„Танго Компас“ како спој на класичната музика и џезот утревечер на Античкиот театар - Канал 5

Култура

„Танго Компас“ како спој на класичната музика и џезот утревечер на Античкиот театар

„Охридско лето“ и оваа година покрај класичната програма нуди и неколку програмски содржини предвидени за пошироката фестивалска публика, концерти што се атракција и ексклузивитет. Токму таков е проектот „Танго Компас“, со светски познатиот виолинист Стефан Миленковиќ и хармоникашот Марко Хатлак, што утревечер ќе биде изведен на Античкиот театар во Охрид.

„Танго Компас“ како спој на класичната музика и џезот утревечер на Античкиот театар

Како што појасни селекторката на музичката програма на „Охридско лето“ Гордана Јосифовска-Неделковска, проектот „Танго Компас“ изобилува со музички набој, пресек на танго музиката на старите мајстори, како Пјацола, се до модерни автори што создавале дела за овој ансамбл.

- Овој проект ќе понуди многу енергија, страст, врвни интерпретација, сето за големо уживање на фестивалската публика. И како најголем ексклузивитет на целиот овој проект е тоа што маестро Стефан Миленковиќ ќе можеме да го видиме и како врвен танчер, рече таа.

Миленковиќ истакна дека му недостасуваат зборови за да го изрази задоволството што е повторно во Охрид, дел од фестивалот „Охридско лето“.
- Едни од најраните и најубавите спомени ме врзуваат за Охрид. Уште како дете од некои осум, девет години, после моите настапи тука секогаш останувавме уште неколку денови на одмор. Звукот на брановите, овие планини, мирисот на скарата, вкусната пастрмка, се до прекрасните луѓе, сето тоа останало некако засекогаш во моето сеќавање, така што моето доаѓање тука претставува некако дел од мојот живот, враќање во детството, рече меѓу другото Миленковиќ на прес-конференција во Охрид.

Тој забележа дека неговото долгогодишно присуство тука е убаво, но претставува и одговорност, што подобро да се претстави пред овдешната публика.
- Овој проект е една нашата страст, нешто што ги комбинира нашите професии и животи, нашите животи инвидуално, но истовремено ги комбинира и нашите страсти во група... А истовремено настапувањето во група да остави простор за истражувања, да не е лимитирано и да не е стопроцентно традиционално изведувано. Некакво наше видување на тангото, како спој на енергија, страст, игра, рече тој.

Словенечкиот хармоникаш Хатлак од своја страна рече дека „Танго Компас“ претставува спој на врвни уметници, солисти.

- Тука сакавме да го споиме џезот и класичната музика, а тангото не е ниту едното, ниту другото, туку нешто помеѓу, притоа со доволно простор за импровизации. На репертоарот ќе бидат дела на стари мајстори, се до оригинални наши композиции, очекувам дека публиката тоа добро ќе го прифати, рече Хатлак.

Проектот „Танго Компас“ е дел од сите позначајни музички фестивали од типот на „Охридско лето“ во регионот и пошироко.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Ева Лонгорија укажува на проблем со кој се соочуваат милиони жени

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

Ријана откри дека во „сефот“ чува купишта нова музика, дури 170 необјавени песни

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Безос: „Можеме да стигнеме до Месечината за три дена“

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер