Има ли поголем доказ зошто не се спроведувата реформи во правосудството?

Се потврди сѐ.

Зад игрите со предметот „Талир 2“ стои сценарио за да се спречи конфискацијата на криминално стекнатиот имот на ВМРО и да се спаси Никола Груевски.

Поранешната обвинителка Ленче Ристовска откри шокатни детали дека предметот бил одложуван и развлекуван.

Обвинителството не се спротивставило ниту кога ВМРО побарало одлагање на рочиште иако нивното присуство не било законски задолжително.

Сите овие одлагања довеле предметот да влезе во рокови што практично не му оставаат време на Апелациониот суд мериторно да одлучува.

Ова се исклучително сериозни обвинувања од обвинителката која со години го водеше предметот. Ова е вистината.

Дополнително, и самата судијка што го водеше предметот укажа на недоследности кај Обвинителството и на тоа дека ново назначениот обвинител не го прилагодил обвинението по измените на Кривичниот законик.

Сѐ е јасно како ден.

Ете како контролиранаото судство на Мицкоски ја спречи конфискацијата на имотот на ВМРО и го спаси Никола Груевски.

Затоа Ристовска беше тргната од предметите и ѝ беа одземени овластувањата. Јавно беа таргетирани судии и обвинители кои работеа на „Талир 1“ и „Талир 2“.

Власта го смени јавниот обвинител, постави обвинителка од тефтерчето на Сашо Мијалков, позната од бомбите. Менуваше и назначуваше судии блиски до власта и до Мицкоски.

Мицкоски јавно им делеше задачи на обвинители и судии од собраниската говорница, преку телевизија и преку телефон.

Еве го денес резултатот од таквото партизирано правосудство.

Никола Груевски е спасен од одговорност, а криминално стекнатиот имот на ВМРО повторно е во рацете на партијата.

Оваа пресуда е дело на контролираното правосудство од Христијан Мицкоски и најсилен доказ дека кога ВМРО ја контролира државата, нема правда, судството не им служи на граѓаните, туку за спас на криминалот на власта.

Прес конференција на СДСМ, Богданка Кузеска – портпаролка и членка на Извршниот одбор

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Финалниот натпревар во Њу Џерси меѓу Шпанија и Аргентина е закажан за в недела во 21:00 часот, но се чини дека можеби нема да биде така.

Светското првенство се ближи кон самиот крај; остануваат уште само два натпревара.

Сепак, временската прогноза им создава сериозни проблеми на организаторите. Финалето треба да започне во 15:00 часот по локално време, при температура од околу 28 степени, но метеоролозите најавуваат грмотевици.

Според безбедносните правила што важат во САД, доколку гром удри во радиус од 13 километри од стадионот, натпреварот мора да се прекине најмалку 30 минути.

Вакво сценарио веќе беше видено на ова Светско првенство – почетокот на второто полувреме од натпреварот меѓу Франција и Ирак, како и почетокот на натпреварот меѓу Мексико и Англија, беа одложени за речиси еден час токму поради временските услови.

Во случај временските услови да бидат уште понеповолни, не се исклучува можноста за промена на датумот на финалето, што би претставувало голем организациски и финансиски удар за ФИФА.

Покрај дополнителните трошоци за организацијата, би настанале и проблеми за телевизиските куќи што го резервирале терминот со најголема гледаност, како и за спонзорите и комерцијалните партнери на финалниот натпревар на турнирот.

Доколку финалето навистина се одложи, тоа би бил преседан - прв пат во историјата на Светското првенство натпреварот за титулата да не се одржи на закажаниот датум.

Контроверзиите околу ова Мундијал се веќе бројни, од проширениот формат на натпреварувањето до продолжената пауза помеѓу полувремињата поради музичкиот спектакл, а евентуалното одложување на финалето само дополнително би го зајакнало впечатокот дека крајот на турнирот е далеку од идеален.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Провидна е играта на опозицијата.

СДС, Левица и ДУИ на следниот изборен циклус сакаат да се претстават како жртви и оштетени, затоа и не се донесе Изборниот законик.

Стравот од поразот на изборите кој е повеќе од евидентен, направи овие три политички партии да се здружат и да го блокираат еден од најважните закони за политичките партии.

Иако како никогаш досега имаше простор за консензус и слух од Владата, тие одбраа опструкции.

Иако како никогаш досега, имаат партија на власт која им вели договорете се што сакате и токму тоа ќе ви биде прифатено, тие тоа го одбија.

Европските функционери велат Македонија е лидер во Реформската агенда и ќе добие најмногу финансиски средства од Планот за раст токму поради испорака на реформи, истите повикаа и на консензус од сите политички партии за носење на Изборниот законик, меѓутоа СДС, Левица и ДУИ одлучија да го блокираат напредокот на државата.

Прочитани се и оваа политика на жртва нема да им помине.

Валентин Манасиевски, портпарол на ВМРО-ДПМНЕ

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.