Шоу биз

Тајната на вечната младост на Рис Витерспун: Еве како актерката во 50-тата година изгледа како да има 20 години – детална програма

Рис Витерспун се прослави како Ел Вудс во филмот од 2001 година „Вистинска русокоса“ (Legally Blonde), кога имаше само 25 години. Речиси три децении подоцна, Рис Витерспун и понатаму изгледа младолико, иако веќе го прослави својот 50-ти роденден.

Еве детален увид во нејзините навики во исхраната, вежбање и нега на кожата.

Железна дисциплина

Кога станува збор за фитнесот, Рис е исклучително дисциплинирана и се обидува да вежба секој ден. „Вежбам секој ден и се хранам здраво, без разлика што се случува во мојот живот“, рече актерката. Дури и кога работи до доцна во ноќта, таа се грижи за својот ум и тело.

Нејзиниот личен тренер, Киршен Кац, открива дека режимот на актерката често започнува со лесно трчање од пет до осум километри. Потоа следат вежби за сила за горниот дел од телото, по што следи 30 минути јога. Вежбањето го завршува со вежби за дишење. Покрај фитнесот и јогата, Рис ја одржува формата со пешачење и играње пиклбол (популарен спорт сличен на тенисот).

Зелено смути кое „ги избелува белките на очите“

Исхраната на Рис Витерспун се базира на рамнотежа, а нејзиниот ден неизбежно започнува со зелен напиток. „Секое утро правам зелено смути. Ставам спанаќ, зелена салата, јаболко, круша, банана и цел лимон“, откри таа во еден подкаст.

Иако овој рецепт можеби не им звучи привлечно на многумина, Рис тврди дека го пие веќе 10 години и дека е одговорен за нејзината чиста кожа, силна коса, па дури и за „белките на очите“. Рецептот го добила од нејзината колешка Кери Вашингтон, која на една церемонија на доделување награди ја прашала на што се должи нејзината блескава кожа. Таа не додава суплементи во своите смутија, туку се потпира исклучиво на свежи состојки.

Диета без ригорозни диети

Рис не верува во екстремни диети. Нејзиното дневно мени обично изгледа вака:

11:00 часот: Ужина - јаболко со путер од кикирики.

Ручек: Салата од кељ со леќа или пилешко на скара.

16:00 часот: Чај и бисквити

Вечера: Пилешко или риба со темнозелен лиснат зеленчук.

Иако денес внимава што јаде, таа призна дека тоа не било секогаш случај. Бидејќи доаѓа од Нешвил, таа не ги разбирала основите на исхраната сè додека колегите не ѝ објасниле дека нема да може да издржи 15-часовен работен ден без доволно „гориво“. Сепак, си дозволува да погреши некои денови, па се препушта на пржен стек, тестенини или домашно топло чоколадо.

Нега на кожа

Актерката стана заштитно лице на брендот Biossance во 2021 година, а нејзините омилени производи вклучуваат масло од шипка, крема за околу очи со морски алги и серум со витамин Ц за блескав тен. Таа исто така е долгогодишен фан на брендот на Elizabeth Arden, чии пробиотски производи за чистење на организмот редовно ги користи.

Сепак, има еден чекор што Риз никогаш не го прескокнува, а тоа е кремата со заштитен фактор (SPF). „Многу зборуваме за кремите за сончање. Она што ќе го направите за вашата кожа во раните 20-ти години, се гледа подоцна во животот. Затоа нанесувањето крема зсо заштитен фактор двапати дневно е најважен дел од негата на кожата“, изјавила актерката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Помалку часовник, повеќе уметничко дело: Глечерите на Алјаска во вашите раце (ФОТО)

Францускиот луксузен бренд „Louis Vuitton“ претстави уникатен џебен часовник инспириран од глечерот Марџери во Алјаска.

Часовникот е направен како уникатно уметничко дело и нема да биде достапен за продажба. Наменет е исклучиво за одбрани колекционери кои нарачуваат вакви модели директно од производителот.

Дизајнот е инспириран од ледените пејзажи и дивиот свет на Националниот парк „Glacier Bay“. Бројчаникот содржи подвижни елементи во форма на пингвини, орки и китови, заедно со препознатливите куфери „Louis Vuitton“ кои дополнително го нагласуваат уметничкиот карактер на часовникот.

Компанијата нагласува дека ова е сосема уникатен примерок, направен само во еден примерок, поради што е повеќе колекционерско уметничко дело отколку класичен луксузен часовник.

Извор:Б92

Тагови: часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите потврдуваат: Имаме застрашувачко оружје

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти.

Нападите извршени од руските сили на 11 јули со оружје со долг дострел и висока прецизност врз воено-индустриските објекти во Киев ја потврдија способноста на руските вооружени сили сигурно да погодат какви било цели во Украина, соопшти руското Министерство за одбрана.

„Денешните успешни напади врз два објекти од воено-индустрискиот комплекс во Киев и инфраструктурата на морските пристаништа Одеса, Чорноморск и Измаил во регионот Одеса ја потврдија способноста на руските вооружени сили сигурно да погодат какви било цели низ цела Украина“, се вели во соопштението, според ТАСС.

Се вели дека анализата на употребата на оружје со висока прецизност од страна на руските вооружени сили ја потврдила способноста сигурно да ги пробијат системите за воздушна и ракетна одбрана „што му ги обезбедиле на Зеленски неговите западни спонзори“.

„Групни напади со прецизно оружје се извршуваат со висока ефикасност против украинските пристанишни објекти, како и разни бродови што испорачуваат оружје и воена опрема на режимот на Зеленски“, нагласи министерството.

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти претходно денес.

Според началникот на Воената администрација на градот Киев, Тимур Ткаченко, и градските власти, пријавени се штети во неколку делови од градот.

Тагови: оружје русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар во сендвичара во Центар (ВИДЕО)

Пожар избувнал вечерва во сендвичарата Бејкинг Бред во центарот на Скопје.

На местото на настанот интервенирале екипите на противпожарната бригада и МВР.

Се уште не е познато како настанал пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.