„Трабант“ - автомобил што не му се предава на забот на историјата - Канал 5

Автомобилизам

„Трабант“ - автомобил што не му се предава на забот на историјата

Возилото „Трабант“ често важи за најлошиот автомобил во историјата на човештвото. Но, малото, енергично источногерманско возило, просто одбива „да изумре“, според познавачите.

„Трабант“ - автомобил што не му се предава на забот на историјата

Максималната брзина од 112 километри на час своевремено го направи предмет на потсмев во соседната Западна Германија, каде што брендови како „БМВ“ и „Мерцедес“ веќе доминираа на патиштата. Но, благодарение на група ентузијасти кои сè уште се посветени на реставрирање на стари модели, и денес сè повеќе „Трабанти“ се тркалаат на патиштата. Така, тие добиваат нова легија обожаватели. Според германскиот автомобилски клуб „KBA“, околу 40.800 „Трабанти“ се регистрирани во Германија. Пред околу 10 години, имало 33.000, се наведува.

Колекционерот Глен Кушан (58) има вкупно 23 „Трабанти“ во својата работилница за поправка на автомобили во јужен Берлин. Меѓу возилата има и бел модел којшто некогаш му припаѓал на неговиот татко и поминал повеќе од половина милион километри.

Првите „Трабанти“ се произведени во 1957 година, три години откако комунистичкиот режим во Источна Германија се зафати да создаде нов „автомобил за народот“. Трабантот е произведен во градот Цвикау, во тогашната Германска Демократска Република.

Последниот, розов „Трабант“ е произведен во 1991 година.

Денес, посетителите на Музејот „Трабант“ во Берлин може да погледнат колекција од 20 такви мали автомобили, и луѓето плаќаат за да ги разгледаат најпознатите комунистички знаменитости околу тоа возило. Томас Шмит (49), кој работи во музејот како туристички возач, рече дека „практично пораснал во 'Трабант',“ и сега го гледа овој автомобилот како дел од својот идентитет.

- Тоа е едно мало тркачко возило на долги патеки. Може да направи сè, неуништливо е. И, ако се расипе, убаво е што може сами да го поправите поради едноставната технологија. Луѓето велеа: Ако имате чекан, клешти и малку жица, можете да стигнете до Ленинград со Трабант, рече тој.

YouTube video

И покрај своите недостатоци, автомобилот остана симбол на секојдневниот живот во Источна Германија, пофален за својот необичен дизајн и издржливост. А очигледно, го преживеа и падот на Берлинскиот ѕид.

Тагови: автомобил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерот за надворешни и европски работи на Словенија, Тоне Кајзер

Во рамки на учеството на Дубровник форумот, министерот за надворешни работи и надворешна трговија, Тимчо Муцунски, денеска оствари средба со министерот за надворешни и европски работи на Република Словенија, Тоне Кајзер.

Средба на министерот Муцунски со министерот за надворешни и европски работи на Словенија, Тоне Кајзер

Во рамки на учеството на Дубровник форумот, министерот за надворешни работи и надворешна трговија, Тимчо Муцунски, денеска оствари средба со министерот за надворешни и европски работи на Република Словенија, Тоне Кајзер, прва по неговото назначување на оваа функција.

На средбата беше потврдена одличната билатерална соработка и традиционалното пријателство меѓу двете земји. Соговорниците се согласија дека во периодот што следи ќе се работи на внесување нова динамика и натамошно унапредување на билатералните односи, потврдувајќи ја заедничката определба за продлабочување на соработката, како на билатерално, така и на мултилатерално ниво.

Посебно внимание беше посветено на процесот на европската интеграција на Македонија, реформските процеси и потребата од кредибилен, предвидлив и на заслуги заснован пристапен процес. Министерот Муцунски ја нагласи посветеноста на Владата за спроведување на реформите и изрази благодарност за континуираната и принципиелна поддршка што Словенија ѝ ја дава на нашата држава на европскиот пат.

Во разговорите беа разменети мислења и за актуелните регионални и глобални безбедносни прашања, како и за натамошното унапредување на соработката во рамките на НАТО, соопштуваат од МНР иНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Во Франција е толку жешко, што луѓето пржат јајца на сонце (ВИДЕО)

Топол бран ја погоди Европа и со денови го нарушува секојдневниот живот во бројни земји. 

Во Франција е толку жешко, што луѓето пржат јајца на сонце (ВИДЕО)

Високите температури влијаеја на сообраќајот, училиштата, јавните настани и работата на службите за итни случаи.

Се чини дека Франција е особено погодена. Во Париз, поради екстремната топлина, беа воведени дополнителни мерки, вклучително и привремена забрана за консумирање алкохол на јавни места. Болниците и службите за итни случаи работат под голем притисок, а од истата причина Париската парада на гордоста, која ќе се одржи во септември наместо овој викенд, е одложена.

Вирални снимки од Франција

Некои избраа да ја прикажат топлината на посликовит начин. Видео, за кое се тврди дека е снимено во Франција, се прошири на социјалните мрежи и прикажува човек како пржи јајца и сланина на прозорец на директна сончева светлина.

Иако ваквите сцени не се нови и луѓето ги користат со години како графички доказ за екстремна топлина, снимката брзо привлече внимание среде топлотниот бран во Франција, каде што температурите достигнаа повеќе од 44 °C. Друга Парижанка покажа како чоколадото се стопило во нејзината соба за помалку од еден час. NextaTV наведува дека Париз едноставно не е изграден за овие температури: тесни улици, густо изградени населби, малку дрвја и метални покриви што брзо се загреваат претвораат делови од градот во вистински печки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Конго 1.155 заразени со ебола

Бројот на заразени со ебола во Демократска Република Конго се зголеми на 1.155, а 304 луѓе починаа, соопштија властите.

Во Конго 1.155 заразени со ебола

Бројот на болни и починати го претставува вкупниот број на потврдени случаи според извештајот за здравствената состојба во кој се документирани 37 нови случаи и пет нови смртни случаи во претходните 24 часа.

Здравствените власти во извештајот наведоа дека засилениот епидемиолошки и биолошки надзор овозможил порано откривање на случаи, потврдувајќи го континуираниот раст на преносот во заедницата од недела во недела.

Тагови: ДР Конго ебола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер