Првиот сведок, не издржа да сведочи до крај затоа што падна во несвест додека го испрашуваше специјалната обвинителка Фатиме Фетаи. Пред да биде однесен со возило на итната помош во болница, тој раскажуваше дека дента на езерото ловел риба со уште тројца негови пријатели.
Додека биле таму дошле четири момчиња и побарале леб како мамка за ловење риби по што си заминале. По некое време слушнал пукање по што тој и неговите пријатели се исплашиле и одлучиле да си одат дома. Откако се собрале со мотор трганале и по пат, раскажуваше сведокот, сретнале човек со автоматска пушка кој им рекол “бегајте, ќе ве убијам”.
Тие се исплашиле и при бегањето забележале четири тела како лежат на земја, но продолжиле накај своите домови.
Вториот сведок, рече дека откако се стемнило и се спакувале да си одат дома, прво видел темно големо воизло во кое имало човек кој седел на возачкото место. Откако го поминале возилото го виделе човекот кој им се заканил дека ќе ги убие. Според него, тој им рекол дека е од полиција и носел панцир на себе, а позади него стоеле три или четири лица.
По ова ги забележал четирите тела кои лежеле на земјата, но и едно сиво возило кое било со отворени врати. Сведоците за грозоморниот настан разбрале од вести на телевизија, а утредента биле повикани на разговор во полиција.
Адвокатот Насер Рауфи изјави дека во денешното седочење на сведоците нема некои отстапувања од претходните искази.
Во декември минатата година Врховниот суд ги укина пресудите и ослободи четворица од шесте обвинети. Останатите двајца, прво и второобвинетите се уште се недостапни за органите на прогон.