9 правни субјекти, вклучително и маркети, аптеки, увозници – дистрибутери, досега добиле 15 дневна забрана за вршење на дејност како и парична казна поради непочитување на владините одлуки за скалестото ограничување на бруто профитната маржа, како и замрзнување на цените на одредени прозиводи, велат од пазарен за Канал 5. Освен затворање кај одредени правни субјекти, од досега извршените конторли изречени биле и парични казни во висина од над 50 илјади евра. Од ДПИ велат инспекторите остануваат на терен, а според најавите засилени контроли ќе има и за време на велигденските празници.
„Генерално одлуките на Влада се почитуваат со исклучок кај некои правни субјекти. До денес извршени се над 500 надзори во трговијата на мало и големо. Констатирани се околу 65 неправилности врз основа на Законот за трговија и Законот за заштита на потрошувачите, како и непочитување на одлуките кај 9 правни субјекти, кај кои е изречена забрана на врешење на дејност од 15 дена и соодветен платен налог.“, велат од пазарен за Канал 5.
Владините мерки за замрзнување на цените на 8 групи на производи, како и ограничување на бруто профитната маржа на 5, 10 и 15 % на повеќе од 1 000 прехрамбени и непрехрамбени прозиводи беше донесена во февруари, а ќе трае се до крајот на април. Заменик министерот за економија и труд, Марјан Ристески пред неколку дена рече дека мерката дава резултати, а во периодот кој следи доколку е потребно ќе се креираат нови мерки за заштита на стандардот на граѓните. А токму во таа насока до крајот на неделава малите, големи и средни маркети веќе ќе треба на своите веб страни на дневна основа да ги објавуваат цените на сите производи.
„Тоа е израелски модел кој се применува во неколку држави Израел, Италија, последно и Хрватска, значи гледаме позитивни примери од другите држави како граѓаните можат да ги проверуваат тие цени транспарентно и да си одлучат сами во кој маркети да одат, каде ќе може да купат подобри, поквалитетни, поевтини производи. “-изјави Марјан Ристески – заменик министер за економија и труд .
Надлежните очекуваат цените во пресрет на празниците да одат во надолна линија. А дополнително финишира и новата методологија за просечна потрошувачка кошничка, преку која секој месец дражвата ќе премсетува колку пари во просек му се потребни на едно тричлено семејство.