„Течно злато“ кое ја враќа младоликоста и го јакнее имунитетот - Канал 5

Здравје

„Течно злато“ кое ја враќа младоликоста и го јакнее имунитетот

Некогаш бил редовен на менито кај нашите баби, а сега е хит кај поборниците за здрава исхрана.

„Течно злато“ кое ја враќа младоликоста и го јакнее имунитетот

Знаеме дека пилешката супа е спас при настинка, а денес многумина ја пијат превентивно, по една шолја секое утро. Супата од коски последниве години сè почесто е на менито кај поборниците за здрав начин на живот.

Станува збор за нутритивно богата супа која се спрема од животински коски, најчесто пилешки или говедски, кои се варат од еден до четири часа за да се извлече колагенот, желатинот, аминокиселините и минералите.

Иако денес ова се почесто е нов велнес тренд, супата од коски е позната многу одамна. Препорачливо е освен коски во водата за супа да додадете месо, кожа, врзивно ткиво, како и ароматичен зеленчук, зачински билки и зачини.

Повеќето рецепти вклучуваат и оцет, кој помага во „извлекувањето“ на колагенот, кој го дава младешкиот изглед на кожата, како и минералите од коските. На социјалните мрежи овој напиток често е познат како „течно злато“.

Хидратација

Една од причините зошто се препорачува оваа супа во исхраната е нејзината содржина на електролити, како натриум, калиум, магнезиум... Таа ја одржува хидратацијата на организмот, па често е добар избор за лицата кои се занимаваат со спорт, или лица на кои им е потребен дополнителен енергетски поттик.

Извор на колаген кој лесно се апсорбира

Супата од коски се смета за извор на колаген со висока биорасположливост бидејќи се спрема од целосни состојки, што овозможува подобро впивање во телото.

Покрај тоа содржи состојки кои го поттикнуваат природното производство на колаген во организмот, на пример, аминокиселината глицин.

Придобивки за здравјето на цревата

Одредени аминокиселини присутни во супата од коски се поврзани со позитивен ефект врз системот за варење. Глутаминот, на пример, може да помогне во намалувањето на воспалителните процеси и јакнеење на цревната слузокожа, додека желатинот може да ја олесни апсорпцијата на одредени хранливи состојки.

Потенцијално јакнеење на имунитетот

Аминокиселините се основни градбени единици на протеините. Глицинот и аргининот се поврзуваат со намалување на воспаленијата, што допринесува за јакнеење на имуниот систем.

Како се подготвува супата од коски

Потребни се 1-1,5 кг пилешки или говедски коски, кои се ставаат во длабок сад, потоа се додава грубо исечкан зеленчук, морков, целер, кромид, како и зачински билки, како ловоров лист и мајчина душица. Сето ова се прелева со околу 3 литри вода, доволно за да се покријат коските, се додаваат 2 лажици оцет. Откако супата ќе проврие, се намалува температурата и се остава да крчка 4-5 часа. На крајот се процедува и се зачинува по вкус.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Гори саудиски танкер полн со нафта, погоден е со ракета

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети.

Гори саудиски танкер полн со нафта, погоден е со ракета

Јеменските Хути рано утринава соопштија дека извеле воена операција насочена кон два саудиски танкери за нафта, при што извештаите за поморска безбедност укажуваат дека еден од бродовите наведени од групата – танкерот „Енселија“ (Encelia) што плови под саудиско знаме – бил погоден во Црвеното Море.

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети, тврдејќи дека пловилата ја прекршиле поморската блокада наметната врз Саудиска Арабија од страна на група поврзана со Иран.

Извор од областа на поморската безбедност соопшти дека танкерот „Енселија“ испратил повик за помош, пријавувајќи дека бил погоден од ракета додека се наоѓал во близина на надворешните граници на саудиското пристаниште Џизан во Црвеното Море и дека се запалил.

Британската групација за управување со поморски ризици „Вангард“ (Vanguard) соопшти дека саудискиот танкер „Енселија“ (Encelia) бил погоден од проектил од непознато потекло на десната страна, на околу 70 наутички милји југозападно од Ал Шукаик во Саудиска Арабија, во 20:00 часот по Гринич (GMT).

Тагови: Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заседаваше кризниот штаб за надминување на состојбата во Гостивар

Кризниот штаб бара решение за обезбедување технички исправна вода во Гостивар. 

Заседаваше кризниот штаб за надминување на состојбата во Гостивар

Водата и натаму е небезбедна за употреба, а залихи ќе се обезбедуваат со цистерни од околните општини, но и од Куманово, Кавадарци и Неготино.

Кризниот штаб усвои и низа дополнителни мерки за заштита на здравјето на граѓаните на Гостивар.

Во меѓувреме продолжува да се испитува квалитетот на водата, а на помош се испратени и екипи од скопскиот водовод.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температура до 34 степени

Според Управата за хидрометеоролошки работи времето денеска ќе биде сончево, со мала до умерена локална облачност.

Сончево со температура до 34 степени

Ќе дува умерен, повремено засилен ветер од североисточен правец, особено долж Повардарието и во источните делови од земјата.

Утринските температури ќе се движат од 8 до 19 Целзиусови степени, додека максималните ќе достигнат од 24 до 34 степени.

Во Скопје ќе биде сончево со мала до умерена облачност, а ќе дува слаб до умерен северен ветер.

Утре под влијание на влажен бран се очекуваат повремени врнежи од дожд, кои локално ќе бидат пообилни и ќе надминат 15 литри на квадратен метар. Врнежите наместа ќе бидат проследени со грмежи и со засилен ветер, а температурите значително ќе опаднат.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер