„Закана“ од здружението „Македонско-Бугарско пријателство“ до Бугарските „гастарбајтери“ - Канал 5

Македонија

„Закана“ од здружението „Македонско-Бугарско пријателство“ до Бугарските „гастарбајтери“

Прочитајте го соопштението на здружението МБП, кое има елементи на мека закана кон бугарските „гастарбајтери“, но истовремено видете од каде доаѓа целата политичка „хистерија“ на Софија. Погледнете ги пописите во Македонија и бројот на Бугари.

„Закана“ од здружението „Македонско-Бугарско пријателство“ до Бугарските „гастарбајтери“

Канал 5 им го честита националниот празник на Бугарија, 3ти Март, воспоставен во 1991 год. како национален празник, а за кој официјална Софија има специјални чувства поради Санстефанскиот Договор и Санстефанска Бугарија, што било вазално кнежество кое траело само 5 месеци. И толку.
Истовремено го пренесуваме во целост денешното соопштение на Здружението „Македонско-Бугарско пријателство“ каде еден период беше претседател македонскиот Бугарин , лидер на партијата ГДУ, кој пред 10на години изјави дека во Македонија живеат преку 1.2 милиони Бугари, кое слободно може да се категоризира во „мека закана“, до оние кои имаат Бугарски пасоши/државјанства, доколку не гласаат дека се Бугари тогаш тоа значи дека при пополнување на документацијата за добивање на „гастарбајтерски бугарски“ пасош, дале „лажни податоци“

Пред да го прочитате соопштението на ова здружение, кое е најблага форма на „говор на омраза“ , навреда и клевета , во споредба со оние политички и историски тонови кои доаѓаат од официјална Софија изминативе 6 месеци, погледнете ја табелата на сите пописи во Македонија во минатото , од која јасно се гледаат две работи:
1. Невистина е дека досега не им било дозволено на нашите сограѓани кои се чувтсвувале или биле Бугари да се изјаснат како такви на претходните пописи
2. Најголем број на попишани Бугари имало на пописот во 1971 год. ( 3334 ), а на последниот попис ги имало само 1487 лица
3. Дали официјална Софија се плаши да не се повторат овие бројки, независно дали од пописот од 1971 или од 2002 год. ?

Следува сооштението на Здружението МБП во целост:

„ја користиме оваа прилика да им го честитаме националниот празник 3ти март Ослободувањето на Бугарија, на сите во и надвор од Бугарија и да им посакаме добро здравје и понатамошен просперитет. Понатаму, поттикнати од зголемениот интерес во овие неколку дена, чувствуваме обврска да се обратиме на овој начин, со цел колку што можеме, да одговориме на прашањата за кои се интересирате.

Прво, согласно Законот за Бугарско Државјанство од 1999 год. на лицето може да му се одземе истото, доколку се докаже дека во текот на постапката дало лажни податоци. На македонските граѓани кои деновиве се известени за такво нешто, а кои се наоѓаат надвор од Република Македонија, им препорачуваме да се обратат до Дипломатско конзуларните претставништва на Република Бугарија.

Здружението „Македонско-Бугарско„ пријателство, на ниеден начин не може (дури и да сака) да влијае на таквите правни постапки.

Второ, согласно измените во погоре наведениот закон, потенцијалните апликанти од Република Македонија, во иднина ќе можат полесно да се стекнат со државјанство на Република Бугарија.

Се надеваме дека овие информации ќе им бидат од корист на оние кои последниве денови ги „вжештија“ телефонските лини на нашето здружение.

Понатаму, ја користиме оваа можност да истакнеме дека ги разбираме и ја споделуваме загриженоста на Културниот центар „Иван Михајлов“ од Битола за атмосферата на несигурност на лицата кои себе си се идентификуваат како „Бугари или македонски Бугари“ .

Впрочем, самата идеја за формирање на МБП е афирмацијата на фолклорот, културата,традициите и зближувањето на сите кои имаат потекло од Македонија. Ние ги перцепираме како сонародници и инспиратори и Ted Kotcheff - Величко Тодор Костадин и Милчо Манчевски (нека ни простат што ги користиме како пример). Творештвото на Димитар Талев и Пеју Јаворов го гледаме како не така дамнешен крик за слобода и правда.

И сосема за крај, без да навлегуваме во „политички импликации“ во и онака исполитизираниот попис во Република Македонија, ги охрабруваме пред се, нашите членови, да се изјаснат онака како што се чувствуваат и притоа воопшто да не „лицитираат“ или да се грижат за бројките. Бројките се важни, луѓето уште повеќе!“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува амандманската расправа за ребалнасот на буџетот

Денеска продолжува  амандманската расправа за ребалнасот на буџетот.

Продолжува амандманската расправа за ребалнасот на буџетот

Поднесени се вкупно 224 амандмани од кои 90 се од ДУИ, 78 од СДСМ, 51 од Левица и пет од ВРЕДИ. Комисијата досега разгледа повеќе амандамани. Вкупните приходи во ребалансот се проектирани на 379,2 милијарди денари, што е зголемување за речиси 4,2 милијарди денари или 1,1 отсто во однос на иницијалниот буџет за 2026 година. Вкупните расходи се проектирани на 425,2 милијарди денари. обезбедени се дополнителни средства за капитални инвестиции, кои достигнуваат речиси 46 милијарди денари и се зголемени за речиси 5,8 милијарди денари што е зголемување за 14,5 проценти. Економскиот раст е проектиран на 3,5 отсто, инфлација на 4,5 проценти, а буџетски дефицит на 4,1 отсто од БДП.

Тагови: ребаланс на Буџетот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, нема подолги задржувања за влез и излез од државата

Сообраќајот на државните патишта се одвива непречено, по суви коловози.

Сообраќајот на државните патишта се одвива непречено, нема подолги задржувања за влез и излез од државата

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

ЗАБРАНА ЗА ТЕШКИ ТОВАРНИ ВОЗИЛА: Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни:

петок од 17:00 – 22:00 часот,

сабота од 09:00 до 18:00 часот и

недела од 09:00 до 22:00 часот.

Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.

Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.

На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:

петок од 15:00 – 22:00 часот,

сабота од 07:00 до 12:00 и од 18:00 до 24:00 часот и недела од 07:00 до 22:00 часот.

Овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите.

Ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока.

РАБОТИ НА ПАТ:

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски ќе оствари работна посета во општина Тетово

Денес заменик претседателот на Владата и министер за транспрот, Александар Николоски ќе оствари работна посета во општина Тетово.

Николоски ќе оствари работна посета во општина Тетово

Притоа ќе изврши увид во реконструираната улица "Штипска".

Предвидено е министерот да даде изјава за медиумите.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер