„Windows 11“ доживува разочарувачки раст - Канал 5

Технологија

„Windows 11“ доживува разочарувачки раст

Се чини дека по успешното објавување на „Windows 11“ во текот на изминатата година и стабилниот раст во првите месеци од 2022 година, брзината на дистрибуција на оперативниот систем значително се намали.

„Windows 11“ доживува разочарувачки раст

Доказ за ваквата состојба дава аналитичката компанија „AdDuplex“, која го следи нивото на дистрибуција на различни верзии на софтверски платформи и редовно ги објавува резултатите и анализите од истражувањето на пазарот.

Според „AdDuplex“, пазарниот удел на „Windows 11“ во март бил речиси непроменет од резултатите од февруари. Во исто време, верзијата „Windows 10 21H2“ забележала одреден раст во истиот период, а во текот на март станала најпопуларната верзија на оперативниот систем.

Извештајот покажува дека „Windows 11“ постигнал пазарен удел од 19,4% (во февруари изнесувал 19,3%). И покрај малото зголемување, „Windows 11“ сè уште е трет најпопуларен. Пред него се „Windows 10 21H2“ (раст на 28,5%) и „Windows 10 21H1“ (пад од 27,5% на 26,5%).

Секако, значителното зголемување на пазарниот удел на „Windows 10 21H2“ е поттикнато од прекинот на поддршката за верзијата „Windows 10 20H2“, која завршува во мај.

Кога станува збор за причините за побавното прифаќање на „Windows 11“, секако постојат минимални системски барања потребни за инсталирање на оперативниот систем, кои не ги исполнуваат сите компјутери. Покрај тоа, надградбата на „Windows 11“ е опционална, што исто така не помага при дистрибуцијата на овој оперативен систем, пренесе Б92.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Одложени се сите натпревари во Купот на кралот- Шпанија е завиена во црно

Шпанската фудбалска федерација (RFEF) ги одложи сите натпревари од Купот на кралот закажани за среда, 28 октомври, по сериозната железничка несреќа во Толедо, во која, според шпанските медиуми, загинаа најмалку 68 лица, а 80 се повредени.

Одложени се сите натпревари во Купот на кралот- Шпанија е завиена во црно

Трагедијата се случи кога два брзи возови се судрија помеѓу градовите Лос Хевенес и Урда, а несреќата ја потресе Шпанија.

Шпанската фудбалска федерација објави дека целиот распоред на куп натпреварите закажани за среда ќе биде одложен. Меѓу клубовите што требаше да излезат на теренот се Леванте, Алавес, Валенсија, Селта Виго и Бетис, тимови што се натпреваруваат во највисокото ниво на шпанскиот фудбал.

Сè уште не е познато кога ќе се играат одложените натпревари, додека сè уште нема официјална одлука за судбината на 14-те натпревари од Купот на кралот закажани за четврток.

Според оригиналниот распоред, Севиља, Атлетик Билбао и Хетафе исто така требаше да играат во ова натпреварување во четврток.

Одлуката за одложување на натпреварите беше донесена во сенка на трагедијата што одзеде голем број животи и остави бројни повредени.

Тагови: Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Казнет е возачот, кој со автомобил „се прошета“ по велосипедска патека во Скопје (ВИДЕО)

По објавено видео на социјалните мрежи, санкциониран возач кој управувал возило по велосипедска патека во Скопје.

Казнет е возачот, кој со автомобил „се прошета“ по велосипедска патека во Скопје (ВИДЕО)

По објавено видео на социјалната мрежа „ТикТок“, на кое се гледа како возач управува патничко моторно возило „сузуки“ со скопски регистарски ознаки по велосипедска патека покрај улицата „Бутелска“ во Скопје, во правец од кружниот тек кон крстосницата со булеварот „Босна и Херцеговина“, од страна на Одделението за безбедност на патниот сообраќај при СВР Скопје, веднаш се преземени мерки за утврдување на идентитетот на возачот.

По преземените мерки, возачот е идентификуван како Н.К.(46) од Скопје, кој денеска (28.10.2026) е повикан на службен разговор и е соодветно санкциониран за сторениот сообраќаен прекршок, односно управување возило по несоодветна сообраќајна површина.

Министерството за внатрешни работи апелира до сите учесници во сообраќајот да ги почитуваат сообраќајните правила и прописи и да не ја загрозуваат безбедноста на останатите учесници во сообраќајот, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Избор на нов шеф на ОЈО ГОКК – во трка пет кандидати, кој ќе го наследи Абази?

За  неполн час треба да биде познато кој ќе биде новиот шеф на Обвинителството за гонење на организиран криминал и корупција. 

Избор на нов шеф на ОЈО ГОКК – во трка пет кандидати, кој ќе го наследи Абази?

Обвинителите галсаа денеска, а резултатите треба да бидат сумирани и објавени на јавна седница.

Пред Обвинителството е Михајло Видимлиски, Михајло кој од канидадтите има најголеми шанси да го наследи Абази?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер