„ТехноАлпин“ го претстави планот за ски-центарот Попова Шапка, скијачка сезона од над 100 дена - Канал 5

Забава

„ТехноАлпин“ го претстави планот за ски-центарот Попова Шапка, скијачка сезона од над 100 дена

Станува збор за инвестиција вредна над 180 милиони евра.

„ТехноАлпин“ го претстави планот за ски-центарот Попова Шапка, скијачка сезона од над 100 дена

Скијачки патеки, системи за вештачки снег, сместувачки капацитети, паркинзи, ски-лифтови, жичари, угостителски објкети, како и планинарски домови, предвидува планот за разој на ски-центарот Попова Шапка, што денеска на прес-конференција го претстави компанијата „ТехноАлпин“, а е одобрен од Владата. Станува збор за инвестиција вредна над 180 милиони евра.

Инвестицијата треба да се реализира почнувајќи од 2023 година и ќе се спроведува во шест инвестициски фази, од кои првата изнесува речиси 55 милиони евра.

Претставникот на компанијата „ТехноАлпин“ Немања Џого истакна нивната цел е да привлечат повеќе туристи на Попова Шапка.

Тој посочи дека планираат да направат нови 16 скијачки патеки.

– Ако се развиваат нови ски патеки тогаш мора да да имаме и нови ски лифтови и нови жичари.

Вкупно сакаме да изградиме девет нови жичари, а на почетокот би направиле две од нив.

Во правата фаза би ги изградиле системите за вештачки снег, тие се навистина многу важни, сакаме тие да бидат целосно автоматизирани и да бидат поврзани со нашиот софтвер. Тоа е многу важно за ски-центрите затоа што планираме да работиме повеќе од 100 дена на Попова Шапка, а ако сакаме да го направиме тоа тогаш ни требаат системи за правање на вештачки снег за да можеме да гарантираме отворање на сезоната на почетокот на декември и затворање на крајот на март, истакна Џого.

Тој додаде дека исто така е потребна и набавка на ратраци. Во рамки на цела инвестиција се планирани седум нови ратраци, а во првата фаза планирана е набавка на два.

– За да правиме снег потребни ни се резервоари за вода, би инвестирале во два резервоари и за зимската сезона би ги користиеле за правање вештачки снег, а во летото ќе ги користиме како летни атракции, рече претставникот на „ТехноАлпин“.

Тој нагласи дека сакаат да инвестираат и во крос-кантри скијање и дека планираат да изградат 15 километри нови стази за крос-кантри.

– Важно е на клиентите да им се дадат повеќе можности за искористување на планината. Во првата фаза сакаме да изградиме два нови спа-хотели со четири ѕвезди, а вкупно да бидат четири во целиот проект, а сакаме да ги искористиме и постојните хотели. Исто така би имале и викендици, важно е за нас да ги имаме овие викендици и тие да бидат блиску до ски-центарот, сакаме да ги имаме тие стази за почетници коишто ќе бидат блиску до овие викендици. Исто така сакаме и два планинарски домови со 160 места. Би имале и пицерија, но изградба и на ресторан каде што ќе може да се зема храна за носење. Предвидени се и паркиниг места коишто сега ги има недоволно. Планираме три нови паркинзи како и улици коишто ќе водат до новите хотели, информираше Џого.

Тој додаде дека важно е тоа туристичко место освен во зимската сезона, да се користи и во летната, па поради тоа планираат да инвеситираат и во изградба на алпски жичарници кои што ќе бидат блиску до езерата како и во нови велосипедски патеки.

– Првата фаза е могу важна за нас, планираме да го изведеме тоа во периодот од 2023-2028 година, а потоа имаме уште шест фази, со што вкупно се седум фази за да се реновира целиот ски-центар Попова Шапка. Ќе имаме поврат на средствата само ако можеме да гарантираме повеќе од 100 денови за скијање, ако не ја достигнеме таа бројка тогаш може да го заборавиме повратот, тоа нема да функционира, нагласи Џого.

Министерот за животна средина и просторно планирање Насер Нуредини на прес-конференцијата во Влада наведе дека Попова Шапка е туристички центар во Република Северна Македонија што е лоциран на 1700 метри надморска височина, каде што постои можност за уживање во скијање и други зимски спортови на отворено за време на постудената сезона, како и уживање во класични летни планински спортови, благодарение на голем број патеки и планински патишта.

– Станува збор за прилично стар ски-ентар, каде првите основи започнале да се градат во текот на 50-те години од минатиот век, додека помеѓу 1970-тите и 1980-тите е изградена ски-зоната со ски-лифтови и патеки, како и првите хотели. За жал, повеќе од две децении не се инвестираше во модернизирањето на постоечките капацитети или проширување на сегашните, па поради истото, локалитетот во денешно време е застарен и заостанат, постојните ски-лифтови се застарени, нема систем за правење снег и последователно скијачката сезона е условена од временските прилики, односно, се скија само кога има обилни врнежи на снег, а скијачките патеки главно се поврзуваат без каква било адаптација на теренот, потенцираше Нуредини.

Министерот нагласи дека жичарата со градот Тетово повеќе не е употреблива и оти пристапот до ски-центарот сега е можен само со користење на возило.

Нуредини истакна дека поголемиот дел од хотелските капацитети се застарени, додека услугите поврзани со локалите за храна и пијалоци се малку достапни, а во високите планински делови нема планинарски домови.

Тој заклучи дека генерално туризмот на нашите планини, иако доживува позитивен тренд, има силна потреба од масовна преадаптација и реновирање на постоечките капацитети за да ги исполнат тековните стандарди за квалитет што ги бара пазарот, бидејќи, како што нагласи, без да го сторат тоа им прети опасност од исчезнување.

– Тргнувајќи од овие факти инициравме физибилити студија за проект за реновирање на ски-центарот Попова Шапка. Попова Шапка во едно минато време беше предизвик за врвни имиња на зимските спортови, но за жал долгогодишното неинвестирање доведе до сериозно заостанување и неискористеност на бројните можности и капацитети за развој на туризмот што го нуди овој планинарски локалитет високо вреднуван и на европско и на светско ниво. Големо задоволство беше што успеавме да добиеме сериозна понуда од страна на реномирана европска компанија од Јужен Тирол, „ТехноАлпин“ којашто е светски лидер во производство и инсталирање на системи за вештачки снег, признат експерт за дизајн на скијачки терени и скијачки зони, посочи Нуредини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Софија Монтенегро е непрепознатлива по борбата во Париз (Вознемирувачко видео)

Спектаклот на UFC во Париз донесе неколку возбудливи борби, но првата борба на вечерта заврши со сцени што ја загрижија публиката во „Акор Арена“. 

Софија Монтенегро е непрепознатлива по борбата во Париз (Вознемирувачко видео)

Аргентинката Софија Монтенегро претрпе тежок пораз во своето деби во најсилната ММА организација во светот, по што мораше да биде однесена во болница.

Монтенегро се вкрсти со домашната претставничка Делфин Беноа, која постигна импресивна победа во втората рунда пред француските навивачи. Крајот на борбата беше особено брутален, бидејќи Аргентинката претрпе голем број удари, претрпе неколку сериозни посекотини на лицето, а на крајот остана во несвест.

Почетокот на натпреварот не навестуваше таков исход. Монтенегро имаше добри моменти во размените на нозете, но Беноа постојано се обидуваше да ја намали дистанцата и да наметне високо темпо. Французинката, исто така, прими неколку чисти удари и ѝ искрвари носот, но продолжи да се движи напред, комбинирајќи удари со колена по телото.

Пресвртот се случи на средината од втората рунда. Беноа ја собори својата соперничка со моќна десна рака, а потоа веднаш ја следеше на земја. Таа успеа да заземе доминантна позиција „полна подигната“, од каде што следеше жестока серија лакти и удари.

Лицето на Аргентинката набрзо беше покриено со крв, како и телото на нејзината противничка и подот од октагонот. Монтенегро се обиде да се одбрани и да се извлече од незгодната ситуација, но Беноа продолжи да напаѓа. Кога Аргентинката ѝ го сврте грбот, Французинката ја искористи можноста и се закачи со „гол задник“.

Монтенегро не сакаше да се предаде, поради што на крајот ја изгуби свеста. Судијата веднаш ја прекина борбата, додека медицинскиот тим влезе во октагонот за да ѝ пружи помош.

УФЦ објави по настанот дека Монтенегро е единствената учесничка во настанот која е испратена во болница на дополнителни прегледи. Поради претрпените посекотини и удари, како мерка на претпазливост е извршена КТ скенирање на нејзината глава и лице. Во тоа време немаше информации за сериозни повреди, ниту пак резултатите од прегледот беа јавно објавени. Кратко потоа се појави фотографија од Монтенегро од болницата, а подолу можете да видите како изгледало нејзиното лице по натпреварот и ужасното тепање.

Ве предупредуваме дека фотографијата содржи вознемирувачка содржина!

За Беноа, ова беше деби од соништата во UFC. Пред своите фанови, таа ја постигна својата осма професионална победа и ја оправда довербата на организацијата откако претходно стигна до полуфиналето на 34-тата сезона на „The Ultimate Fighter“.

Монтенегро дојде во UFC на прилично необичен начин. Иако загуби од Џајсла Чавез со поделена одлука на крајот од 2025 година на „Contender Series“, нивниот судир остави доволно силен впечаток за UFC да им понуди договори на двајцата борци. По поразот во Париз, нејзиниот професионален рекорд е 6-3, а ова беше нејзин втор неуспех по ред.

Аргентинката сега се соочува со закрепнување и дополнителни медицински прегледи, а нејзиното враќање на тренинзи и борби ќе зависи од проценката на медицинскиот тим.

Тагови: Париз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Сидни Свини се соблече гола за реклама- мислењата се поделени (ВИДЕО)

Сидни Свини повторно е во центарот на вниманието поради нова рекламна кампања во која се појавува целосно гола. 

Сидни Свини се соблече гола за реклама- мислењата се поделени (ВИДЕО)

Американската актерка сними реклама за платформата за спортски предвидувања Novig, а нејзиното тело е покриено само со спортски топки. Кампањата веднаш предизвика силни и поделени реакции на социјалните мрежи.

На некои луѓе им се допаѓа рекламата, други ја критикуваат

Во рекламата насловена како „Само спорт“, 28-годишната актерка позира гола додека игра различни спортови. „Мислиш дека знаеш спорт? Докажи го тоа“, вели Свини пред камерата. Кампањата беше објавена во среда на Инстаграм профилите на актерката и компанијата Novig, и тоа е прва промоција на оваа платформа наменета за лица над 21 година.

Иако многумина ја пофалија кампањата, дел од публиката изрази незадоволство. „Добро, те прекинувам да те следам, благодарам што ми ја олесни одлуката“, гласеше еден коментар. Друг корисник напиша: „Ја продавам својата душа на обложувалниците. Само твојот стил Сидни“. Некои се прашуваа зошто актерката постојано се промовира на таков начин: „Да, таа има брутално тело, но дали никогаш не се заморува од тоа што нејзиното тело се рекламира вака?“

Коментарите на Платформа X беа уште поостри. „Продажба на коцкање преку секс. Општеството се распаѓа пред нашите очи“, напиша еден корисник. Друг додаде: „Користење на секс за продажба на коцкање. Приказна стара колку светот“. Имаше и такви кои се сомневаа во автентичноста на снимката, а еден коментар гласеше: „Ако ова не е вештачка интелигенција, што по ѓаволите прави таа?“

Од друга страна, кампањата доби бројни пофалби. „Ова е најдобрата реклама во историјата на спортот и обложувањето“, е еден од позитивните коментари. „Ова е убедливо вашето најжешко снимање“, рече друг следбеник.

Некои коментираа за целната публика на актерката: „Таа точно знае кои се нејзините обожаватели!“, додека еден корисник заклучи: „Ова ме тера одеднаш да ги засакам сите спортови“. На Платформа X, некој забележа: „Нејзините реклами секогаш добиваат реакција“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Брисел ѝ испраќа итна помош на Шпанија поради мигрантската криза на Сеута

Европската комисија одобри итна помош од 114,7 милиони евра за Шпанија за справување со миграциската криза во Сеута, која трае од крајот на јули. 

Брисел ѝ испраќа итна помош на Шпанија поради мигрантската криза на Сеута

Во Брисел, тие го нарекуваат тој потег израз на солидарност со Шпанија, пишува Euronews.

Комисијата соопшти дека финансиската помош продолжува за нивниот итен одговор од почетокот на кризата, кога тие понудија оперативна и финансиска поддршка на Шпанија. „Оваа одлука уште еднаш ја потврдува нашата целосна солидарност со Шпанија во соочувањето со оваа тешка ситуација“, се вели во соопштението.

Средства за зајакнување на контролата

Парите доаѓаат од два извора: 82,7 милиони евра ќе бидат обезбедени од Фондот за азил, миграција и интеграција, а преостанатите 32 милиони евра од Инструментот за управување со границите и визите. Овие средства ќе го финансираат зајакнувањето на инфраструктурата за надзор на границите и безбедноста, вклучително и набавка на термички камери, системи за следење, бови и подводни дронови.

Помошта, исто така, ќе ги покрие трошоците за дополнителен персонал и опрема, изградба на објекти за регистрација на мигранти и поддршка за враќање на лица без дозвола за престој. Исто така, планирано е зајакнување на капацитетите за прием во градот, со посебен акцент на грижата за малолетници без придружба.

Поддршка од европските агенции

Брисел, исто така, го координираше вклучувањето на европските агенции. Фронтекс ја продолжува операцијата Минерва и е подготвен да ги прошири своите операции во Шпанија во текот на 2027 година. Европол соработува паралелно со шпанските безбедносни служби за истраги против мрежите за шверц.

Агенцијата за азил на ЕУ (EUAA) ќе обезбеди поддршка во постапките за интервјуирање на барателите на азил и за превод. Комисијата и агенциите ќе формираат заедничка координативна група со шпанските власти, а првиот состанок ќе се одржи веќе оваа недела.

По потпишувањето на договорот, Комисијата мора да плати до 80 проценти од одобрениот износ во рок од 30 дена. Одобрените средства можат да се користат и ретроактивно, за покривање на трошоците направени од почетокот на кризата.

Тагови: Сеута Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер