Македонија

(ВИДЕО)Иван Мирчевски: Отворен став до Рамадани и политичарите во Македонија!

Господо од Влада, СДСМ, ВМРО-ДПМНЕ, ДУИ, Алијанса,Алтернатива, г-дине Ковачевски, г-дине Пендаровски, г-дине Прв Заменик Премиер Груби - зарем нема да ги осудите заканите на Рамадани?

Ова вечер што вие Рамадани го направивте е класичен напад врз новинар/медиум што според последните законски измени е НАПАД ВРЗ СЛУЖБЕНО ЛИЦЕ чл.382 од КЗ на Македонија, па ќе се обидeме на пластичен начин да ви го објаснам вам, но и на останатите политичари:
- 1. ДОСТА Е! Ако мислите дека сте поканети во нашата емисија, и дека ќе ширите лаги, клевети и сериозна сегрегација, а јас дека ќе ви молчам - сте ја утнале земјата, градот, телевизијата , но и мене и моите колеги. Сегрегација и етничка дискриминација не живее во Канал 5 ТВ.
- 2. Доколку до утре, до 12.00 часот не добиеме јавно извинување како што побаравме, а не го направивте веднаш во студиото, ќе започнеме со сите правни лекови кои ни стојат на располагање а се поврзани со ширење на омраза и ЗАКАНА од ваша страна...не знам дали сте свесен дека ни се заканивте нам, на целиот тим на Канал 5 во кој работат чесни Македонци од сите етникуми ( мене верата не ме интересира ) со вашите зборови но и на сите Македонци?
„ Престанете да ги потценувате Албанците понатаму, ви кажува човек кој е умерен Албанец во сите свои ставови“.
Оваа ваша латентна закана која за нас е и можеби сериозна ми потврдува само едно - Вие сте умерениот, но значи постојат и „неумерени“ кои се радикални и милитантни Албанци, кои ете вие ги знаете, и на кои не им се допаѓа Канал 5 ТВ и Македонците? Зошто ширите ваква непотребна паника?
Овој ваш истап ќе го ценат многумина во Македонија, верувајте ми.
- 3. Како не ви е срам безочно да лажете дека Канал 5 ТВ шири етничка дискриминација? Како не се срамите од позицијата која ја имате а која НИЕ СИТЕ ви ја плаќаме? Вие сте ПРЕТСЕДАТЕЛ на ЕВРО АТЛАНТСКИ СОВЕТ? Не господине, вие со овој говор на омраза покажавте дека вашиот mind set можеби нема никаква конекција ниту со ЕУ ниту со НАТО?Но немајте грижи, на двете институции ќе им го пратиме вашиот „перформанс“ со англиски превод, а преводот ќе ви го пратам да видите дали ми е коректен. Вие гарант зборувате англиски далеку подобро од мене.
- 4. Дали вие Рамадани сте свесен дека со вашите клевети а во конекција со прашањата што ги поставува нашиот новинар во дебатните емисии, всушност директно се мешате во правото и слободата на новинарите за професионална работа, загарантирана со Устав? Знаете што значи кршење на Уставот нели? Какви консеквенции повлекува?
- 5. Знаете зошто замолив да излезете од студиото и тука да заврши емисијата? Прво не се извинивте како што побарав, а НАЈВАЖНО - да спречам продолжување на кривично-правниот акт , односно ширење на дискриминација и сериозен говор на омраза од ваша страна. Тоа што три портали на Џабир Дерала ве бранат, со класично извртување на тези за наводна ваша неслобода на говор во вечерашната САМО ВИСТИНА, покажува дека има лица кои не го виделе тоа што го виде и слушна цела македонска јавност, вашиот обид за наше замолчување збогатено со сериозни клевети и ксенофобија.
6. НАЈВАЖНО - Ги повикуваме сите политички чинители во Македонија но и меѓународната заедница, да се оградат од оваа еклатантна ксенофобија, но внимавајте - и сериозна ЗАКАНА во латентна форма, кога Рамадани не „потсети' дека тој бил умерениот Албанец. Мислам дека тој треба да одговори на неколку сериозни прашања.
За крај - пријатели и познаници од СДСМ, ВМРО-ДПМНЕ, ДУИ, Алијанса, Алтернатива, и други политички партии, г-дине Ковачевски, г-дине Пендаровски, г-дине Прв Заменик Премиер Груби - очекуваме од вас уште вечерва реакција на овој срамен чин на Рамадани.
Се надеваме дека нема да молчите за да помислам дека дел од вас се согласувате со неговиот притисок врз слобода на медиумите, но и латентните закани.

Иван С. Мирчевски

НБА

Никола Јокиќ се врати по повредата со трипл – дабл

Кошаркарите на Денвер синоќа на домашен терен го совладаа Милвоки со 127:117 и со тоа го забележаа 46. сезонава во НБА лигата.

Најефикасен во тимот на Денвер беше српскиот репрезентативец Никола Јокиќ, кој во првиот натпревар откако се врати на паркетот по повредата забележа трипл-дабл со 39 поени, 10 скокови и 10 асистенции. Српскиот центар ги пропушти претходните пет натпревари на Денвер поради повреда на зглобот.

Во редовите на Милвоки поради повреда отсуствуваа Јанис Антетокумпо и Демијан Лилард.

Денвер е трет во Западната конференција со 46 победи и 28 порази, додека Милвоки е шести на Истокот со 40 победи и 32 порази. /МИА

Свет

Брачна двојка од Јапонија сe депортирани поради скандалозно однесување на Кинескиот ѕид

Маж и жена од Јапонија биле уапсени и депортирани од Кина поради „скандалозно однесување“ за време на нивната посета на Кинескиот ѕид.

Сѐ почнало невино, или барем засегнатите така мислеле, кога сопругот решил да се пошегува па го покажал задникот додека жената го фотографирала на Кинескиот ѕид. Меѓутоа, тој чин, којшто според кинеските закони се смета за „навреда на јавната пристојност“, предизвика бес и доведе до брза депортација на прекршителите, истакнувајќи го судирот на културните норми меѓу Јапонија и Кина, пишуваат кинеските медиуми.

По инцидентот, обезбедувањето на историскиот споменик веднаш реагирало и ги приведе мажот и жената. Поради нивните постапки, тие биле уапсени и две недели биле в затвор пред депортацијата во Јапонија.

Јапонското Министерство за надворешни работи потврди дека туристите „на крајот биле ослободени и вратени во Јапонија“ и оти тоа се случило во јануари, иако веста е објавена сега.

За време на нивниот разговор со дипломатите и надлежните кинески власти, ослободените се правдале дека тоа било шега. Но, нивното објаснување не ја намалува сериозноста на културниот престап и прекршувањето на законските прописи во Кина.

Свет

Најмалку шест лица загинаа во терористички напад во Пакистан

Најмалку шест лица загинаа во терористички напад во областа Гвадар во југозападната пакистанска провинција Белуџистан, соопшти полицијата.

Според локалните власти, нападот се случил кога вооружени терористи отвориле оган врз цивили во областа Калмат во Гвадар, Пакистан, убивајќи пет лица, додека едно рането лице им подлегнало на повредите во болница.

Полицијата, безбедносните сили и спасувачките екипи брзо пристигнале на местото на инцидентот, кои ги префрлиле телата и повредените во блиската болница.