Македонија

Со кои кандидати партиите ќе „трчаат“ на локалните избори?

Од 25 кандидати за градоначалници кои ја добија довербата од Мицкоски и партискиот врв ВМРО-ДПМНЕ во првиот круг, 22-ца веќе ги водат нивните општини во изминативе четири години.

Од 25 кандидати за градоначалници кои ја добија довербата од Мицкоски и партискиот врв ВМРО-ДПМНЕ во првиот круг, 22-ца веќе ги водат нивните општини во изминативе четири години, додека тројца кандидати се за општините Чучер Сандево, Делчево и Берово, каде ВМРО-ДПМНЕ не е на власт, туку коалицијата на СДСМ.

Во поголемите општини за нов мандат од ВМРО-ДПМНЕ ќе се борат досегашните градоначалници: во Охрид - Кирил Пецаков, во Штип - Иван Јорданов, во Битола - Тони Коњановски, во Велес - Марко Колев, во Општина Кавадарци - Митко Јанчев, во Гевгелија - Андон Сарамандов. Од скопските општини, шанса за втор мандат добија актуелните градоначалници на Аеродром, Дејан Митески, Бутел, Дарко Костовски и Ѓорче Петров, Александар Стојкоски. Со актуелни градоначалници ВМРО-ДПМНЕ ќе се бори за локалната власт и во повеќе од десетина помали општини:

Во владејачката партија се уште се размислува со кој адут ќе настапат за градоначалник на град Скопје. Во игра се повеќе имиња, а како фаворити за таа позиција досега се споменуваа министерот за локална, Златко Перински, и градоначалниците, Орце Ѓорѓиевски и Бобан Стефковски.

Неизвесно останува и дали ВМРО-ДПМНЕ ќе го поддржи лидерот на коалицискиот партнер ЗНАМ, Максим Димититриевски, за уште еден мандат во Куманово или ќе оди со свој кандидат. Во тие калкулации е и кандидатот за општина Центар – дали ќе биде на ВМРО-ДПМНЕ или ЗНАМ или можеби ќе поддржат независен кандидат.

За Центар како можна независна кандидатка се споменува поранешната пратеничка и советничка во град Скопје од СДСМ Софија Куновска, која во вчерашната „Само вистина“ потврди дека има поддршка од дел од жителите на општината, но се уште нема донесено конечна одлука.

-Точно е дека има шпекулации за моја кандидатура, точно е дека има силен притисок од граѓаните на општина Центар да бидам нивни кандидат, но доколку тоа се случи, тоа би била независна кандидатура, бидејќи јас од 2016 година, откако го пасифизирав моето членство во СДСМ, останува социјалдемократ по убедување, но делувам како независен граѓанин. – Доколку некоја партија или коалиција реши да ве поддржи дали тоа би го прифатиле? – Не можам да му забранам никому, но мојата кандидатура би била независна, изјави Куновска.

Ниту од СДСМ, ниту од ДУИ не добивме одговор кога планираат да ги објават имињата на нивните градоначалнички кандидати и дали на листите ќе се најдат позвучни имиња.

Засега од СДСМ се извесни кандидатурите на актуелните градоначалници - Горан Герасимовски за Општина Центар и на Томе Христоски за Крушево, а можно е поддршка за уште една изборна трка да добие актуелниот градоначалник на Крива Палнка, Сашко Митовски.

Тагови: градоначалник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Израел и Либан постигнаа договор за прекин на војната под два услова

Израел и Либан постигнаа договор за прекин на огнот со цел прекин на непријателствата, објави администрацијата на Трамп.

Со тоа, САД се стремат да отстранат една од најголемите пречки во постигнувањето поширок договор за прекин на војната со Иран.

Во заедничка изјава објавена од американскиот Стејт департмент по преговорите во Вашингтон, се наведува дека прекинот на огнот меѓу Израел и Либан е условен од целосен прекин на огнот од страна на Хезболах, милиција поврзана со Иран, и евакуација на сите нејзини оперативци од југот на земјата.

Двете страни, кои немаат формални дипломатски односи, се согласија и за создавање „пилотски зони“ во кои либанските вооружени сили ќе „преземат ексклузивна контрола врз територијата, исклучувајќи ги сите недржавни актери“.

Израел и Либан објавија заедничка изјава за договорот за прекин на огнот постигнат со посредство на САД. Документот ги поставува темелите за смирување на ситуацијата на терен и продолжување на преговорите. Според соопштението, двете страни се обврзале на брзо воспоставување пилотски зони. „Двете страни, под водство на САД, се согласија дека брзо ќе започнат со воспоставување пилотски зони во кои либанските вооружени сили ќе ја преземат ексклузивната контрола врз територијата, без присуство на какви било недржавни актери“, се наведува во договорот. Беше разјаснето дека „недржавни актери“ се однесува на Хезболах, милитантна група поддржана од Иран, која со години е дестабилизирачки фактор во Либан и честа цел на израелски напади. Договорот, исто така, содржи обврска за иднината. „Израел и Либан потврдија дека немаат непријателски намери еден кон друг и се обврзаа да продолжат со директните преговори за градење доверба, решавање на сите преостанати прашања и постигнување сеопфатен договор меѓу двете земји“, се вели во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Бутел и Карпош денеска без струја

Од ЕВН Македонија АД известуваат дека денеска без електрична енергија ќе останат:

– во периодот од 08.00 до 12.00 часот, корисниците од улицата Костурска ,ул. Тале Христов Слога, Клиника ВФВ и Санте плус 3, општина Бутел;

– во периодот од 09.00 до 14.00 часот, корисниците од улица Франце Прешер околу објект 141, општина Карпош;

– во периодот од 12.00 до 14.00 часот, корисниците од Бул. Босна и Херцеговина и ул.Боро Менков, општина Бутел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремен дожд и грмежи

Времето денеска ќе биде променливо облачно со повремени врнежи од дожд, локално проследени со грмежи.

Наместа процесите ќе бидат поинтензивни во форма на невреме со пообилен пороен дожд (20 литри на метар квадратен), електрични празнења, силен ветер и појава на град. Минималната температура ќе биде во интервал од 9 до 16, а максималната ќе достигне од 21 до 29 степени, информира Управата за хидрометеоролошки работи (УХМР).

Во Скопје, променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и изолирана појава на град. Минималната температура ќе се спушти до 14, а максималната ќе достигне до 27 степени.

– Во следните денови ќе се задржи променливо облачно време со сончеви периоди во текот на денот. В сабота и в понеделник повторно се очекуваат поинтензивни процеси со пообилен пороен дожд, грмежи, засилен ветер и локално невреме – најави УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.