„Сирена“ остана на дното на аквариумот, сите мислат дека е дел од шоуто (Вознемирувачко видео) - Канал 5

Живот

„Сирена“ остана на дното на аквариумот, сите мислат дека е дел од шоуто (Вознемирувачко видео)

Вознемирувачка снимка од девојка во костим на сирена како забавува гости пред одеднаш да ја изгуби свеста во аквариум во покраината Шанкси кружи на кинеските социјални мрежи.

„Сирена“ остана на дното на аквариумот, сите мислат дека е дел од шоуто (Вознемирувачко видео)

Локалните медиуми објавија дека таа останала под вода најмалку 20 секунди пред еден член на персоналот да скокне во базенот и да ја извлече. Никој не реагирал на почетокот, бидејќи мислеле дека тоа е дел од шоуто на сирената.

Лекувана во болница

Вознемирувачката снимка прикажува несреќна девојка во несвест, згрчена на дното на аквариум, а потоа маж ја влече на површината.

Таа била однесена во болница, а службениците од забавниот парк ги информирале властите дека таа „се онесвестила поради хипогликемија“, објави „Глобал тајмс“.

Предупредуваме дека следното видео може да биде вознемирувачко за некои гледачи!

Инспекција на сите паркови

Снимки од болницата се појавија на кинеските мрежи. Може да се види девојка во кревет, како дише со респиратор, но е свесна. Нејзината состојба е сериозна, но нејзиниот живот не е во опасност.

Таа ќе остане во болница, бидејќи постои страв од инфекција на белите дробови откако вдишала одредена количина вода од базенот.

Забавниот парк во Шанкси ги прекинал активностите поради инспекција за безбедност и загриженоста на јавноста. Во исто време, властите наредија инспекција на сите паркови каде што се организираат слични претстави, фокусирајќи се на подготвеноста на спасувачите, здравствената заштита и проверките на опремата.

Тагови: сирена аквариум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голем пожар во Германија, евакуирани околу 1.800 луѓе

Германските власти наредија евакуација на околу 1.800 луѓе рано утринава, откако шумски пожар во западниот дел на земјата се прошири кон село во близина на белгиската граница, пренесува Ројтерс.

Голем пожар во Германија, евакуирани околу 1.800 луѓе

Во соопштението објавено во 4:00 часот наутро, општинските власти им наложија на жителите на селото Гај (Gey) веднаш да ги напуштат своите домови.

Тие беа упатени кон прифатниот центар организиран во основното училиште во блискиот град Страс (Strass) и замолени со себе да ги земат само најнеопходните работи, личните документи и потребните лекови.

Во четвртокот, надлежните потврдија дека е започната голема интервенција поради пожар што зафати околу 25 хектари од блиската шума. Пожарникарите и службите за итни интервенции се обидуваат да го стават пожарот под контрола, а патот Б399 во тој дел е затворен за сообраќај.

Метеоролозите предупредуваат дека големи делови од Германија се соочуваат со суша и висок ризик од шумски пожари. Европа е континентот што најбрзо се загрева во светот и оваа година се соочува со невообичаено интензивна сезона на пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

14 хоспитализирани, а изгорени се куќи и автомобили во Хрватска кај Омиш

Хрватското крајбрежје кај градот Омиш се соочува со пожари.

14 хоспитализирани, а изгорени се куќи и автомобили во Хрватска кај Омиш

36 лица биле примени во сплитската болница ,а 14 лица се хоспитализирани, изгорени се куќи и автомобили.

Пожарот што избувна во Локва Рогозница синоќа се прошири и во градот Омиш.

Неколку стотици луѓе се евакуирани, а за жал повредени се и локални жители и пожарникари. Информации пристигнуваат и од терен за изгорени куќи и автомобили. Пристигнуваат и канадери за да им помогнат на исцрпените противпожарни екипи.изгорената површина се проценува помеѓу 900 и 1000 хектари.

Во текот на ноќта, пожарот, носен од силни ветрови, се проширил сè до Омиш.

Во еден момент, пожарот се приближил на 50 метри од центарот на градот. Некои делови од градот останале и без електрична енергија.

Нема информации дали има македонски граѓани затеканати во градот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од денеска се очекува укинување на забраната за пиење вода во Гостивар

Гостиварци извесно е дека од денеска ќе имаат безбедна  вода од градскиот водовод. Третото тестирање на водата, по претходните две задоволителни лабораториски анализи, покажувало значително подобрување на физичко-хемиските и микробиолошките пар

Од денеска се очекува укинување на забраната за пиење вода во Гостивар

Од локалниот кризен штаб за Канал 5 вчера потврдија дека до примероците земени вчера се добри и доколку резултатите ја потврдат исправноста на водата, се очекува денеска да биде укината забраната за нејзино користење за пиење.-трите лабаратории земале мостри на секои 12 часа.

Резултатите што ги добиле се добри, и покажале дека водата е исправна според физичките, хемиските и микробиолошките параметри. Се очекуваат уште едни резултати.

Од кризниот штаб апелираат граѓаните да не брзаат со користењето на водата за пиење сè додека не добијат официјално зелено светло од институтот за јавно здравје и агенцијата за храна и ветеринарство дека водата е безбедна за употреба.

Тагови: вода за пиење Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер