Шест знаци дека вашето дете им угодува на сите и како да му помогнете - Канал 5

Живот

Шест знаци дека вашето дете им угодува на сите и како да му помогнете

Љубезно и добро воспитано дете кое дели играчки, секогаш вели „те молам“ и „благодарам“ и ретко се расправа може да изгледа како сон на секој родител. Сепак, под таа фина надворешност може да се крие подлабок проблем - потреба да им угодува на други

Шест знаци дека вашето дете им угодува на сите и како да му помогнете

Ако вашето дете постојано ги става туѓите потреби пред своите, избегнува конфликти по секоја цена или е загрижено да не ги разочара другите, можеби научило да ги потиснува сопствените чувства за да заслужи одобрување. Во разговор со детски психолози, ги истраживме суптилните знаци на ова однесување, зошто се случува и како можете да му помогнете на вашето дете да изгради здрави граници без да ја изгуби својата природна емпатија, наведува Parents.

Зошто угодувањето на другите не е безoпасно

Кога децата постојано ги ставаат чувствата на другите луѓе пред своите, можат да изгубат контакт со сопствените потреби и желби. Со тек на време, може да поверуваат дека вредат само кога им се на услуга на другите или кога ги прават среќни.

Според психотерапевтите ваквите деца може да престанат да се залагаат за себе и се поподложни на манипулација зашто навикнале да угодуваат. Ако овој образец на однесување продолжи, во иднина може да доведе до вознемиреност, страв од неодобрување, стрес, емотивна исцрпеност или проблеми во односите, но и депресија.

Угодувањето на другите, може да доведе до ниска самодоверба, збунетост околу сопствениот идентитет и тешкотии при поставување здрави граници.

На зрела возраст може да имаат проблем со самодовербата, да бидат поранливи, да влезат во нездрава врска, давајќи ѝ предност на туѓата благосостојба на сопствена штета.

Знаци дека вашето дете им угодува на луѓето

Чувствува потреба да им угодува на другите за да добие потврда дека е прифатено, постојано се плаши да не направи грешка или презема вина за туѓите грешки, постојано бара одобрување или охрабрување, често прашува: „Дали го правам ова правилно?“, „Добро ли е ова?“ или „Дали ми се лутиш?“

Клучен знак е стравот од одбивање и неможноста да постави граници, дури и ако мора да направи нешто што не сака.

Овие деца често непотребно се извинуваат, имаат тешкотии да се заложат за себе и многу често ги следат групните активности.

Разликата е во тоа што овие деца не се обидуваат да бидат само љубезни; тие ги жртвуваат сопствените потреби заради некој друг, без разлика дали е врсник, наставник или родител.

Зошто некои деца им угодуваат на другите

Иако не постои единствена причина за ова однесување, експертите велат дека околината и воспитувањето играат голема улога. Кога децата се во средина што нагласува совршенство, тие може да почнат да се борат со исполнување на тие очекувања и да поставуваат нереални стандарди за себе. Ако околината е непредвидлива или нестабилна, некои деца учат дека несогласувањето може да биде опасно, па ги потиснуваат своите чувства за да избегнат конфликт.

Ова е особено точно за деца кои ја презеле улогата на родител и растат во средина во која родителите очекуваат децата да се грижат за нивните емоционални потреби.

Однесувањето може да се пренесува и низ генерациите. Иако не постои нешто како ген за угодување, студиите покажале дека спријателувањето е делумно под влијание на гените, а траумата може да создаде и епигенетски промени. Таквите деца имаат поголема тенденција да бидат чувствителни на туѓите чувства и може да се обидат да им угодуваат на другите на сопствена штета.

Како да му помогнете на вашето дете да постави здрави граници?

За овие деца учењето да поставуваат граници може да биде предизвик, но и да делува трансформативно. Бидете пример на детето за тоа како пристојно и одлучно да каже „не“. Вежбајте различни сценарија. Обрнете внимание кое однесување го наградувате. Наместо да ги фалите само кога ќе направат нешто за некој друг, пофалете ја нивната решителност и способност да се заземат за себе.

Потврдете го нивниот опсег на чувства и потсетете ги дека е во ред да бидат вознемирени и дека имаат безбеден простор да се изразат. Кажете им дека не мора непотребно да се извинуваат. Потсетете ги дека ги сакате безусловно, само за тоа кои се, а не за тоа колку среќни ги прават другите. Објаснете им дека сите правиме грешки и дека не мора да бидеме совршени за да заслужиме љубов.

Кога да побарате стручна помош

Секогаш е добра идеја да побарате стручна помош ако однесувањето на вашето дете е штетно за неговата самодоверба, дозволува злоупотреба, ги потиснува емоциите, или се извинува претерано. „Добриот терапевт може да му помогне да изгради самодоверба, да постави граници и да научи дека љубовта не се заслужува секогаш велејќи „да“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер