Сега јапонскиот производител е подготвен да ја сподели својата визија за тоа како ќе го подигне нивото, внесувајќи уште повеќе возбуда и смелост во овој „C-SUV“.

Саемот за автомобили во Париз во октомври 2014 година беше првиот навестување дека „Toyota“ се подготвува да лансира сосема нов тип на автомобили од „C“-сегментот - тогаш светот првпат го виде концептот „C-HR“.

Нешто повеќе од две години подоцна, овој концепт ќе стане реалност. Со моделот „C-HR“, „Toyota“ претстави автомобил кој не беше подготвен за компромиси.

Оваа година, 2022 година, поставен е нов предизвик: како да се подобри „C-HR“? Одговорот дојде во форма на концептот „Toyota C-HR Prologue“.

Сегашната генерација на моделот „C-HR“ е родена во центарот на „ED²“, европското седиште на „Toyota“ за развој на дизајнот, лоцирано на југот на Франција, од каде што „Toyota C-HR Prologue“ исто така го започнува својот нов живот.

Затоа „ED²“ се соочи со голем и амбициозен предизвик – како да го надмине она што е веќе постигнато.

„Нашата мисија беше да копаме длабоко, да одиме подалеку отколку што некогаш сме отишле. Навистина со нетрпение очекуваме да ја испорачаме нашата нова Toyota C-HR“, вели Ленс Скот, директор за дизајн во Центарот за развој на дизајн на „Toyota“ во Европа.

Еден поглед на „Toyota C-HR Prologue“ покажува дека автомобилот остана верен на своите корени. Но, новата генерација добива и надградби.

Досега беше двобоен. А сега „Toyota C-HR Prologue“ пристигнува и со трета боја – тоа е детал со нијанса на сулфур покрај основната металик сребрена и црна боја.

Од самиот почеток, тој беше дизајниран да се истакне во таква тробојна опција.

„C-HR Prologue“, исто така, ја докажува посветеноста на „Toyota“ за јаглеродна неутралност, носејќи уште поширок опсег на електрифицирани верзии на најголемиот и најконкурентниот пазарен сегмент во Европа – „C-SUV“.

Новата „plug-in“ варијанта на „Toyota C-HR“, со батерии склопени во Европа, покрај веќе достапната хибридна верзија, дополнително ќе ја зајакне палетата на автомобили на „Toyota“ произведени со бројни технолошки решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.