Според судот, повлекувањето на поротничката е потврда за како што соопшти претходните предупредувања за евентуални притисоци и закани. Судењето со нов поротник и заменик стартува утре, но судијата Огнен Ставрев не коментирајќи го повлекувањето на Ивановска Кочковска со предизвик до адвокатите.
„Одбраната и обвинетите тврдевте дека не сакате да одолговлекувате. Ако е така потврдете. Судењето ќе почне одново, но за целисходност на постапката и владеењето на правото прифатете само да ги исчитаме доказите.“- Огнен Ставрев – Судија
Адвокатите утре ќе треба да одговорат дали само ќе се читаат со што постапката бргу би продолжила каде што застана, или доказите повторно ќе се изведат. Но адвокатот Јовица Страшевски, повикувајќи се на правна држава навести дека најверојатно ќе бара повторно да се изведат сите докази.
Обвинителот Бурим Рустеми вели дека со притисоците врз поротничката, успеале намерите на одбраната а тоа е блокада и враќање на почеток на ова судење што трае две години. Во оваа ситуација вели Рустеми, без “карта во ракав” се и Обвинителство и судот.
Сопственикот на Космос, Фијат Цаноски, за чие рушење се води оваа постапка се сомнева во притисоци зад оставката на поротничката, но се надева дека судот побргу ќе ја заврши постапката.
Турбуленциите со судењето за овој случај започнаа пред истекот на мандатот на поротничката а кулминираа со медиумските преписки помеѓу адвокатите и судот и нејзината прва оставка по што Кривичен и понуди заштита. За незаконското според обвинителството, уривање на Космос обвинети се екс градоначалникот на Гази Баба Тони Трајковски, кој денеска не се појави во судница бидејќи не добил покана, вработени во Општината, поранешниот министер Миле Јанакиески, и поранешниот премиер во бегство Никола Груевски.