„Тоа е смрт за заби“: Д-р Ана за Канал 5 објасни како правилно треба да се негуваат забите - Канал 5

Здравје

„Тоа е смрт за заби“: Д-р Ана за Канал 5 објасни како правилно треба да се негуваат забите

Д-р Ана Кртолица Георгиев утрово гостуваше во „Здраво Македонијо“, каде што, меѓу другото, одговори и на прашањето: Како правилно да ги миеме забите, со демонстрација и едукација за орална хигиена.

„Тоа е смрт за заби“: Д-р Ана за Канал 5 објасни како правилно треба да се негуваат забите

Докторката во живо во програмата објасни како правилно треба да се негуваат забите, како и колку пати дневно треба да се мијат.

– Постоји една детска изрека: „Наутро ги мијам забите за да имам пријатели, а навечер за да бидам здрав“ – што значи дека ако легнеме навечер со остатоци од храна во устата, тоа е смрт за здравјето на усната празнина.

Докторката тврди дека два пати дневно е сосема доволно за нормална хигиена на забите, но и нагласува дека дури и ако не јадеме ништо, на забите се собира плак (наслаги), и поради тоа неопходна е редовна нега.

– И тој плак содржи бактерии. Ние не можеме да имаме стерилна уста, затоа два пати дневно мора да ги миеме забите, и тоа не само набрзина, туку да одвоиме 3 до 5 минути за тоа – вели Ана Кртолица Георгиев.

Клучно е негата на забите да не се брза, а докторката демонстрираше како правилно се мијат забите.

– Треба да поминеме по десет пати од двете страни – нагласува докторката и препорачува да се користи четка со мала глава, што е можно посемплa, без дополнителни гумени делови.

Колку често треба да се користи забен конец?

Докторката додаде дека по миењето, задолжително треба да се користи и забен конец.

– Јас сметам дека чистењето на забите со конец е завршниот дел од нивната нега. Без него не можеме целосно да ги исчистиме забите. Секој заб има страна кон непцето до која четката не може да допре, затоа ни е потребен конец – тврди таа.

YouTube video

Тагови: Заби Здраво Македонијо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер