„When in Krusevo" од 21 до 23 јуни - Канал 5

Забава

„When in Krusevo" од 21 до 23 јуни

Планинарење, јога, кајакарење, јавање коњи, настапи на бендови и изведувачи од земјава и од регионот се активностите што ќе го одбележат тридневниот настан „When in Krusevo", што од денеска до 23 јуни ќе се одржува во Крушево.

„When in Krusevo" од 21 до 23 јуни

– Основната мисија на тридневниот фестивал, организиран од здружението на граѓани „Outdoor Manifest", е промоција на капацитетите за алтернативен туризам на градот и околината, преку организирање повеќе групни и индивидуални спортски, адреналински и рекреативни активности, наведоа организаторите.

Овој настан ќе ја сврти македонската публика кон сопствените неистражени богатства и ќе понуди свеж пристап кон социјалниот живот.

– „When in Krusevo" како концепт и идеја е одличен пример за настан што ја промовира земјата како атрактивна дестинација, како за странските така и за домашните туристи, соопштија организаторите.

Антонио Кузмановски, еден од организаторите на настанот, нагласи дека основен мотив и движечка сила зад „When in Krusevo" е нивната љубов кон градот, природата, дружбата и желбата да го направат Крушево преферирана викенд-дестинација за многу Македонци.

– Крушево има огромен неискористен потенцијал за спортски активности, природа, знаменитости, одлична храна и идеална клима. Тоа нè натера да се потрудиме, да го искористиме тој потенцијал и да ги собереме сите рекреативци и љубители на адреналински спортови на едно место. Атрактивноста на настанот за странците и нас нè изненади позитивно и со нетрпение чекаме да се случи овој викенд, кој ќе обедини спорт, музика, добра енергија и различности, истакна Кузмановски.

Еколошкото друштво „Outdoor Manifest", поддржано од Општина Крушево и неколку локални и регионални компании, по докажаниот успех имаат силна надеж и верба дека фестивалот ќе прерасне во традиција и ќе придонесе кон промоција на крушевскиот алтернативен туризам не само кај домашните туку и кај странските туристи. Бројот на посетители во изминатите години се проценува дека е над 3 000, годинава се очекува оваа бројка да се надмине. /МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно објави мапа: „Нова територија на САД“

Претседателот на САД, Доналд Трамп, објави мапа на Ормутскиот теснец на својата социјална мрежа „Truth social“ и го прогласи за територија на САД.

Трамп повторно објави мапа: „Нова територија на САД“

Објавената слика покажува мапа на која е заокружен делот што го вклучува ормутскиот теснец, иранскиот остров Кешм, делови од територијата на Оман, па дури и градот Дубаи. Над тоа е коментарот: „нова територија на САД“.

Само еден ден претходно, Трамп изјави дека САД имаат „целосна контрола“ врз целиот регион што има врска со Ормутскиот теснец.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

16 загинати во нападот на трговскиот центар во Украина, се проверува дали продавницата требало да биде евакуирана

Украинската полиција отвори кривична постапка против директорот на супермаркет во трговскиот центар во Криви Рих, кој беше погоден во руски напад со дронови.

16 загинати во нападот на трговскиот центар во Украина, се проверува дали продавницата требало да биде евакуирана

Во рускиот напад загинаа најмалку 16 лица, а повредени беа уште 130, меѓу кои и 23 деца. спасувачките екипи и натаму трагаат по исчезнати лица.

Директорот се истражува поради сомнение за немар, бидејќи продавницата наводно останала отворена и за време на воздушната тревога. Според украинските власти, од моментот кога била вклучена воздушната тревога до првиот удар со дрон поминале околу 20 минути.

Истрагата треба да утврди дали вработените и посетителите биле навреме предупредени за опасноста, дали била издадена наредба за евакуација и дали биле почитувани безбедносните протоколи за објект во регион близу до фронтот. Ќе се проверуваат и наводите дека вратите на засолништето биле блокирани.

YouTube video

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Србија е уапсен „платен убиец“ од Македонија, се истражува кој наводно требало да биде жртва

Српската полиција уапсила државјанин на Македонија кај градот Прибој, под сомнение дека влегол во Србија како ангажиран извршител на нарачано убиство, објави српски Телеграф повикувајќи се на полициски извори.

Во Србија е уапсен „платен убиец“ од Македонија, се истражува кој наводно требало да биде жртва

Според медиумот, осомничениот во полициските евиденции наводно се водел како платен убиец кој работел за Кавачкиот клан, а се доведувал во врска и со претходен обид за убиство на Марко Љубиша Кан.

По добиените оперативни информации, српската полиција распоредила засилени сили и го блокирала теренот во Прибој, а истрагата сега е насочена кон утврдување на идентитетот на лицето кое требало да биде мета, како и кон откривање на локациите и лицата што евентуално му обезбедувале логистичка поддршка по влегувањето во Србија.

На осомничениот му е определено задржување до 48 часа, по што со кривична пријава треба да биде изведен пред надлежното обвинителство.

Фото: ВИ

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер