Култура

„ Вечната куќа “ на МНТ најдобра престава на МТФ „ Војдан Чернодрински “

„Вечната куќа“ во изведба на МНТ а во режија на Дејан Пројковски е најдобрата престава што е прикажана на годинешниов македонски фестивал Војдан Чернодрински.

Претставата „Вечната куќа“ од Јордан Плевнеш во режија на Дејан Пројковски, а во изведба на Македонскиот народен театар е прогласена за најдобра на годинашниот 49. Tеатарски фестивал „Војдан Чернодрински“.

Оваа претстава ги доби и наградите за најдобра режија и за најдобар текст, додека актерот Тони Михајловски ја освои наградата за најдобра машка улога, а Искра Ветерова за најдобра главна женска улога.

Наградата за млада актерка ја доби Дарја Ризова за улогата на Естел Бенвениста во истата претстава.

„Вечната куќа“ ги освои и наградите за сценографија која му припадна на Валентин Светозарев, за костимографија која ја доби Благој Мицевски, за музика за Горан Трајковски, како и наградата за кореографија и сценски движења која ја доби Сташа Зубовац.

-Претставата „Вечната куќа“ е мошне жива. Во неа се решени низа мошне тешки аспекти и ја прави претставата комплетно театарско естетско остварување. На многу инвентивен, креативен начин се искористени сите можности што ги дава современата технологија. Предизвикани се уметнички ефекти кои овозможуваат високо, богато етстетско задоволство. Освен тоа и публиката која дојде од Прилеп беше воодушевена што како жири ни е посебно мило, изјави претстедателот на жири комисијата Васе Манчев.

Наградата за машка епизодна улога „Димче Трајковски“ жирито комисијата му ја додели на Андон Јованоски за улогата на Брендшнајдер во претставата „Швејк во Втората светска војна“ на Прилепскиот театар, а наградата за женска епизодна улога ја понесе Валентина Грамоски за улогата на госпоѓа Елвстед во претставата „Хеда Габлер“ во изведба на битолскиот театар.

Наградата за млад актер „Трајко Чоревски“ ја доби Атанас Атанасовски за улогата на Хамлет во претставата „Хамлет во пикантен сос“ на театар „Комедија“.

Викторија Рангелова ја доби наградата за современа сценска драматизација за претставата „1984“ на Струмичкиот театар.

За најдобар рекламен материјал на годинашниот фестивал е прогласен материјалот на Владимир Ѓорѓијоски за претставата „Швејк во Втората светска војна“ на Прилепскиот театар.

Наградите ќе бидат врачени вечерва на сцената од Центарот за култура „Марко Цепенков“. Фестивалот ќе биде затворен со изведбата на претставата „Важно е да се викаш Ернест“ во режија на Ирена Стерјовска, а во изведба на театарот „Комедија“ од Скопје.

Македонија

Работно време на паркиралиштата на ЈП ПОЦ за Велигденските празници

Паркирањето во Општина Центар за време на Велигденските празници ќе биде без наплата за сите граѓани. 

Утре, во недела и понеделник, граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар.

Од ЈП ПОЦ појаснуваат дека согласно програмата за неработни денови за 2024 година на Министерството за труд и социјална политика, сабота е работен ден и следствено на тоа паркиралиштата со кои стопанисува ќе работат со вообичаено работно време.

Депото на „Пајак“ службата на ЈП ПОЦ ќе работи 24/7 за време на празниците.

Посочуваат дека редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи во вторник со вообичаено работно време. /МИА

Регион

Србија доби нова Влада, премиер Милош Вучевић, 31 министер и 26 министерства

Собранието на Србија вечерва ја избра новата Влада на Србија на чело со претседателот Милош Вучевиќ, јави дописникот на МИА од Белград.

За новата влада од 250 пратеници колку што има српското собрание, за владата гласаа 152 од 213 присутни пратеници, а 61 беа против. Воздржани немаше, а отсутни беа 37 пратеници.

Новата Влада на Србија ќе брои 31 член, од кои пет се министри без ресор. Новата влада има третина од новите имиња во однос на претходната Влада на Србија предводена од Ана Брнабиќ.

Премиерот на новата српска влада Милош Вучевиќ во експозето на собраниската седница вчера најави дека владата ќе биде континуитет на политиката на досегашните влади и на претседателот Александар Вучиќ. За Северна Македонија кажа дека е држава која во Србија секогаш може да најде партнер и повеќе од тоа.

Во новата влада Синиша Мали ќе биде вицепремиер и министер за финансии, Ивица Дачиќ-министер за внатрешни работи и вицепремиер, Александар Вулин-вицепремиер, Ирена Вујовиќ-вицепремиер и министер за заштита на животната средина, Братислав Гашиќ-министер за одбрана, Марко Ѓуриќ-министер за надворешни работи, Тања Мишчевиќ-министер за евроинтеграции, Горан Весиќ, министер за градежништво, транспорт и инфраструктура, Дубравка Ѓедовиќ-министерка за рударство и енергетика, Златибор Лончар-министер за здравство, Томислав Момировиќ-министер за внатрешна и надворешна трговија, Маја Поповиќ-министер за правда, Славица Ѓукиќ Дејановиќ-министер за образование, Немања Старовиќ-министер за вработување, труд, ветерани и социјални прашања, Милица Ѓурѓевиќ Стаменковски, министер за семејна грижа и демографија, Никола Селаковиќ, министер за култура, Андријана Месаровиќ, министер за економија, Јелена Жариќ Ковачевиќ, министер за администрација и локална самоуправа, Јелена Беговиќ-наука и иновации и Хусеин Мемиќ министер за туризам.

Милан Кркобабиќ е министер за грижа на селото, Дејан Ристиќ е министер за информации и телекомуникации, Дарко Глишиќ министер за јавни инвестиции, Новица Тончев, Усаме Зукурлиќ, Ненад Поповиќ и Татјана Мацура се министри без ресор. /МИА

Свет

Иран воведе санкции за поединци и правни субјекти од САД и Велика Британија

Иран воведе санкции за неколку американски и британски физички и правни лица поради нивната поддршка за Израел во војната против палестинската организација Хамас во Појасот Газа, јавија француските медиуми.

Во соопштение Исламската Република - жесток непријател на Израел – наведува дека воведува санкции за седум американски граѓани, вклучувајќи го генералот Брајан Фентон, шеф на командата за специјални операции, и вицеадмиралот Бред Купер, поранешниот шеф на американската морнарица на Блискиот Исток.

Меѓу британските функционери и институции кои се санкционирани се министерот за одбрана Грант Шапс и Кралската морнарица во Црвеното Море.

Санкции се воведени и за американските компании „Локид Мартин“ и „Шеврон“, како и за британските „Елбит системи“, „Паркер Мегит„ и „Рафаел УК“.

Иранското Министерство за надворешни работи соопшти дека санкциите вклучуваат „блокирање на сметките и трансакциите во финансискиот и банкарски систем на Иран, замрзнување на средства под јурисдикција на Исламската Република Иран и забрана за визи и влез на иранска територија“.

Меѓутоа, останува нејасно влијанието на овие мерки врз поединците или субјектите, како и какви било средства или трансакции со Иран, пренесуваат француските медиуми.

Иран не ја признава државата Израел и ја стави поддршката за палестинската кауза како камен-темелник на својата надворешна политика од Исламската револуција во 1979 година.

Од почетокот на војната во Појасот Газа, која започна на 7 октомври со неиспровоциран напад на палестинското исламистичко движење „Хамас“ на израелска територија, мнофукратно се кренати тензиите меѓу Израел, од една страна, и Иран и неговите сојузници, особено либанскиот „Хезболах“, од друга.

Ситуацијата меѓу двете земји ескалираше на 13 април кога Иран започна невиден напад врз Израел користејќи 350 дронови и проектили, од кои повеќето беа пресретнати со помош на САД и другите сојузнички земји.

Неколку дена подоцна, во друг напад, што му се припишува на Израел, беше погоден аеродромот во Исфахан, во централен Иран, но таму беше предизвикана само ограничена штета. /МИА

притисни ентер