Култура

„Вујко Вања“ прва премиерна претстава во битолскиот театар

Ансамблот на НУ Народен театар-Битола е подготвен за „Вујко Вања“, првата премиерна претстава во оваа година која ќе се одигра утревечер на големата сцена „Благоја Стефановски-Баге“.

Делото на Антон Павлович Чехов по голема пауза повторно се поставува на сцената на битолскиот театар затоа што има актуелност иако текстот е напишан во 1897 година, истакна Иван Јерчиќ, директор на НУ Народен театар-Битола.

-За жал и денес ништо не сме научиле од пиесите на Чехов. Премиерата е една навидум банална приказна што отвора некои длабоки човечки емоции, отвора длабоки прашања кои треба да се видат како ги презентираат нашите актери, посочи Јерчиќ.

Во претставата настапуваат актерите Петар Горко, Александар Димитровски, Јулијана Мирчевска, Катерина Аневска Дранговска, Марија Стефановска, Никола Пројчевски и Валентин Дамчевски.

-Претставата „Вујко Вања“ зборува за стареењето, за тоа како чувствува еден човек кога е во години и почнува да го преиспитува сопствениот живот. Тагата што не опафаќа кога сме на возраст на која се прашуваме дали правилно го изживеавме нашиот живот, тоа е претстава за загубената љубов и надеж. Преставата е за загубените луѓе кои упорно се борат и да бидат лојални на себе. Нешто слично што денес се случува со нас, кога секој ден секој од нас води своја битка, трудејќи се да биде среќен, истакна Софија Ристевска Петрушева, режисер на претставата.

Драматург на претставата е Билјана Крајчевска, сценограф Валентин Светозарев, костимограф Андреј Ѓоргиевски Папаза, а композитор Александар Талевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА: Инфантино се откажа од спорните инвестициски планови

Светската куќа на фудбалот, (ФИФА) се откажа од идејата за продажба на дел од правата за Светското првенство на приватни инвеститори.

Претходно, европската УЕФА, Азиската фудбалска конфедерација и КОНКАКАФ (земјите од Северна и Средна Америка) се изјаснија против, а сите 55 европски национални асоцијации донесоа радикална одлука, гласаа за целосен бојкот на сите натпреварувања на ФИФА (вклучувајќи ги и Светските првенства за мажи и жени).

Претседателот на ФИФА, Џани Инфантино, потврди дека се откажал од планот.

„Проектот FIFA Forward Enterprise беше замислен како основа за понатамошно зајакнување на членките на ФИФА и развој на нашиот спорт низ целиот свет – особено во земјите каде што поддршката е најпотребна. Сепак, како што наведовме од самиот почеток, имплементацијата на проектот беше можна само со поддршка на мнозинството членки на ФИФА и преку консултации со нив, Советот на ФИФА, конфедерациите и другите засегнати страни.“

Откако внимателно ги сослушавме сите мислења, дојдовме до заклучок дека проектот предизвикал таква контроверзност што, без оглед на нивото на поддршка, тој повеќе не ја исполнува својата првична намена.

Нашата цел отсекогаш била и останува иста – да се обединиме и да се подобриме.

Во овој поглед, имплементацијата на овој предлог нема да се случи.

„Во наредните денови и недели, имам намера повторно да ги соберам сите засегнати страни – во духот на заедничкиот интерес за нашиот спорт и со цел да продолжиме да го развиваме фудбалот насекаде, особено во оние земји на кои им е најпотребна нашата поддршка“, рече Инфантино во соопштението објавено на веб-страницата на ФИФА.

Има шпекулации дека Инфантино ја изгубил поддршката од функционерите на ФИФА и контролата врз организацијата, па затоа може да се очекува дури и негова оставка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Земјотрес во Италија близу Неапол, 21 повреден, двајца во критична состојба (

Земјотрес со јачина од 4,7 степени според Рихтеровата скала го погоди вулканското подрачје Кампи Флегреи во близина на Неапол, при што се повредени 21 лице, а двајца од нив се во критична состојба.

Националниот институт за геофизика и вулканологија (INGV) регистрираше земјотрес во саботата навечер на длабочина од три километри, објави порталот „Италпрес“.

Неколку часа подоцна, околу 22 часот, беше регистриран уште еден земјотрес со јачина од 3,8 степени, а потоа беа забележани уште триесетина помали земјотреси.

Земјотресот силно се почувствува во Неапол, каде што многу граѓани излегоа на улиците, а во некои делови од градот беше пријавен прекин во снабдувањето со електрична енергија.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пеколен викенд во Македонија, денес сончево и топло со температура до 39 степени

Според Управата за хидрометеоролошки работи денеска времето ќе биде сончево и топло со мала локална облачност.

Ќе дува слаб до умерен ветер од променлив правец. Максималната температура ќе биде во интервал од 33 до 39 степени.

Во Скопје, сончево и топло. Ќе дува слаб до умерен ветер од променлив правец. Максималната температура ќе достигне до 38 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.