„Животот е прекрасен“ - премиера на Македонскиот народен театар - Канал 5

Култура

„Животот е прекрасен“ - премиера на Македонскиот народен театар

Македонскиот народен театар вечер премиерно ќе ја изведе претставата „Животот е прекрасен“ од Николај Ердман, во адаптација и режија на познатиот бугарски режисер Александар Морфов. Новата премиера МНТ ја најави како претстава „што ќе ве расплаче и ќе ве насмее до солзи“, во која во фокусот е малиот и обичен човек - неговите желби, стравови и страсти.

„Животот е прекрасен“ - премиера на Македонскиот народен театар
Наместо „Дон Кихот“, како што првично беше најавен проектот на МНТ со Морфов, тој е насловен „Животот е прекрасен“ откога режисерот ги изгледал претставите на нашиот театар и се запознал со ансамблот. Одлучил дека „Животот е прекрасен“ е „по мерка на овој ансамбл“.

- Почнуваме да ја губиме смислата на животот. Политиката стана најужасно нешто, свет со народ кој се занимава со пари и со самиот себе. Во таа смисла „Животот е прекрасен“ ми се чинеше дека е понеопходно, да му се даде нешто и на малиот човек, дека и тој треба да живее. Треба да стигне до пеколот за да сфати што е најважно, рече Морфов на прес-конференција по повод премиерата.

Бугарскиот режисер со меѓународна кариера, кој оваа претстава со македонскиот ансамбл ја подготвува три месеци, рече дека е задоволен што повторно работи во пријателска Македонија и одново соработува со, како што рече, омилените актери Никола Ристановски, Николина Кујача, Звездана Ангеловска.

Не сакаше да зборува за крајниот резултат и за оценката на критиката зашто нему, рече тој, најважен му е креативниот процес.

- За мене нема ништо поубаво од тоа процесот на работа да е креативен и секој ден да се изненадуваме со нови идеи и предлози, независно од критиката. Важно е што чувствуваме ние. Овде тоа се случи во прекрасна форма и се надевам дека претставата ќе биде достојна на нашиот труд. Мора да се уважува трудот, напорот и желбата на актерот да излезе на сцена и да покаже што знае, рече Морфов.

Директорот на МНТ Дејан Пројковски рече дека останал без здив гледајќи ја генералната проба на три и полчасовната претстава и дека 10 април ќе биде празник за МНТ. Покрај вечерашната, гала-премиера, МНТ најави уште две премиери на „Животот е прекрасен“ - на 15-ти и на 16 април.

- Претставата е многу слоевита и шокантно е што од минута во минута ве прави и многу среќни и многу тажни, каков што е и животот. Морфов, кој е еден од најголемите европски режисерски имиња, во оваа претстава ја вградува сопствената естетика. Нејзиното поставување е остварување на голем сон и важна точка за МНТ во потрагата на креативни предизвици, рече Пројковски.

Во актерската екипа се: Никола Ристановски, Николина Кујача, Звездана Ангеловска, Сашко Коцев, Тања Кочовска, Емил Рубен, Гораст Цветковски, Славиша Кајевски, Никола Ацески, Александар Ѓорѓиоски, Арна Шијак, Тина Трпкоска, Александар Микиќ, Никола Стефанов, Кире Ѓоревски, Александар Михајловски, Марија Новак, Драгана Левенска, Никола Кимовски, Марија Димитрова, Анастазија Христовска и Соња Крстевска.

Сценографијата е на Никола Тороманов од Бугарија, костимограф е Марија Пупучевска, кореограф Инга Красовска. Учествува и петчлениот оркестар „Раскрши се“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Бугарија остана без селектор по само две кола во Лигата на нации

Фудбалската репрезентација на Бугарија ќе мора да бара нов селектор откако Александар Димитров поднесе неотповиклива оставка по разочарувачкиот старт во Лигата на нации.

Бугарија остана без селектор по само две кола во Лигата на нации

Бугарите освоија само еден бод од првите два натпревара, кои се одиграа во Пловдив. Најпрво беа изненадени од Луксембург и славеа со 2:1, а потоа одиграа нерешено без голови против Естонија.

Димитров ја соопшти својата одлука веднаш по вториот натпревар, незадоволен од играта и од фактот што неговиот тим не успеа да го спроведе подготвениот план.

„Игравме многу хаотично. Нашиот план не беше спроведен и не успеавме да создадеме притисок во нападот. Тоа значи дека ја изгубивме довербата на играчите. Со ваква игра и вакво издание, завршуваме. Ѝ благодариме на Фудбалската федерација за укажаната можност“, изјави Димитров.

Тој ја предводеше бугарската репрезентација на десет натпревари, при што оствари три победи, две нерешени средби и пет порази. Бугарија сега ја очекуваат два последователни натпревари на гостински терен.

Во сабота ќе играат против Исланд во Рејкјавик, додека три дена подоцна ќе гостуваат во Луксембург. Исланд го зазеде првото место во групата со победа од 3:0 над Луксембург.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 60 милиони евра за автобуси со помал капацитет — за чии интереси ВМРО-ОКГ го крои тендерот?

Криминална власт на Мицкоски под радарот договора тендер вреден речиси 60 милиони евра за автобуси во Скопје. 

СДСМ: 60 милиони евра за автобуси со помал капацитет — за чии интереси ВМРО-ОКГ го крои тендерот?

Скопјани чекаат превоз, а власта им ги намалува и местата во автобусите!

Според анализата на Центарот за граѓански комуникации, наместо првично бараните 76, во следните постапки се бараат 66 патници по автобус.

Тоа е 20 места помалку од последно купените автобуси на Град Скопје и 30 помалку од донираните од ЕУ.

Две поевтини понуди биле отфрлени. Значи поскапи.

Класичен рецепт за корупција и шеми со местење тендери.

Очигледно намерно тендерот се повторувал трипати за да се наместат условите и да се усогласат играчите.

Омилените компании на ВМРО од Унгарија и Кина од остри конкуренти преку ноќ станале „партнери“ со заедничка понуда.

Наместо да го реши ѓубрето во Скопје, наместо да го реши проблемот со јавниот превоз, Орце мисли на провизии и дилови и со автобусите.

Помалку места за Скопјани повеќе пари за арамиите.

Вака функционира организирана криминална група.

Ќе отвори ли истрага Јавното обвинителство или екскурзијата уште трае?

Скопје, 30.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС

На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС, нам ни останува да се грижиме за граѓаните и државата.

Петрушевски: На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС

Контрашот Венко Филипче полека, но сигурно се губи на политичката сцена. Секојдневно исти приказни, лажна загриженост, ширење паника во јавноста и секако не поминува ден без лаги.

Филипче треба да разбере дека овој негов филм не поминува кај граѓаните.

А зошто не поминува? Затоа што фактите постојано го демантираат. Фактите укажуваат на сосема поинаква слика од онаа која ја има во неговиот филм. На кратко, во најголемата енергетска криза дизелот има најниска цена во Македонија. Пензиите растат. Платите во сите сектори од образование, здравство, МВР се покачуваат редовно според планот.

Талогот од СДС знае само за марихуана економија, а истата им носи добивка само на неколкумина или на контрашот Филипче, неговиот учител Заев кој продаде се што можеше да се продаде од државата.

И да нема дилема кај Филипче, тој може да продолжи со неговиот филм. На ВМРО-ДПМНЕ тој филм му одговара затоа што овој филм на Филипче го носи СДС кон порази. И да е јасно, секако, тоа не е добро за државата, затоа што е потребна здраво поставена опозиција. Но, работата на ВМРО-ДПМНЕ е да се грижи за граѓаните и државата и да повика да се консолидира опозицијата.

Бране Петрушевски, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер