„Уметничката иницијатива е почетната искра“: 10 години заедно! „Бимилк“ и „Браќа Манаки“ во чест на уметноста - Канал 5

Култура

„Уметничката иницијатива е почетната искра“: 10 години заедно! „Бимилк“ и „Браќа Манаки“ во чест на уметноста

Бимилк годинава ја продолжува својата мисија на поврзување со културата и заедницата преку поддршка на еден од најзначајните културни настани во регионот – Интернационалниот фестивал на филмска камера „Браќа Манаки“.

„Уметничката иницијатива е почетната искра“: 10 години заедно! „Бимилк“ и „Браќа Манаки“ во чест на уметноста

Оваа компанија успеа да го спои својот бизнис со филмот и на многу интересен начин им ја доближи културата на младите. Одлучивме по повод овој настан да поставиме неколку прашања до Полексена Јанкуловска, регионален маркетинг менаџер во „Бимилк“.

Прво нè интересираше што толку голема компанија како „Бимилк“ ја инспирирало кај Меѓународниот фестивал на филмска камера „Браќа Манаки“, па донеле одлука да ги поддржат со ваква кампања, а Полексена истакна дека ова за нив имало навистина големо значење.

- Фестивалот „Браќа Манаки“ е симбол на културна меморија, традиција и автентичност – вредности кои се длабоко вкоренети и во „Бимилк“, како првата и најстара млекара во земјата. Од првите кадри на браќата Манаки до денешните оскаровци и „БАФТА“ носители, Битола живее филм, а ние веруваме дека млекото е исто таков симбол – нешто што ги обединува генерациите и останува во меморијата. Затоа, нашата поддршка не е само спонзорство, туку партнерство кое ја негува македонската култура и создава искуства што ги поврзуваат кадрите од минатото со вкусот на денешницата- ни кажа Јанкуловска.

Како културни настани како „Браќа Манаки“ влијаат врз локалната економија и туризмот?

- Овие настани се вистински двигател за локалната економија. Во периодот на фестивалот, хотелите и рестораните се полни, а градот станува препознатлив на културната мапа. Гостите ја запознаваат архитектурата, духот на Широк Сокак и битолската гастрономија, а многумина повторно се враќаат токму заради фестивалот. Тоа не е само програма на платното, туку празник кој ја оживува заедницата и ја претвора културата во стратегија за иднината на Битола- изјави Јанкуловска за Канал 5.

И ние сме само медиум и знаеме како во овој свет да го претставуваме гласот на народот, но и да диктираме трендови, па нè интересираше дали денес симболите на културата повеќе се создаваат преку медиумите и маркетингот или преку самите уметници?

-Уметниците се коренот и суштината, но денес нивната приказна добива сила преку медиумите и креативните индустрии. „Бимилк“ тоа го покажа во изминатите години преку креативни бренд-активации што ја спојуваат уметноста со вкусот, традицијата со модерното. Така симболите не се само финансиски поддржани, туку стануваат дел од искуството на фестивалот и добиваат ново, пошироко значење- ни појасни Јанкуловска.

Дали иднината на културните настани зависи од поддршката на компании како „Бимилк“, или од самата уметничка иницијатива?

-Уметничката иницијатива е почетната искра – таа ја носи креативноста, идејата и визијата. Но, за таа искра да се развие во силен пламен што ќе трае, потребна е и корпоративната поддршка. Таа е горивото што дава стабилност, ресурси и креативен импулс за настаните да живеат и растат. Кога ќе се спојат овие две страни, тогаш културните настани добиваат вистинска сила и долготрајност. Така е и со „Браќа Манаки“ – уметниците ја создаваат магијата, а компании како Бимилк веќе една деценија вложуваат во тоа таа магија да остане дел од нашето културно наследство - изјави таа, па продолжи .

- Оваа година се навративме на традицијата и на златните времиња на Битола – периодот кога браќата Манаки ја поставуваа основата на фестивалот и низ својата работа ја создаваа сликата на градот што сите го препознаваме и сакаме. Тоа беа моменти од секојдневието на староградска Битола, пренесени преку филмската магија и креативни интерпретации на нашето културно наследство. Со визуелните решенија го прикажавме тој спој меѓу уметноста и вкусот, симбиоза која ја оживува традицијата во ново светло и ја поврзува со нашите производи- кажа Јанкуловска.

Дали би сакале и други компании во Македонија да следат ваков пример и да создаваат креативни партнерства со уметноста?

-Секако. Кога повеќе компании ќе ја препознаат вредноста на уметноста не само како маркетинг алатка, туку како инвестиција во културниот и општествениот капитал, културната сцена станува посилна и побогата. Таквите партнерства носат повеќе оригинални содржини, отвораат нови можности за уметниците и оставаат позитивна трага за идните генерации. Најмногу од сé, ваквите партнерства создаваат вредности со долготраен печат за следните генерации, за наследството што ќе остане зад нас- кажа Јанкуловска..

И за крај, нè интересираше дали вкусот може да предизвика исто толку силна емоција како една филмска сцена?

- Да, вкусот е меморија исто како и филмот. Чаша млеко може да нè врати во детството со иста сила како што една филмска сцена нè потсетува на нешто важно. Вкусот и уметноста се два универзални јазици на емоцијата и токму затоа оваа година ги споивме во заедничка приказна- заклучи Јанкуловска.

Тагови: Бимилк културата уметност филм

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Гибралтар и Шпанија потпишаа историски договор. Крај на границите

Европската Унија и Обединетото Кралство потпишаа историски договор со кој се укинуваат граничните контроли и се овозможува слободно движење на луѓе и стоки меѓу Шпанија и територијата Гибралтар, која е под британска контрола.

Гибралтар и Шпанија потпишаа историски договор. Крај на границите

Договорот беше потпишан во Брисел во вторник од страна на европскиот комесар за трговија Марош Шефчович и британскиот министер за Европа, Стивен Доути. Присутен беше и премиерот на Гибралтар, Фабијан Пикардо, објави француската новинска агенција АФП.

Спогодбата ги отстранува сите физички бариери и контроли на копнената граница меѓу Гибралтар и Шпанија и вклучува планови за поблиска интеграција на територијата со Шенген зоната и единствениот пазар на ЕУ, додека целосно го штити британскиот суверенитет над Гибралтар, на барање на Лондон.

Крај на проверките

Од среда, нема да има повеќе проверки на документи на граничниот премин меѓу Гибралтар и шпанскиот град Ла Линеа, кој илјадници луѓе го преминуваат секој ден. Гибралтар, мала територија со население од речиси 40.000 жители на крајниот југ од Иберискиот Полуостров, прима околу 15.000 шпански работници секој ден, што претставува речиси половина од нејзината работна сила.

Договорот меѓу Лондон и Брисел беше постигнат во јуни минатата година по години тешки преговори, во кои учествуваше и Шпанија. Тој следеше по референдумот за Брегзит во 2016 година и излегувањето на Велика Британија од Европската унија.

Шпанскиот премиер Педро Санчез треба да го посети Гибралтар во среда. Санчез го поздрави договорот, велејќи дека „по стотици години, конечно ќе биде можно да се сруши последниот ѕид во рамките на Европската унија“, пренесува АФП.

Гибралтар, над кој Велика Британија го презеде суверенитетот во 1713 година со Утрехтскиот договор, е од огромно стратешко значење, особено за поморската трговија бидејќи Гибралтарскиот теснец ги одделува Европа и Африка и ги поврзува Атлантскиот Океан и Средоземното Море.

Извор: Индекс.хр

Тагови: Шпанија Гибралтар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Наместо луксузни апартмани, на запленетата парцела во ДУП-от Барутана е планиран дом за стари лица

Нацрт планот не отвора нова урбанизација, туку коригира постојно решение во насока што е покорисна за граѓаните и поблиска до нивните реални потреби.

Герасимовски: Наместо луксузни апартмани, на запленетата парцела во ДУП-от Барутана е планиран дом за стари лица

„На местото на конфискувана парцела, која била наменета за резиденцијално домување, предвидуваме пренамена и изградба на дом за стари лица. Плацовите на Водно конечно ќе добијат намена за обичните граѓани, а не за луксузни апартмани“, порача градоначалникот на Општина Центар Горан Герасимовски на продолжението на 9. Седница, образложувајќи го нацрт планот за Градска четврт Ј 05-Барутана.

Со ова, како што посочува Герасимовски, нацрт планот не отвора нова урбанизација, туку коригира постојно решение во насока што е покорисна за граѓаните и поблиска до нивните реални потреби.

„Со овој план ја исполнуваме нашата предизборна заложба кон повозрасните сограѓани. Наместо елитни апартмани, на оваа локација ќе имаме дом за стари лица, нешто што навистина му е потребно на Центар“, порача Герасимовски.

Урбанистите на Општина Центар појаснија дека новиот нацрт план не го зголемува, туку значително го намалува обемот на градење. Наместо 43.429 квадратни метри, колку што биле дозволени со стариот план, сега се предвидени 29.459 квадратни метри, односно 33% помалку. Дополнително, наместо поткровје, дозволена е градба П+2, а изградбата е ограничена на 40%.

Поради безбедноста на теренот и околните објекти, предвидено е само едно подземно ниво, а зелените површини се зголемени на 40%, што е двојно повеќе од законскиот минимум.

„Не станува збор за ново подрачје што првпат се урбанизира, туку за простор кој со години бил дел од урбанистичко планирање, а сега конечно добива план што е поодговорен, побезбеден и поблиску до потребите на граѓаните“, појаснија урбанистите на Општина Центар.

Предлог одлуката за утврдување на Нацрт детален урбанистички план за Градска четврт Ј 05-Барутана, беше изгласана на денешната седница на Советот на Општина Центар со 13 гласа за и 9 против.

Општина Центар-Скопје

Тагови: Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер