По победата на Националниот натпревар за ученички компании, ученичката компанија Eco Bloom од СОЕПТУ „Кузман Јосифовски – Питу“ од Прилеп ја претстави нашата земја на GEN-E 2026, најголемиот европски фестивал за претприемништво организиран од Џуниор Ачивмент Латвија и Џуниор Ачивмент Европа.

Фестивалот се одржа од 7 до 9 јули во Рига, Латвија, и собра млади претприемачи, иноватори од повеќе од 40 земји низ Европа.

Учесниците на GEN-E 2026 беа избрани од повеќе од 400.000 млади луѓе кои годишно учествуваат во програмите на Џуниор Ачивмент низ Европа. На фестивалот тие ги претставија своите бизнис идеи, разменуваа искуства и создаваа контакти со врсници, претприемачи и претставници од бизнис секторот.

Eco Bloom, ученичката компанија од СОЕПТУ „Кузман Јосифовски – Питу“ од Прилеп, го освои првото место на Националниот натпревар за ученички компании организиран од Џуниор Ачивмент Македонија и ја претставуваше својата идеја на европската сцена. Компанијата разви 3D биоразградлив освежувач за автомобили со вградено семе, производ кој по употребата може да се засади и е поврзан со принципите на циркуларната економија.

Темата на GEN-E 2026, „Beyond Borders“ („Без граници“), беше насочена кон соработката меѓу младите и развојот на идеи кои одговараат на современи предизвици. Во рамки на фестивалот беа претставени компании и проекти од области како одржлив развој, циркуларна економија, дигитални иновации, вештачка интелигенција, климатски решенија и социјално претприемништво.

Со учеството на Eco Bloom, Џуниор Ачивмент Македонија по деветти пат ја претстави земјата на GEN-E, продолжувајќи ја својата мисија за развој на претприемачките вештини кај младите и нивно поврзување со европската заедница на млади претприемачи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

За време на летот, се слушна силен тресок, по што еден од прозорците на авионот целосно се скрши, изјави еден од патниците за порталот „rthess.gr“.

Кабината веднаш изгубила притисок и маските за кислород биле активирани. Според очевидци, најкритичниот момент се случил кога воздухот почнал да извлекува 61-годишен српски државјанин, кој седел веднаш до скршениот прозорец, пренесува „Proto thema“.

Телото на мажот било речиси до рамената надвор од авионот, а го спасил безбедносниот појас, како и патниците кои седеле до него и го влечеле назад, велат очевидци за Радио Солун.

Пилотот веднаш го сменил курсот и побарал итно слетување, а успеал безбедно да го врати авионот на аеродромот „Македонија“ во Солун.

Според последните информации, повредениот Србин бил однесен во болница со возило на брза помош поради повреда на вратот. Лекарска помош му е укажана и на бремена жена која е префрлена во болницата „Ипократио“, каде по детален ултразвучен преглед е утврдено дека сè е во ред со неа и бебето и таа е пуштена дома, пренесува „Euronews“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поголема транспарентност, посилна заштита на корисниците, поефикасен надзор и модернизирана регулаторна рамка усогласена со европските стандарди се клучните новини што ги носат измените на Законот за финансиски лизинг. Измените усвоени од Собранието, претставуваат еден од осумте чекори што Министерството за финансии ги реализира во рамки на Реформската агенда.

Новите законски решенија се однесуваат на условите за основање и работење на давателите на финансиски лизинг, корпоративното управување, механизмите за надзор, транспарентноста во работењето и заштитата на корисниците на финансиски лизинг. Новите правила носат појасни договори, можност за предвремена отплата без дополнителни трошоци, поголема контрола врз работењето на лизинг-компаниите и повисоки стандарди за заштита на корисниците.“

Со цел зголемување на транспарентноста и заштитата на корисниците, со измените се прецизираат задолжителните елементи што треба да ги содржи секој договор за финансиски лизинг, вклучително и сите надоместоци поврзани со лизингот. Дополнително, се овозможува договорите за финансиски лизинг да се склучуваат и во електронска форма, доколку се исполнети условите согласно прописите за електронски документи, електронска идентификација и доверливи услуги, како и прописите за спречување перење пари, заштита на лични податоци и други релевантни прописи.

Со измените се воведува можност корисникот на финансиски лизинг во секое време целосно или делумно да ги отплати преостанатите обврски согласно амортизацискиот план, без дополнителни трошоци. Со тоа се обезбедува и право на намалување на вкупните трошоци за преостанатиот период од договорот.

Дополнително, се зајакнува заштитата на корисниците преку прецизирање дека давателот на финансиски лизинг не може да го користи предметот на финансискиот лизинг како залог без претходна писмена согласност од корисникот. Согласноста треба да биде дадена пред нотар, во посебен документ – изјава, одвоена од договорот за финансиски лизинг и општите услови, со јасно наведување на правните последици од таквата согласност.

Давателите на финансиски лизинг ќе имаат обврска да ги објавуваат годишните финансиски извештаи, заедно со извештајот и мислењето на овластениот ревизор, на своите интернет-страници. На овој начин, физичките и правните лица како корисници на лизинг ќе имаат можност за подобар увид во работењето на друштвата за лизинг пред воспоставување деловен однос.

Со измените се зајакнува и надзорот преку унапредување на прекршочните одредби, како и финансиската стабилност на давателите на финансиски лизинг преку зголемување на минималниот износ на основната главнина од 6.000.000 на 30.000.000 денари.

Во насока на зајакнување на интегритетот на субјектите што вршат финансиски лизинг, со измените се имплементираат и препораките на MONEYVAL Комитетот при Советот на Европа во областа на спречувањето на перење пари и финансирањето на тероризам. Се воведуваат критериуми за соодветност и репутација што треба да ги исполнуваат основачите и членовите на органите на управување на давателите на финансиски лизинг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.