Живот

„Шицуке“ - јапонски начин на воспитување, учење дисциплина и бонтон и стекнување добри навики

„Шицуке“ е јапонски поим за учење, дисциплина, воспитување, бонтон, стекнување добри навики.

Јапонската детска дисциплина „Нобуко Учида“ објаснува дека „шицуке“ е практика и правила коишто им помагаат на децата да се развиваат и движат, од наметнатите правила, кон развиената рутина и социјални вештини. Овој стил на воспитание се јавува во секојдневното родителство и во пошироките културни практики.

Всушност, „Учида“ нагласува дека целта е детето однапред да се подготви, а потоа постепено се отстранува контролата од возрасните, додека помладиот или помладата се учи на самостојност, пишува „Тајмс оф Индија“.

Со други зборови, „шицуке“ е идеја за родителство што нагласува сочувствено, но доследно учење на дневните рутини и постепено усвојување на општествените норми.

Литературата за свесно родителство, семејни рутини и програми за родителство покажува дека оваа комбинација им помага на родителите подобро да се прилагодат, да го намалат родителскиот стрес и да го подобрат однесувањето, додека строгата контрола или недоволното присуство не придонесуваат за тоа. Свесното родителство значи дека родителите намерно го насочуваат своето внимание на својот однос со детето, при што родителите одговараат смирено, наместо да реагираат во афект, и така го регулираат сопствениот стрес, за да можат да бидат корисни учители на своите деца. Родителската внимателност, во таа смисла, поддржува подобар однос родител - дете, ја намалува острата реакција и напнатоста во односите и го подобрува квалитетот на дисциплината и корегулацијата.

Кога родителите ќе ги спојат редовните, смирени рутини на „шицуке“ со внимателност, тие обезбедуваат здрави рамки и безбедност во односот коишто им се потребни на децата за да развијат општествено прифатливи навики.

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Народна банка ја задржа основната каматна стапка на 4,25%, бележи повисока побарувачка на девизи

Народната банка ја задржа основната каматна стапка на нивото од 4,25% со оценка дека тоа ќе придонесе за стабилност на денарот во однос на еврото, стабилизирање на инфлацијата и зацврстување на инфлациските очекувања.

Од централната банка посочуваат дека движењата на девизниот пазар се стабилни, при што во периодот јули ̶ август, народната банка интервенира со откуп на девизи.

„Сепак, и натаму има повисока побарувачка на девизи од корпоративниот сектор, делумно како резултат и на повисоките цени на енергенсите“, велат од НБ.

Годишната стапка на инфлација се задржува на умерено ниво од 2,6%, но во август беа видливи ефектите од растот на светските цени на енергенсите врз домашната инфлација, соопшти нбрм и оцени дека сѐ уште е рано за да се потврди одржливоста на трендот на забавување на инфлацијата, особено имајќи го предвид високиот степен на неизвесност во надворешното окружување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОН во Скопје ќе го поддржи Министерството за односи меѓу заедниците во спроведувањето на неговата Стратегија

Организацијата на Обединетите нации во Скопје ќе го поддржи Министерството за односи меѓу заедниците во спроведувањето на неговата Стратегија.

Организацијата на Обединетите нации во Скопје ќе го поддржи Министерството за односи меѓу заедниците во спроведувањето на неговата Стратегија, со фокус на зајакнувањето на социјалната кохезија, инклузијата и креирањето јавни политики засновани на конкретни податоци и докази.

Ова беше во фокусот на состанокот за соработка и размена на идеи, кој се одржа во канцелариите на ОН во Скопје, на кој учествуваа претставничките Лаура Фиорото и Ардита Зекири, како и Шпенд Мурати, шеф на Кабинетот на министерот за односи меѓу заедниците, Агoн Ферати, заедно со претставниците на Министерството, Суеда Бајрами и Џелал Чајани.

За време на состанокот беа разгледани можностите за поддршка на Министерството во спроведувањето на неговата Стратегија, преку користење на истражувањата, податоците и анализите како основа за креирање и спроведување на поефективни политики. Во таа насока, акцентот беше ставен на зајакнувањето на социјалната кохезија и создавањето посилни, по инклузивни и поотпорни заедници.

Една од главните теми на разговорот беше SCORE Social Cohesion Survey, кој обезбедува значајни податоци и сознанија за факторите кои влијаат врз социјалната кохезија, односите меѓу заедниците и предизвиците со кои се соочува општеството.

На состанокот беше истакнато дека податоците и резултатите од истражувањата треба да служат како основа за конкретни активности и јавни политики. Таквиот пристап овозможува спроведувањето на Стратегијата на Министерството да биде повеќе насочено кон реалните потреби на граѓаните, да се темели на докази и да обезбедува мерливи резултати.

Тагови: ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Дервишова: Mатичните доктори даваат поддршка за контролите во боледувањето, но бараат регионални болници

Здружението на приватни матични лекари ги поддржуваат предлозите на ФЗОМ за измени на правилата за боледување, но и поголема контрола на тие што земаат лажни боледувања.

Лилија Чолакова Дервишова претседател на здружението објаснува дека и матичните лекари во фондот кажале дека се соочуваат со големи притисоци за давање на боледување.

„Има често бараат боледување за патување да се видат постарите со децата од странство. Не им даваме и одма не отпишуваат од кај тој матичен доктор. И фондот треба да провеи зошто некои пациенти често менуваат матични доктори. Ние даваме поддршка и секако има луѓе кои се болни им треба боледување и испитување на здравјето. Но треба и работодавачите да им ги исполнуваат правата на работнците со денови од одмор, со цел да не прават злоупотреби“, изјави д-р Лилија Чолакова Дервишова- Здружение на приватни матични лекари.

Таа објаснува дека ги разбира пациентите кои бараат боледување до седум дена за да закажат прегледи и да отидат на преглед пред се за здравственити осигуреници од вантрешноста. Каде многу често мора да заминат до болниците во Скпоје бидејќи во останатите градови или има доктори има апарати, или има апарати нема доктори. Потребно е и повеќе термини во МОЈ ТЕРМИН за прегледи.

„Мора да има регионални центри. Не може за некои испитувања само во Скопје да се оди. Луѓето навистина не може да отидат на преглед. И мора доктори специјалсти да има во регонални центри“, потенцира д-р Лилија Чолакова Дервишова -Здружение на приватни матични лекари.

Во 2025 година вкупниот број на издадени права за боледување изнесува 33.184, што претставува зголемување во однос на минатата година. Вчера директорот на Фондот посочи дека ќе се зголемат контролите кај оние што се на долги боледување и барањата се најчесто од работадавачите. Само за август исплатени се 623 милиони денари, од кои 414 милиони се за трудничко боледување, посочи првиот човек на фонодот Златко Перински.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.