Култура

„Трескавец" се обновува според роковите, но потребно е решавање на неколку клучни зафати

Работите со обновата на опожарените конаци на манастирот „Трескавец" кај Прилеп се при крај, но за проектот да помине на технички преглед потребно е да се решат прашањата со водоводот до манастирот, без кој не може да има технички прием на објектот.

Се работи и на пречистителната станица. Освен тоа, годинава треба да завршат истражувачките работи, а в година да почне конзервацијата на манастирската црква „Успение на пресвета Богородица" што е битно за целиот комплекс „Трескавец" да биде комплетно завршен.

Ова го констатираа изведувачот, фирмата „Кота" од Белград, прилепскиот Завод и музеј, градските власти на Прилеп и Министерството за култура при посетата на претставниците на институциите на манастирот „Трескавец".

Конаците на манастирот се обновуваат по пожарот од пред пет години што до темел ги уништи. Претставниците на изведувачот, заменик-министерот за култура Владимир Лазовски, директорот на прилепскиот Музеј, Благоја Атанасоски, прилепскиот градоначалник Илија Јованоски заедно со единствениот жител на манастирот, отец Калист, направија увид во работите.

Според Благоја Атанасоски, директор на прилепскиот Завод и музеј, работите на обновата на конаците течат непречено, но има проекти што мора да се завршат, врзани и за конаците и за придружните објекти. По повеќе време се знае дека конзервацијата на црквата, која има фрескоживопис меѓу најстарите на Балканот, ќе почне в година. Според Атанасоски, досега имало пропусти, зашто мора да се проширува проектот за пречистителна станица.

– Работите се во тек и во завршна фаза. Динамиката гарантира дека во предвидениот рок ќе завршат работите на обновата на конаците. Паралелно се работи и на придружните објекти, иако капитални се реставрацијата и конзервацијата на црквата, а тука се и трпезаријата, магерницата, камбанаријата. За нив се работат истражувачките активности. Формирани се стручни тимови. Оваа година ќе бидат изготвени проекти, за наредната година дефинитивно да почнеме со конзервацијата на црквата и на другите објекти. Работиме и на две ставки што, за жал, не биле предвидени во првичниот проект и не одговараат на стандардите што ги бара капацитетот на комплексот. Тоа е проектот за пречистителна станица, зашто досегашниот предвидува само за малку, пет луѓе. Со Министерството за култура правиме напори да одвоиме средства за проект што ќе ги задоволи стандардите и потребите на манастирскиот комплекс. Тоа значи дека пречистителната станица треба да биде за потребите на стотина луѓе. Ќе вршиме интервенција и на трафостаницата што треба да ги задоволи сегашните проширувања на капацитетите, поради современите електрични и електронски апарати. Барањето е поднесено до ЕВН, објаснува Атанасоски.

Фондот за конаците што се троши е околу два милиона евра, без интервенциите на придружните објекти. Претстои најкомплицираниот дел од работата на овој комплекс, зашто црквата бара посебен третман, конзервација и на архитектурата и на живописот, но и работите околу магерницата, трпезаријата. Значи, во овој момент за рок не може да се говори.

– Процесот трае, но никогаш не почнало темелно да се работи. Се правеле интервентни, но не значајни работи, па затоа црквата „Успение на пресвета Богородица" е во ваква состојба. Но мора да се задржат стандардите и стручните интервенции, посебно на живописот на црквата, кој е еден од најстарите и на Балканот. Инаку, се работи на проектот на водоводот и се бара најдоброто решение, а без тоа не може да се направи технички прием на комплексот. А тука се проектите за пречистителната станица и за заштита од пожари, вели Атанасоски.

Никола Ѓулизибариќ од фирмата „Кота" од Белград, кој ги изведува работите и е директор на изведбата на објектот, вели дека иако имаше ревизија на проектот за противпожарна заштита, најбитно е да завршат занаетчиските работи и ентериерот на конаците. Работат според роковите.

– Направивме ревизија на проектот за заштита од пожари. Тоа не ни е проблем, тоа се одвива брзо, посебно со инсталациите. Ќе ги завршиме занаетчиските работи што се убави, но бараат време за изведба и се вистинска уметност. Ние ќе внимаваме до среднината на наредниот месец, решавајќи ги техничките и некои материјални проблеми, работите да ги приведеме кон крајот. Почнавме кон крајот на април 2016 година, имајќи предвид дека во зимските месеци не се работи. Според договорот за изведба се три години, ама работни денови. Така, ние сме фактички пред рокот. Условите за работа се отежнати, особено во зима. Значи, нам ни е најбитно да ги завршиме занаетчиските работи, ентериерот, да се направат водоводот и пречистителната станица и тоа ќе биде крај на работите, рече Ѓулизибариќ.

Единствениот жител на манастирот „Трескавец", отец Калист, вели дека е неопходно да се реши прашањето со водоводот. Има разбирање од Министерството за култура.

Инаку, и додека се работи, „Трескавец" го привлекува вниманието на посетителите од целиот свет, само што кратко остануваат, поради изведбите. Капацитетот ќе биде барем за педесетина посетители да престојуваат подолго.

– Градежните работи се во завршна фаза и очекуваме до крајот на септември да бидат готови. Но, за да биде сѐ готово, мора да биде завршен проектот за водоснабдување на манастирот, зашто без тоа не може да ги пуштиме во употреба конаците. Заменик-министерот за култура Лазовски покажа интерес за ова и за нашите идни неопходни проекти: проектот за реставрација на црквата „Успение на пресвета Богородица", проектот за старата трпезарија и сѐ она што значи проектот „Трескавец" да биде заокружен. Посетителите никогаш не загубиле интерес за „Трескавец", без разлика што овие години се обновува. Секојдневно има посети, но сега, поради работите на обновата, тие посети се еднодневни. Се надеваме дека од следното лето ќе имаме можност да ги поканиме гостите и на ноќевање, објаснува отец Калист.

Прилепскиот градоначалник Илија Јованоски смета дека работите се одвиваат според роковите, а за туристичка презентација и не само на „Трескавец" има проект финансиран од ЕУ.

– Во „Трескавец" гледаме дека работите се при крај и се надевам дека за брзо време ќе дојдеме да „ги отвориме" обновените конаци. Имаме еден заеднички проект за сите главни историски монументни во градот што ги опфаќа манастирите „Трескавец", „Свети Архангел Михаил" и Марковите кули, финансиран од ЕУ, со кој се прават брошури, патокази, мапи за да им покажеме на гостите и на туристите што доаѓаат за подобро да се снајдат и да ги посетат овие три битни локалитети, значајни како за Прилеп така и за Македонија./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Шефот на „Aston Martin“ за рачните менувачи: „Многу покомплицирано отколку што изгледа“

„Aston Martin Valiant“ беше претставен на саемот за автомобили во Монтереј оваа недела, а изјавата на извршниот директор на компанијата за инсталирање рачни менувачи во „Aston Martin“ привлече внимание.

Извршниот директор на „Aston Martin“, Адриан Холмарк, објасни дека инсталирањето рачен менувач во модерен „Aston Martin“ е многу покомплицирано отколку што изгледа на прв поглед. Компанијата нудела рачни менувачи низ целата своја историја, но тие биле поврзани со постари архитектури на возила и електронски системи.

„Проблемот не е наоѓање рачен менувач, туку создавање електронски и адаптиран систем што може да работи со рачен менувач“, објасни Холмарк за „Road & Track“.

Голем дел од проблемот лежи токму во модерната електроника. Современите автомобили имаат сè поголем број системи за активна безбедност и помош на возачот, а некои од нив не се лесни за комбинирање со рачен менувач.

Холмарк особено ги издвои адаптивниот темпомат и системите за ублажување на последиците од судири. Според него, отстранувањето на овие функции или нивното прилагодување на рачниот менувач може да биде поскапо од развивањето на целосно нов рачен систем.

Сепак, примерите од други производители покажуваат дека не е технички невозможно да се комбинираат напредни системи за помош на возачот со рачен менувач. На пример, „Toyota GR86“ има адаптивен темпомат во сите верзии, додека „Honda Civic Type R“ исто така го има.

Затоа, останува уште едно важно прашање: дали развојот на таков систем е финансиски исплатлив?

Побарувачката за рачни менувачи повторно се зголеми меѓу ентузијастите, но тие сè уште претставуваат релативно мал дел од купувачите на скапи автомобили. Затоа, производителот мора да процени дали потенцијалната продажба ќе ги оправда трошоците за развој.

Холмарк, исто така, спомена интересно решение имплементирано од „Ferrari“ на „12Cilindri Manuale“. Иако автомобилот изгледа како да има класичен шестстепен мануелен менувач, тој всушност користи осумстепен менувач со двојна спојка, додека рачката на менувачот и педалата на спојката се дизајнирани да ја симулираат класичната конфигурација.

Според Холмарк, „Aston Martin“ потенцијално би можел да имплементира сличен концепт, но извршниот директор на компанијата досега одби да потврди дека такво решение е во фаза на изработка.

Извор: Б92

Тагови: Aston Martin мануелен менувач

Технологија

Кинески роботи го срушија рекордот на Јусеин Болт: Трчаат 100 метри за помалку од 9,4 секунди (ВИДЕО)

Роботи се натпреваруваат на Светските игри за хуманоидни роботи во Пекинг, каде што веќе се соборени некои рекорди.

Кинески хуманоиден робот истрча 100 метри за 9,39 секунди во квалификациската трка на Светските игри за хуманоидни роботи во Пекинг, побрзо од светскиот рекорд за мажи што го држи легендарниот јамајкански спринтер Јусеин Болт.

Роботот „Тиангонг Ултра“, развиен од Центарот за иновации на хуманоидни роботи во Пекинг, ја освои квалификациската трка на отворањето на второто издание на игрите, соопштија организаторите.

Роботот го престигна роботот „Лајтнинг“ на производителот на паметни телефони „Хонор“ непосредно пред целта откако заостана на почетокот на трката. „Лајтнинг“ ја заврши трката за 9,47 секунди, исто така побрзо од рекордот од 9,58 секунди поставен од Болт на Светското првенство во атлетика во Берлин во 2009 година.

Двата роботи го немаа шармот на Болт; Тие се удриле челно во дебел душек дизајниран да ги запре, принудувајќи го „Тиангонг“ неконтролирано да се ниша во зоната за итни случаи, принудувајќи ги гледачите да се поместат. „Лајтнинг“ бил однесен на носилка откако се струполил на земја.

Резултатите, сепак, претставуваат огромно подобрување во однос на минатогодишните први Игри, кога „Тиангонг Ултра“ победи на 100 метри за 21,50 секунди. „Тиангонг“, исто така, победи на првиот полумаратон во светот со хуманоидни роботи, одржан во Пекинг минатата година.

Претходно, кинеските државни медиуми објавија дека „Лајтнинг“ ги истрчал 100 метри за 9,32 секунди во прелиминарниот тест, достигнувајќи максимална брзина од 14,5 метри во секунда.

„Лајтнинг“ го освои овогодинешниот хуманоиден полумаратон за време од 50 минути и 26 секунди, побрзо од светскиот рекорд за брзина на луѓето во елитните машки натпреварувања.

„Лајтнинг“ бил висок 1,69 метри за време на полумаратонот и имал нозе долги 95 сантиметри. Неговите истражувачи подоцна му ги продолжиле нозете за 10 сантиметри, на 1,05 метри, пред игрите.

Трката на 100 метри е една од 51 дисциплина на игрите, која вклучува и натпревари во фудбал, танц и индустриски задачи.

Тагови: роботи Јусеин Болт

Свет

Иран поканет да се приклучи на „исламското НАТО“

Саудиска Арабија, Турција и Пакистан го поканија Иран да се приклучи на новоформираниот пакт за одбрана во Мека, објави денес либанската телевизиска мрежа Ал-Мајадин, повикувајќи се на висок ирански функционер, Мехди Рахими.

Рахими, директор на новинската агенција Ханех Мелат, поврзана со иранскиот парламент, изјави дека Иран добил покана да се приклучи на договорот во Мека и дека прашањето се разгледува.

Рахими рече дека земјите во регионот „се движат кон барање регионален безбедносен чадор“ и го нарече тоа победа за Иран, кој долго време го бара тоа.

Поканата сè уште не е официјално потврдена од Министерството за надворешни работи на Иран или од кој било од трите потписнички на договорот.

Спогодбата, потпишана овој месец, го воспоставува принципот на заемна одбрана, според кој нападот врз која било од трите земји би се сметал за напад врз сите нив.

Турскиот министер за надворешни работи Хакан Фидан го спореди механизмот со Член 5 од договорот за НАТО, но нагласи дека договорот не е насочен против Иран или против која било конкретна земја.

Државите потписнички на договорот веќе започнаа со развивање механизми за дипломатска и воена координација, вклучувајќи состаноци на министрите за надворешни работи и одбрана и воените команданти, заеднички вежби и соработка меѓу нивните одбранбени индустрии.

„Исламското НАТО“

Договорот од Мека беше потпишан на 7 август од страна на саудискиот престолонаследник Мохамед бин Салман, турскиот претседател Реџеп Таип Ердоган и пакистанскиот премиер Шехбаз Шариф.

Договорот предвидува дека секој вооружен напад врз една од трите земји ќе се смета за напад врз сите потписнички, како и унапредување на сите аспекти на одбранбената соработка меѓу Саудиска Арабија, Турција и Пакистан.

Турција изјави дека алијансата би можела да се прошири за да вклучи дополнителни земји.

Египет е јавно споменат како можен кандидат за членство.

Иран досега реагираше на договорот со претпазливо одобрување.

Портпаролот на иранското Министерство за надворешни работи, Есмаил Багеи, изјави на 10 август дека Техеран нема причина да биде загрижен за воспоставувањето на алијансата.

Извор: Б92

Тагови: Иран