„Татко, мајка, сестра, брат“ на Џим Џармуш го освои Златниот лав во Венеција - Канал 5

„Татко, мајка, сестра, брат“ на Џим Џармуш го освои Златниот лав во Венеција

Филмот „Татко, мајка, сестра, брат“ на независниот американски режисер Џим Џармуш ја освои престижната награда Златен лав на годинашното издание на Меѓународниот филмски фестивал во Венеција.

„Татко, мајка, сестра, брат“ на Џим Џармуш го освои Златниот лав во Венеција

Филмот „Татко, мајка, сестра, брат“ на независниот американски режисер Џим Џармуш ја освои престижната награда Златен лав на годинашното издание на Меѓународниот филмски фестивал во Венеција, иако многумина очекуваа главната награда да ја добие „Гласот на Хинд Раџаб“, филм за убиството на петгодишно палестинско девојче во Газа.

Филмот на Џармуш, поделен на три дела снимани во Њу Џерси, Даблин и Париз, се занимава со темите на семејството, стареењето и односите меѓу родителите и возрасните деца, со главни улоги на Том Вејтс, Адам Драјвер, Мајим Бјалик, Шарлот Ремплинг, Кејт Бланчет, Вики Крипс, Индија Мур и Лука Сабат. Иако доби претежно позитивни критики, не беше фаворит за главната награда.

„Гласот на Хинд Раџаб“ на Каутер Бен Ханија го освои Сребрениот лав за втор најдобар филм, додека специјалната награда на жирито му припадна на италијанскиот режисер Џанфранко Роси за лирскиот документарен филм за Неапол. Кинеската актерка Син Жилеи беше прогласена за најдобра актерка за улогата во филмот „Сонцето изгрева над сите нас“ на Каи Шангјун, додека италијанскиот актер Тони Сервило ја доби наградата за најдобар актер за улогата во „Ла Грација“ на Паоло Сорентино. Бени Сафди беше награден за најдобар режисер за биографскиот филм „Машина за разбивање“ со Емили Блант и Двејн Џонсон.

Наградите за најдобро сценарио ги добија Валери Донцели и Жил Маршан за драмата „На работа“, а швајцарската актерка Луна Ведлер ја доби наградата „Марчело Мастројани“ за млади актери за улогата во „Тивок пријател“.

Во категоријата „Хоризонти“, наградата за најдобар филм ја освои „На пат“ на Давид Паблос, додека Анупарна Рој беше наградена за режија за дебитантскиот филм „Песни на заборавеното дрво“.

На фестивалот беа видени и филмовите „Франкенштајн“ на Гиљермо дел Торо, „Без друг избор“ на Парк Чан-вук, „Куќа од динамит“ на Кетрин Бигелоу, „Бугонија“ на Јоргос Лантимос и „Волшебникот од Кремљ“ со Џуд Ло во улога на Владимир Путин.

Фестивалот, на кој беа прикажани над 70 филмови, беше одбележан со протести против војната во Газа и против учеството на одредени актери, како што беше случајот со израелската актерка Гал Гадот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Сидни Свини никогаш по провокативна

Жежок спектакл со  една од најубавите жани во Холивуд, актерката Сидни Свини.

Фото:  Сидни Свини никогаш по провокативна

Русокосата убавица се појави во десега најпровокативното издание.

Сидни Свини ја пречекува празничната сезона во мошне провокативно издание, кое повторно е дел од нејзината најнова колекција.

Актерката Сидни Свини позира облечена само во бела чипкана долна облека за новата кампања на нејзиниот бренд „Syrn“. Фотографиите, инспирирани од зимската магија, беа објавени како дел од серија фотографии на Инстаграм-профилот на нејзиниот бренд.

Сидни позираше пред снежна позадина, седејќи на црвен сатенски огртач со крзнени детали. Таа носи градник со прерамки околу вратот и соодветни гаќички со низок струк и исечоциа. Ова не е прва празнична колекција, но Сидни не сака да губи време.

„Првите снегулки во сезоната-заводничка“, стои во описот на објавата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Фатална српска пејачка во теретана: Утринско растегнување!!

Најфаталната Србинка го запали интернетот! Се појави „жежок“ материјал од атрактивната пејачка Теодора Џеферовиќ  – неверојатно е што прави оваа жена во теретана.

Фото: Фатална српска пејачка во теретана: Утринско растегнување!!

Сексапилната пејачка Теодора Џехверовиќ покажа како го започнува својот ден, а сцената од теретаната го привлече вниманието на нејзините следбеници.

Теодора очигледно не ги пропушта тренинзите, дури и кога станува збор за раните утрински часови.

На својот профил на Инстаграм таа објави видео од теретаната, на кое се гледа како напорно работи на својата форма и се посветува на вежбањето.

Таа носеше кафеав спортски комплет, составен од краток топ и тесен шорц, а вежбите ги изведуваше боса, во бели чорапи, со помош на спортски подлоги.

Покрај објавата, таа накратко напиша „Утринско растегнување“, придружено со емотикон на жена која медитира.

Пејачката уште еднаш покажа дека физичката активност е важен дел од нејзиното секојдневие, а судејќи според видеото, таа го започнува денот со вежбање и грижа за својот изглед и физичка подготвеност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вселенско летало по осум години стигна до Меркур

Вселенското летало „БепиКоломбо“ (BepiColombo) – заедничка европско-јапонска вселенска мисија – пристигна кај Меркур по патување кое траеше повеќе од осум години и сега е подготвено да влезе во неговата орбита, пренесува „Гардијан“. 

Вселенско летало по осум години стигна до Меркур

Мисијата „БепиКоломбо“ ќе стане втората во историјата што ќе орбитира околу оваа планета – најмалата во Сончевиот Систем – при што се планира мапирање на нејзината површина и проучување на нејзината внатрешност.

Целта на оваа мисија, вредна 1,6 милијарди евра, е да се утврди како Меркур се формирал толку блиску до Сонцето, зошто поседува магнетно поле, како и каков е составот на мразот скриен во кратерите на планетата кои се постојано во сенка.

Професорката Ема Банс од Универзитетот во Лестер, која работи на проектот веќе 20 години и е главен истражувач за инструментот „Спектрометар за рендгенско снимање на Меркур“ (MIXS) – дизајниран за анализа на геохемискиот состав на површината на планетата – ја опиша мисијата како „многу сложена и предизвикувачка“, на чија реализација се чекало долго време.

По влегувањето во орбитата на Меркур, MIXS ќе го анализира геохемискиот состав на површината на планетата; сепак, се очекува да поминат неколку месеци пред научниците да можат да започнат со набљудување на Меркур. На почетокот на декември, вселенското летало ќе се раздели на две орбитални единици – една европска и една јапонска – кои ќе маневрираат во посебни поларни орбити околу планетата.

Научните операции се планирани да започнат во април следната година. Европската сонда, „Орбитер за планетата Меркур“ (MPO), ќе ја мапира површината и составот на планетата во висока резолуција, истовремено проучувајќи ја внатрешноста на Меркур за да фрли светлина врз неговото необично големо јадро. Нејзиниот јапонски пандан ќе го мери магнетното поле на планетата и нејзината натриумова егзосфера – исклучително тенок слој од гас и атоми што ја опкружува планетата.

Иако Меркур е само 50 проценти поголем од Месечината, тој има четири пати поголема маса; едно од прашањата што мисијата ќе ги истражува е потеклото на оваа извонредно висока густина. Се очекува вселенските летала да кружат околу Меркур приближно три години, по што ќе останат без гориво, ќе изгубат височина и на крајот ќе удрат во површината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер