Трио Аперто со врвна уметничка изведба ја отвори концертната програма во македонскиот КИЦ во Загреб - Канал 5

Култура

Трио Аперто со врвна уметничка изведба ја отвори концертната програма во македонскиот КИЦ во Загреб

Извонредна атмосфера и аплаузи ја одбележаа концертната вечер со која македонскиот КИЦ во Загреб свечено ја отвори концертната програма за 2026 година. 

Трио Аперто со врвна уметничка изведба ја отвори концертната програма во македонскиот КИЦ во Загреб

Публиката со големо внимание и воодушевување го проследи настапот на реномираното македонско трио АПЕРТО, кое со својата врвна уметничка изведба уште еднаш потврди дека претставува еден од препознатливите и високо ценети камерни состави на македонската музичка сцена.

Концертната програма за 2026 година свечено ја отвори директорката на македонскиот КИЦ во Загреб Мими Ѓоргоска Илиевска, која во своето обраќање истакна дека програмата и понатаму ќе биде фокусирана на промоција на современата македонска уметност, богатото македонско културно наследство, поддршка на врвните уметници и продлабочување на културната соработка меѓу Македонија и Хрватска.

„Македонскиот КИЦ во Загреб и оваа година продолжува со внимателно креирана програма преку која македонската култура достојно се претставува пред хрватската публика. Особено ни е важно што концертната сезона ја отвораме со уметници кои преку својот квалитет и посветеност ја афирмираат македонската музичка уметност и создаваат простор за нови културни соработки и уметнички вредности. Реализацијата на годишната програма на Македонскиот КИЦ во Загреб се остварува со поддршка од Министерството за култура и туризам, со што се овозможува континуирано претставување и афирмација на македонската култура пред меѓународната јавност“, истакна директорката на Македонскиот КИЦ во Загреб, Мими Ѓоргоска Илиевска.

На концертот присуствуваше и македонскиот амбасадор во Република Хрватска, Н.Е. Драган Ѓурчевски, кој ја поздрави публиката и ја истакна важноста на културната дипломатија и улогата на македонскиот КИЦ во Загреб во афирмацијата на македонската култура во меѓународен контекст.

Триото АПЕРТО, составено од врвните уметници Марина Трајковска – виолина, Момчило Куфојанакис – виолина и Весна Ангелова Христов – пијано, веќе подолг период активно дејствува на македонската и меѓународната музичка сцена, со јасна мисија за афирмација и развој на класичната музика и камерното музицирање. Нивната уметничка соработка претставува значаен придонес за збогатување на музичко-сценската дејност, не само во Македонија, туку и на меѓународно ниво.

Во изминатите години триото реализираше успешни концерти во повеќе градови во Македонија, а на меѓународен план настапуваше во Тирана, Истанбул и Њујорк, претставувајќи ја македонската музичка уметност пред поширока публика.

Вчерашниот концерт донесе внимателно избрана програма која опфати различни епохи и музички стилови, со особен акцент на македонското современо творештво, регионалната музичка соработка и делата од светската класична музика.

На програмата беа изведени дела од македонските композитори Б. Цанев, Б. Светиев и Б.Илин (Елизабета Илиевска), чии композиции се инспирирани од македонскиот музички фолклор и современиот музички израз. Триото АПЕРТО во својот репертоар посветува особено внимание на промоцијата и афирмацијата на македонските автори, со цел нивното творештво да биде доближено до домашната и меѓународната публика.

Посебно значење имаше и изведбата на дело на хрватскиот композитор од новата генерација А. Божиќ-Кудриќ, во чие творештво се препознаваат елементи од хрватскиот фолклор и традиција. Неговото присуство на програмата претставува симболична поврзаност меѓу македонската и хрватската културна сцена токму во Загреб.

Концертот опфати и дела од М. Мошковски, Г. Форе и А. Шнитке, чија музика внесе дополнителна стилска разновидност и длабочина во програмата. Романтичната лирика на Мошковски, суптилната емоционалност на Форе и експресивниот музички јазик на Шнитке беа поздравени со силен аплауз и исклучителни реакции од публиката.

Особено внимание привлече фактот што триото АПЕРТО е ретка камерна формација – две виолини и пијано – што претставува вистинско освежување на концертната сцена и можност овој тип на камерно музицирање да се доближи до пошироката публика.

Со овој концерт поддржан од Министерството за култура и туризам, македонскиот КИЦ во Загреб ја продолжува својата мисија за промоција и афирмација на македонската култура во меѓународен контекст, при што ваквите настани ги рефлектираат државните политики за развој на културната дипломатија како значаен двигател за јакнење на меѓукултурниот дијалог, културната размена и меѓународната соработка.

МАКЕДОНСКИ КУЛТУРНО ИНФОРМАТИВЕН ЦЕНТАР ВО ЗАГРЕБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Барби ѝ оддава почит на Витни Хјустон со нова кукла

Барби ѝ оддаде почит на покојната Витни Хјустон со своја кукла. 

Барби ѝ оддава почит на Витни Хјустон со нова кукла

Таа им се придружува на голем број ѕвезди, вклучувајќи ги Дејвид Боуви и Дајана Рос, кои добија своја кукла како дел од колекцијата „Barbie Signature“. Куклата изгледа исто како Хјустон во музичкото видео за „I Wanna Dance With Somebody (Who Loves Me)“ - облечена во розов, тесен фустан, шарени обетки и бели и сини потпетици, заедно со нејзините препознатливи шишки од 80-тите и долга виткана коса.

Барби ѝ оддава почит на Витни Хјустон

По повод речиси 40-годишнината од објавувањето на песната, како и нејзиниот роденден, куклата ја слави пејачката и нејзиното наследство во музиката, забавата и културата. „Музиката на Витни Хјустон е саундтрак за безброј моменти за обожавателите ширум светот“, рече Натан Бејнард, потпретседател и раководител на брендот Барби во Мател.

„Барби е горда што ѝ оддава почит на нејзиното извонредно наследство со најновото дополнување на колекцијата.“ „Оваа кукла го слави нејзиниот препознатлив стил, радост и дух. Се надеваме дека ќе им обезбеди на обожавателите значаен начин да го прослават уметникот чиј глас и влијание продолжуваат да резонираат низ целиот свет.“

Многу познати личности имаат свои кукли Барби

Куклата беше претставена на петтата годишна гала-вечер Витни Хјустон „Legacy of Love“, која е во корист на фондацијата на покојната пејачка за помагање на младите луѓе. Таа им се придружува на голем број музичари како што се Мајли Сајрус, Кајли Миног, Стиви Никс и Глорија Естефан кои исто така добија своја кукла во колекцијата. Други ѕвезди се Тина Тарнер, Елвис Присли, Елтон Џон и Хуан Габриел.

Хјустон стана еден од најпродаваните изведувачи во историјата на поп-музиката откако потпиша договор како тинејџерка. Таа стоеше зад хитови како „How Will I Know“, „Saving All My Love For You“ и нејзината изведба на „I Will Always Love You“, која се искачи на врвот на топ листите. Таа почина во 2012 година на 48-годишна возраст.

Извор: Индекс.хр

Тагови: Витни Хјустон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Малиот „Smart“ прикажан пред премиерата: Досегот ќе ве изненади

„Smart“ се враќа на малите автомобили, но електричниот „#2“ сега има многу поголем досег на возење.

Малиот „Smart“ прикажан пред премиерата: Досегот ќе ве изненади

Новиот градски автомобил „#2“ на „Smart“ требаше да биде претставен во октомври на Саемот за автомобили во Париз, но кинеските регулаторни документи веќе го открија неговиот изглед и технички податоци.

Моделот „#2“ го претставува враќањето на „Smart“ во сегментот на мали градски автомобили и е развиен во соработка со „Mercedes-Benz“ и „Geely“. Ќе се продава исклучиво како електричен автомобил.

Дизајнот на производствената верзија е многу сличен на концептот претставен во април. Разликите главно се однесуваат на поедноставна решетка и браници, различни светла, класични рачки на вратите и помали тркала со конвенционални гуми.

Купувачите ќе можат да изберат двобојни комбинации на каросерија, различни дизајни на тркала и дополнителни аеродинамични елементи.

Поголем, но сепак исклучително компактен

„Smart #2“ е долг 2,75 метри, што е околу шест сантиметри подолго од претходниот „EQ ForTwo“. Меѓуоскиното растојание останува речиси непроменето, додека кругот на вртење е 6,95 метри.

Автомобилот ја користи новата механичка платформа на „Geely“, „Electric Compact Architecture“, и електричен мотор од 82 КС поставен на задниот дел. Максималната брзина е електронски ограничена на 140 км/ч.

Досег 300-400 километри

Енергијата се обезбедува од „LFP“ батерија произведена од „CATL“, додека „Geely“ е одговорен за нејзиното склопување. „Smart“ наведува „WLTP“ досег од 300 километри, додека според кинескиот „CLTC“ стандард е можно да се поминат дури 400 километри.

Ова е значително повеќе од она што го нудеше претходниот „EQ ForTwo“.

Новиот модел ја поддржува и функцијата „V2L“, како и брзо„ DC“ полнење, при што батеријата се полни од 10 до 80 проценти за помалку од 20 минути.

Внатрешноста на сериската верзија сè уште не е прикажана, но се очекува дигитална инструмент табла, централен дисплеј и модерни детали познати од концептот.

„Smart #2“ ќе се произведува во Кина, а по официјалната премиера во Париз во октомври, треба да стигне до бројни светски пазари, вклучително и Европа. Цената ќе биде објавена подоцна.

Извор:Б92

Тагови: Smart

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Нема повеќе ограничувања за бесплатниот „ChatGPT“

„OpenAI“ објави дека бесплатниот „ChatGPT“ ќе добие неограничен број текстуални разговори, како и некои нови функции.

Нема повеќе ограничувања за бесплатниот „ChatGPT“

Американската компанија за вештачка интелигенција „OpenAI“ објави дека сите корисници на бесплатната верзија на алатката „ChatGPT“ ќе добијат неограничен број текстуални разговори, со што се отстранува претходното ограничување за разговор.

Бесплатните корисници и корисниците на пакетот „Go“ во иднина ќе го користат новиот модел „GPT-5.6 Luna“, кој станува стандарден модел наместо претходниот „GPT-5.5“.

Покрај тоа, корисниците ќе имаат пристап и до нова опција за подлабоко размислување (Think) што му овозможува на моделот да користи повеќе компјутерски ресурси при решавање на посложени прашања, објавува „Tech Crunch“.

„OpenAI“ нагласува дека ограничувањата сè уште ќе постојат за функциите што бараат повеќе ресурси, како што се работа со датотеки, гласовна комуникација, обработка на слики и генерирање нови слики.

Промените доаѓаат и кај корисниците со претплата „Plus“ и „Pro“ кои ќе го добијат подобрениот модел „GPT-5.6 Sol“, наменет за брзи задачи како што се одговарање на прашања, пребарување на интернет, планирање, пишување и донесување одлуки.

Новиот модел, според „OpenAI“, обезбедува поконцизни и посигурни одговори.

Дополнително, корисниците на „Plus“ и „Pro“ добиваат можност да го прилагодат нивото на размислување (Thinking Slider), што им овозможува да одредат колку време и компјутерски ресурси моделот ќе посвети на одговорот, во зависност од сложеноста на задачата.

Новиот модел е достапен за корисниците на „Plus“ и „Pro“ веднаш, додека оние кои не се претплатници постепено ќе добијат пристап до неограничени текстуални разговори во текот на оваа и следната недела.

Извор: Б92

Фото:ВИ

Тагови: ChatGPT

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер