„Високата мода“ на Древен Египет: Фустан исплетен од монистра од вештачки бисери - Канал 5

Живот

„Високата мода“ на Древен Египет: Фустан исплетен од монистра од вештачки бисери

Древноегипетска облека исплетена од монистра од фајанс-бисери, веројатно направена со намена за женски погреб, е пронајдена во Гиза. Погребниот свечен фустан на кралицата Хенуцен, се верува, е скроен околу 2551 до 2528 година пр.н.е. 

„Високата мода“ на Древен Египет: Фустан исплетен од монистра од вештачки бисери

Истражувачите го откриле овој археолошки наод во гробница од Старото Кралство. Се работи за времето на владеењето на кралот Хуфу во Гиза. Според американскиот Музеј на ликовни уметности во Бостон, којшто ја чува оваа облека и неколку други примери со монистра, оваа мрежа била направена од ленена нишка и фајанс - глазирана ќерамика направена од ситно мелен кварц. Ленената нишка што ги држела 7.000 монистра заедно, се распаднала, но врз основа на тоа каде се пронајдени монистрата и како овој вид облека бил прикажан во древноегипетската уметност, експертите успеале да ја реконструираат сложената облека.

Смесата од фајанс - во случајов, пред печењето била измешана со бакар, којшто ѝ дал на монистрата сина и сино-зелена боја, што ги имитира полускапоцените камења лапис-лазули и тиркизната боја.

YouTube video

Мрежата од бисери со средна должина има здолниште со дијамантски шари и струк во стилот на Египетското Старо Кралство направен од редови вертикално нанижани фајансни монистра. Фустанот има и деколте во концентрични кругови, а на дното има ресички од школки и морски полжави. Фустанот од монистра веројатно била облечена преку ленен фустан или зашиена директно на него, но не и без ништо.

Бидејќи египетските монистра од фајанс се доста кршливи, фустанот можеби се носел само во посебни пригоди, или веројатно бил направен специјално за погреб на жена, според Том Хардвик, египтолог во Природонаучниот музеј во Хјустон. Сино-зелените нијанси на фустанот можеби ја симболизираат реката Нил и пролетта, што, според научникот, било поврзано со египетското верување за воскресение во задгробниот живот. Овој фустан од монистра е најраниот преживеан пример на овој стил, според Музејот во Бостон. Само околу дваесетина фустани од монистра се чуваат во музеите ширум целиот свет. Од нив, два се реконструирани во Бостон, а еден е реконструиран во Музејот „Петри“ при Универзитетскиот колеџ во Лондон, Велика Британија.

Кога Џенет Џонстон, стручњак за древна египетска облека и консултант за облека, чијашто специјалност е толкување и пресоздавање древноегипетска облека, го реконструирала фустанот во „Петри“, рекла дека тој е премногу тежок за редовно носење, објави „Лајв сајенс“.

До периодот на Новото Кралство (1550 до 1070 година пр.н.е.), фустанот од монистра со мрежа се чини дека „излегол од мода“, бидејќи поедноставните мрежи од монистра станале популарни - како погребни предмети. Овие „монистрални наметки“ биле пронајдени и на мумии од Новото Кралство, откривајќи дека додатоците од монистра со векови останале важен дел од древноегипетските погребни обреди.

Тагови: Египет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украински дронови погодија фабрики во руски градови, избувнаа пожари (ВИДЕО)

Според информациите од руските канали на Телеграм, украинските сили извршија напади преку ноќ врз индустриски објекти во градовите Тољати и Таганрог.

Украински дронови погодија фабрики во руски градови, избувнаа пожари (ВИДЕО)

Извештаите укажуваат на пожари во фабриките по нападите со дронови, пишува Киев Индепендент.

Напад врз фабрика во Тољати

Украински дронови со долг дострел наводно погодиле фабрика во Тољати, град во регионот Самара, кој се наоѓа на околу 900 километри од украинската граница. Нападот беше објавен од каналите на Телеграм „ExileNova+“ и „Supernova+“. Тољати е седиштето на АвтоВАЗ, најголемиот руски државен производител на автомобили.

Снимките објавени од локалните жители покажуваат дронови како летаат над градот, додека избувнува пожар и густ чад се издига од една од погодените згради. Други видеа покажуваат штета на станбена зграда, наводно предизвикана од соборениот дрон.

Ова не е прв напад врз фабриката. Украински дронови го погодија истиот објект на 12 јуни. Генералштабот на украинските вооружени сили го потврди нападот и штетата. Во него се вели дека производите на фабриката се користеле за „понатамошно производство на цврсто ракетно гориво за тактички и балистички ракети“.

Серија напади врз руската инфраструктура

Во Таганрог, град во Ростовскиот регион во југозападна Русија, наводно беспилотни летала погодиле фабрика за автомобили. Градот се наоѓа на брегот на Азовското Море, околу 40 километри од украинската граница.

Снимките од Таганрог покажуваат големи пожари, за кои се верува дека избувнале на аеродром во близина на градот, со облаци чад што се креваат во воздухот. Системот за следење на пожари „FIRMS“ на „НАСА“, исто така, регистрирал повеќе активни пожари во градското подрачје.

Во времето на објавување, „Kyiv Independent“ не можеше независно да ги потврди извештаите за нападите или да ја процени големината на штетата. Украинската војска сè уште официјално не ги коментирала настаните. Нападите се дел од поширока украинска кампања насочена кон руските фабрики со беспилотни летала со долг дострел. Целта е да се забави или запре индустриското производство што ја снабдува руската војска.

На 9 септември, украинските сили за специјални операции (SSO) го извршија најдлабокиот напад на руска територија од почетокот на војната. Потоа тие погодија фабрика за природен гас на 3.200 километри од украинската граница.

На 1 септември, претседателот Володимир Зеленски ги предупреди авиокомпаниите, осигурителите и странските влади дека рускиот воздушен простор ќе биде „де факто затворен“ поради нападите со украински беспилотни летала.

Извор: Индекс.хр

Тагови: пожари Украински дронови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Експлозија во уште едно бугарско складиште за оружје, пожар го осветли ноќното небо

Силна експлозија предизвика пожар во складиште за оружје во централна Бугарија во текот на ноќта, соопштија локалните медиуми и официјални лица.

Експлозија во уште едно бугарско складиште за оружје, пожар го осветли ноќното небо

Ова е втора експлозија во воен објект во последните недели.

Нема извештаи за повредени во пожарот во близина на селото Царева Ливада, а локалните видеа покажаа пламен како го осветлува ноќното небо.

„Во моментов, пожарот го зафати делот од складиштето на фабриката и се шири од складиште до складиште“, изјави за новинарите регионалната гувернерка на Габрово, Кристина Сидорова.

„EMCO“ беше цел на на напади од руски оперативци во минатото

Цитирајќи извор во „EMCO“, локалните медиуми објавија дека пожарот избувнал на локација што ја управува компанијата и дека истата компанија претрпе експлозија во друг објект минатиот месец. „EMCO“ не беше веднаш достапен за коментар.

„EMCO“ го води бугарскиот трговец со оружје Емилијан Гебрев, чии објекти беа цел на руски оперативци во минатото, според бугарските обвинители.

Во 2024 година, Бугарија издаде налози за апсење на шест руски државјани обвинети за вмешаност во уништувањето на складиштата за оружје на „EMCO“ во кои се чувала муниција наменета за извоз во Украина и Грузија помеѓу 2011 и 2020 година.

Обвинителите во тоа време изјавија дека постои основано сомнение дека експлозиите во Бугарија, обидот за труење на Гебрев во 2015 година и експлозиите во складиштата за муниција во Чешка во 2014 година се поврзани. Москва ги негираше обвинувањата.

Извор: Индекс.хр

Тагови: експлозија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска Давкова присуствуваше на приемот по повод Денот на Уставот и Денот на вооружените сили на Р. Словачка

Словачка е наш докажан пријател и најгласен поддржувач на македонскиот пат кон ЕУ.

Претседателката Сиљановска Давкова присуствуваше на приемот по повод Денот на Уставот и Денот на вооружените сили на Р. Словачка

„На покана на словачката амбасадорка Н.Е. г-а Ивета Хрицова и полковник Иван Улични, присуствував на приемот по повод Денот на Уставот и Денот на вооружените сили на Република Словачка.

Денот на Уставот е потсетник на правно-политичките темели на современата словачка држава, а Денот на вооружените сили симболизира модерна и храбра армија, подготвена да ја брани татковината.

Словачка е наш докажан пријател и најгласен поддржувач на македонскиот пат кон ЕУ.

Длабоко верувам во европската иднина на македонско-словачките односи.“- стои во објавата на претседателката Гордана Сиљановска Давкова

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер