„Топ Ган“ го симна „Титаник“ од тронот на најуспешен филм на сите времиња - Канал 5

Забава

„Топ Ган“ го симна „Титаник“ од тронот на најуспешен филм на сите времиња

Блокбастерот Top Gun: Maverick на Том Круз ги руши сите рекорди, а сега му одзеде важна титула на еден од најпопуларните филмови на сите времиња, Титаник.

„Топ Ган“ го симна „Титаник“ од тронот на најуспешен филм на сите времиња

Покрај тоа што беше прогласен за најуспешен филм во 2022 година и за најуспешен филм во кариерата на Круз, новиот Top Gun заработи 662 милиони долари на американскиот бокс офис, надминувајќи го Титаник, кој само во Америка заработи 660 милиони долари, пренесува Variety.

Со вкупна заработка од бокс офисот од прикажувањето на филмот, од минатиот викенд, новиот Top Gun го зазеде седмото место на листата на филмови со најголема заработка на сите времиња во САД, одземајќи му ја престижната титула на Титаник.

Долгоочекуваното продолжение на филмот доби пофалби од критичарите и покрај поплаките дека не е во допир со реалноста: „Топ Ган: Маверик“ е сè што критичарите велат дека е - забавен, возбудлив, ода на индивидуалната храброст и, на неколку места, вистински трогателен. Но, исто така е длабок глупав филм кој, и покрај тврдењата за реализам (актерите летаат во вистински авиони), дава прилично нереална слика“, напиша slate.com.

Покрај големиот успех на кино благајните, новиот Top Gun ги сруши и предрасудите. Имено, многу мажи признале дека плачеле додека го гледале филмот.

Иако новиот блокбастер незапирливо се искачува на американските топ листи, сепак трката не е завршена. Имено, на глобално ниво, Top Gun: Maverick досега има заработено 1,3 милијарди долари, додека вкупната глобална заработка на Титаник е 2,2 милијарди долари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдена средба на Трамп, Си Џинпинг и Путин в четврток во Кина

Белата куќа потврди. Следната недела во четврток во кинескиот град Шенжен ќе се одржи состанок на Доналд Трамп, Си Џинпинг и Владимир Путин, на маргините на Самитот на Азиско-пацифичката економска соработка -АПЕК.

Потврдена средба на Трамп, Си Џинпинг и Путин в четврток во Кина

Портпаролката на Белата куќа, Оливија Велс, изјави дека една од главните теми на разговорите ќе биде намалувањето на нуклеарното оружје. Претседателот јасно стави до знаење дека ќе се занимава со прашањето за намалување на нуклеарното оружје во светот. Американски претставник, кој зборувал под услов на анонимност, открил дека Трамп планира на средбата да го отвори и прашањето за Иран, а темата за Украина најверојатно нема да биде дел од трилатералните разговори, бидејќи сад водат одделни дипломатски процеси со Киев и Москва, во кои Кина не учествува. Американскиот претседател ќе отпатува во азија во понеделник, а според најавите, најпрво ќе ги посети филипините, по што ќе замине за шенжен, каде ќе се одржи самитот на АПЕК.

Тагови: Владимир Путин Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција. 

Куба се подготвува за можен американски воен напад

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кравите од Крива Паланка осамнаа во светските медиуми

Кравите од Крива Паланка го обиколуваат Светот.

Кравите од Крива Паланка осамнаа во светските медиуми

Веста дека стотици говеда шетаат слободно низ градот го објавија неколку угледни светски медиуми, како Асошиејтед прес и Еуроњуз, каде што случајот со кравите се најде во познатата рубрика „без комента“.

Медиумите наведуваат дека жителите на Крива Паланка, опишана како земјоделски град, се бори со повеќе од илјада крави кои им ги уништуваат имотите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер