„Убер“ се стреми кон 100.000 роботаксија во партнерство со „Н-видија“ - Канал 5

Живот

„Убер“ се стреми кон 100.000 роботаксија во партнерство со „Н-видија“

 „Убер“ вчера сооопшти дека има за цел да распореди 100.000 самоуправувачки возила на својата платформа за возење и услуги, во соработка со производителoт на чипови „Н-видија“ за снабдување компјутерските системи што ќе ги опремат возилата.

„Убер“ се стреми кон 100.000 роботаксија во партнерство со „Н-видија“

Новата платформа за услуги со самоуправувачко такси-возење на „Н-видија“ - „Драјв А-ге-икс хиперион 10“ (Drive AGX Hyperion 10), ќе биде инсталирана во возила од повеќе производители. Американските компании не соопштија кога очекуваат да ја достигнат целта од 100.000 возила, но се очекува првите возила со новиот хардвер да бидат достапни во 2027 година. Најмалку 5.000 од првичните роботаксија, според „Убер“, ќе бидат од „Стелантис“ - матичната компанија на „Опел“. Исто така, германскиот автопроизводител „Мерцедес-Бенц“ и американскиот „Лусид“ развиваат автомобили компатибилни со новиот систем на „Н-видија“.

За потсетување, пред неколку години „Убер“ привремено го запре својот развој на самоуправувачки возила, по фатална несреќа за време на тестирањето.

„Убер“ извести претходно оваа година дека планира да стане оператор на роботакси-услуга. Во таа смисла, отпрво намерата беше да имаат најмалку 20.000 самоуправувачки теренски возила од „Лусид“ во неколку земји во рок од шест години. „Алфабет“ веќе нуди патувања преку платформата „Убер“ во неколку градови во САД, а „Убер“ планира да додаде и возила од „Фолксваген“, а и за странство - од кинескиот технолошки гигант „Бајду“.

Тагови: Убер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Народен правобранител: Утре од 7:00 до 19:00 часот ќе биде отворена подрачната канцеларија во Тетово

Покрај лично во канцеларија, граѓаните  ќе може да пријават повреда на нивното избирачко право и на телефонскиот број 044 344-082

Народен правобранител: Утре од 7:00 до 19:00 часот ќе биде отворена подрачната канцеларија во Тетово

Во недела ( 18 октомври ) на денот на одржувањето на предвремените избори за градоначалник на Општина Брвеница во периодот од 7:00 до 19:00 часот ќе биде отворена подрачната канцеларија во Тетово, со цел граѓаните да можат да пријават каква било повреда на избирачкото право.

Покрај лично во канцеларија, граѓаните ќе може да пријават повреда на нивното избирачко право и на телефонскиот број 044 344-082,

Народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права.

И во оваа пригода, народниот правобранител потенцира, дека, избирачкото право е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, поради што не случајно повредата на слободата на определувањето на избирачите како и други повреди на избирачкото право се казниви дела.

НАРОДЕН ПРАВОБРАНИТЕЛ

Тагови: Народен правобранител

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност.

Утре сончево со мала до умерена облачност

Ќе дува слаб до умерен ветер од северен правец. Минималната температура ќе биде во интервал од 0 до 8, а максималната ќе достигне од 12 до 23 степени.

Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 7, а максималната ќе достигне до 21 степен.

До средината на следната седмица времето ќе биде сончево со мала локална облачност во текот на денот. Во среда облачноста ќе се зголеми и ќе преовладува променливо облачно време, со краткотрајни сончеви периоди. Во четврток и петок ќе преовладува претежно облачно време со врнежи од дожд.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Можна е средба со Русите во Мајами

Официјални лица од Украина, САД и Русија би можеле да се сретнат за време на самитот на Г20 во Мајами во декември.

Зеленски: Можна е средба со Русите во Мајами

Сепак, Вашингтон и Москва не ја потврдија средбата, изјави денес украинскиот претседател Володимир Зеленски, додавајќи дека се можни и други места.

„Средбата би можела да се одржи во САД за време на самитот на Г20. Сепак, засега нема потврда ниту од Русија ниту од САД. Може да се одржи и во некоја европска земја“, рече Зеленски во разговор со новинарите преку апликацијата „WhatsApp“.

Тој додаде дека средбата би можела да се одржи и во една од земјите од Блискиот Исток, објави Ројтерс.

„САД постојано ги споменуваат Обединетите Арапски Емирати или Саудиска Арабија“, рече Зеленски, додавајќи дека украинските преговарачи разговарале со американски претставници во петокот, но не даде детали.

Тој рече дека на Европа ѝ е потребен свој колосек за разговори со Русија, со која односите се затегнати поради војната во Украина. Групата од 20 водечки економии, во која се вклучени САД и Русија, но не и Украина, треба да одржи самит во Мајами во декември.

Тагови: Володимир Зеленски русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер