Спасени се четири лица кои залутаа по клисурата на Пчиња

Од опуштена викенд прошетка до велешко Кожле да се види атрактивниот „Стојков мост“ до пеколно искуство и неколку часовно извлекување по полноќ. 

Александра Спировска, искусен планиран кој ги искачил сите врвови во земјава, за Канал 5 ја раскажува драматичната вечер која таа со својот 7 годишен син и двајца пријатели ја поминале синоќа покрај реката Пчиња.

Природата знае да биде немилосрдна, стравот бил присутен вели таа, но прибраноста била клучна за безбедноста. Прво се соочиле со бујна вегетација кој им оставила траги, а со секој чекор планинските маркери се повеќе исчезнувале од пред нивните очи додека не стигнале до карпеста провалија, заробени во сите правци.

-По неколку часа одење сфативме дека не е тоа патот, се движевме многу полека, затоа што со нас беше и мојот 7 годишен син. Едно време наидовме на една провалија, немаше лево, немаше десно, немаше горе, само имаше надолу, опција да се вратиме назад не беше затоа што да се вратиш по вертикална карпа нагоре, треба да гребеш со раце и со нозе, Згора на се ако си симнувал надоле 4 часа значи нагоре ќе треба да одиш 8. Кога се симнавме долу на чистината, тука веќе ги поминавме најтешките саати, беше веќе ноќ, беше ладно, детето заспа кај мене во прегратка и си спиеше неколку часа.

Тука започнала комуникацијата со ЦУК и операцијата за извлекување, хеликоптер не бил опција, па неколку часовното спасување се одвивало со чамец. Храброста на тигрите и ургентноста директорот на ЦУК - Ангелов, вели Спировска беа од клучно значење.

-Стигна чамецот, крајно професионално си ја извршија задачата, секоја им чест, елеци за спасување ни дадоа, не облекоа во топла облека, ни дадоа вода, во чамецот имаше многу вода, заедно ја истуривме им асистиравме, влеговме во чамецот, безбедно не префрлија за една минута на другата страна од реката Пчиња и тука не заврши авантурата, туку имаше уште еден час качување, пак планински предел за да стигнеме до нашето возило. Детето, еден од тигрите го носеше на ушка, бескрајно сум и благодарна, бидејќи беше преморен и му се спиеше. Стојанче Ангелов исто така со нас пешачеше до горе.

Ангелов вели дека задачата пред нив воопшто не била лесна, со бројни препреки и напори сепак успеале да стигнат до четирите лица.

-Се работи за исклучително стрмно место, затоа што местото на кое што се спуштивме за да бидеме спротивно од лицата кои што беа заглавени е многу стрмно би рекол повеќе од 70 степени, со гршушки со трња, исклучтелно тешко пробивање. Спасувачите со гумениот чамец се обидуваа да дојдат но имаа многу препреки, на неколку места морале да скокаат во водата за да успеат со чамецот да ги совладаат препреките.

Запалка, мобилен со полна батерија, рачно ноже и да се оди со водич и да се следат обележаните планински патеки се најбитните работи кога се оди на планински места, вели Ангелов, а и тој и Спировска се едногласно дека ГПС не треба да се користи на такви места, оти дополнително може да ја искомплицира работата. Најдобро е да се застане на безбедно и да се чекаат екипите за извлекување.

Видео: Унгарската фудбалска федерација се огласи за тешко повредениот репрезентативец

Фудбалскиот сојуз на Унгарија ја објави состојбата на Барнабас Варга, кој се здоби со тешка повреда на натпреварот против Шкотска на ЕУРО 2024.

Варга се повреди при судир со голманот на Шкотска Ангус Ган во 68. минута од натпреварот, а по тој судир Варга остана без свест.

Нему му била укажана помош на неколку минути, по што бил изнесен на носилки, опкружен со пехарници.

„Состојбата на Барнабас Варга е стабилна. Фудбалерот на Ференцварош моментално се наоѓа во болница во Штутгарт. Доколку има некаква вест за неговиот статус, веднаш ќе ве известиме“, соопштија од Унгарската фудбалска федерација.

Унгарија инаку на крајот го доби мечот од 3 коло во групата А и ги задржа шансите за пламсна во следната рунда. Шкотска е победена со голот на Кевин Чобот во 100. минута од натпреварот.

Градоначалникот Ѓорѓиевски на терен со екипите за расчистување на штетите по невремето

Градоначалникот Орце Ѓорѓиевски и екипите за расчистување на теренот по големото невреме што го зафати Скопје, а не ја поштеди ни општина Кисела Вода, вечерва активно работат на санација на штетите.

Како што истакна, немало премногу повици за интервенција, но секаде каде што е побарана помош, се реагира веднаш. Ги извести граѓаните дека и тој и екипите стануваат на терен и дека сите кои имаат проблем можат да го пријават на телефонските броеви 071391250 и 070259942.

-Драчево и околината на Кисела Вода денес ги зафати силно невреме проследено со обилни врнежи од град кои направија штета. Не голема, но доволно за интервенција. За среќа, имавме многу малку повици за поплавени домови и неколку паднати дрвја, каде што веднаш интервениравме!

За жал, не можеме да ги спречиме временските непогоди но можеме да бидеме рака под рака со граѓаните и заедно да го поминеме ова. Да ги санираме штетите и да делуваме таму каде што е најпотребно. Заедно со екипите сме на терен.

Сите служби се на располагање, вклучувајќи ме и мене и ве повикувам сите кои имате било каков проблем и потреба да се јавите на:

071391250 и 070259942-изјави градоначалникот Орце Ѓорѓиевски.

Христијан Мицкоски - претседател на Владата

Лидерот на ВМРО-ДПМНЕ Христијан Мицкоски, кој ќе ја предводи новата Влада, е роден во Скопје на 29.09.1977 година.

Мицкоски е на чело на ВМРО-ДПМНЕ од декември 2017 година.

Дипломирал, магистрирал и докторирал на Машински факултет во Скопје

Во периодот 2016-2017 година бил генерален директор и претседател на УО на АД Електрани на Македонија, а од 2015 до 2017 бил советник на Претседателот на Владата на Република Македонија за енергетика.

Од 2019 година е редовен професор на Машинскиот факултет во Скопје, а претходно бил вонреден професор, доцент, асистент и помлад асистент. Во 2021 и 2012 година работел во ФОНКО клима како главен и одговорен проектант на термотехнички инсталации.

Има објавено 35 меѓународни публикации и научни трудови, како и десетина домашни, автор е на триесеттина стручни апликации, а учествувал и во неклку меѓународни, развојни и научно-истражувачки проекти.

Добитник е шест меѓународни домашни признанија и награди.

Од компјутерски вештини познава AutoCAD, MATLAB/Simulink, Microsoft Visual C++.

Мајчин јазик му е македонскиот, а англискиот го познава одлично, а италијанскиот добро.

притисни ентер