски партнерски служби беше разоткриен нивниот modus operandi, за одржување на конспиративни средби на територија на трети земји, вклучително и Иран, при што беа потврдени конекциите со иранскиот државјанин, кој е главен носител на планираната терористичка акција. Информациите укажуваат дека станува збор за лице кое има широка мрежа на прокси актери и контакти со лице од висок интерес за безбедносните служби, односно истиот е соработник на иранските безбедносно-разузнавачки служби.

Ваквите конекции, како и фактот дека изминатиот период повеќе земји се соочија со терористички закани и напади од страна на ирански прокси актери, е во корелација со обидите на иранските разузнавачки служби за нивно затскривање преку криминални прокси мрежи во трети земји, вклучително и Македонија.

Агенцијата во рамките на своите надлежности останува фокусирана кон зачувување на националната безбедност, за што ќе продолжи со активности за детектирање и спречување на евентуални терористички закани преку прокси елементи од Иран, како и разоткривање на други лица инволвирани во ирански прокси мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Дамата со камелии“ – раскошна балетска приказна за љубовта

Инспирирана од познатата приказна за Маргарита и Арман, претставата ја пренесува на балетската сцена љубовната судбина на двајцата главни ликови.

„Дамата со камелии“ – раскошна балетска приказна за љубовта

На 28 ноември со почеток во 19.30 часот, на сцената на Националната опера и балет ќе биде изведена раскошната балетска претстава „Дамата со камелии“ – емотивна сценска приказна за љубовта, страста и жртвата, раскажана преку моќта на танцот и музиката на Џузепе Верди.

Инспирирана од познатата приказна за Маргарита и Арман, претставата ја пренесува на балетската сцена љубовната судбина на двајцата главни ликови.

Музиката на Верди, препознатлива по својата мелодиска убавина и силен емоционален набој, ја надополнува драматургијата и ја продлабочува приказната за љубовта, личните жртви и општествените ограничувања.

Изведбата ќе биде под диригентската палка на Едуард Амбарцумјан од Ерменија, додека кореографијата е на Василиј Медведев, еден од истакнатите руски кореографи, кој соработува со водечките балетски театри, меѓу кои „Бољшој“ во Москва и „Марински“ во Санкт Петербург. Сценографијата и костимографијата се дело на Павол Јураш од Словачка, а концерт-мајстор е Јане Бакевски.

Во главните улоги на Маргарита и Арман ќе настапат Марија Кичевска Шокаровска и Франциско Хименес Руиз од Шпанија, заедно со солистите, балетскиот ансамбл и оркестарот на Националната опера и балет.

Со раскошна сценографија, впечатливи костими, музиката на Верди и кореографијата на Василиј Медведев, „Дамата со камелии“ ја оживува безвременската љубовна приказна преку елеганцијата на балетскиот израз и силата на сценските емоции.

Национална опера и балет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер