„Шехерезада“ и „Валпургиска ноќ“ на 17 и 24 јануари 2025

На 17 и 24 јануари 2025 со почеток во 20.00 часот на сцената на Националната опера и балет ќе се изведат балетските едночинки „Шехерезада“ и „Валпургиска ноќ“.

Еден од бисерите во балетската литература „Шехерезада“ од Н. Р. Корсаков, работен по мотивите на приказните од „Илјада и една ноќ“ ќе се изведе под диригентската палка на Бисера Чадловска, кореографијата е на познатиот балет-мајстор од Москва, Михаил Крапивин, со првична постановка на Михаил Фокин. Сценографијата е на Марија Ветероска, а костимите на Маја Бурсаќ од Србија, концерт-мајстор е Верица Ламбевска. Балетската приказна ќе ни ја раскажат: Наташа Трендафилова Гицев, Ивана Коцевска, Илијана Данилов, Франциско Хименес Руиз (Шпанија), Балаж Лочеи (Унгарија), Валери Љубенко (Украина).

Во вториот дел ќе се изведе едночинката „Валпургиска ноќ“ од Шарл Гуно. Диригент е Бисера Чадловска, кореографијата е на Михаил Лавровски, пренел и режирал, Јуриј Мјачин од Русија, сценографијата е на Илија Аризанов, а костимографијата на Изабела Поњавиќ, концерт-мајстор е Верица Ламбевска. Настапуваат: Марија Кичевска Шокаровска, Христина Наќевска Митрашиновиќ, Франциско Хименес Руиз (Шпанија), Балаж Лочеи (Унгарија), Валери Љубенко (Украина). Настапуваат првенци, истакнати солисти, солисти, балетскиот ансамбл и оркестарот на Националната опера и балет. „Валпургиска ноќ“ е всушност балетскиот дел од операта „Фауст“ на Шарл Гуно, и е првата премиера на Балетот на тогашниот Македонски народен театар (МНТ), која се извела на 27 јануари 1949 во кореографија на Ѓорѓи Македонски.

Негувателка во дом за стари во Германија се задоволувала и се снимала во кревети на штитениците

Негувателка (39) од Баварија снимала голи видеа во дом за стари лица, а да биде уште полоша, мастурбирала во креветите на пациентите.

Овој шокантен случај бил откриен благодарение на Јутјубер, а сега полицијата ги истражува новите наводи, пренесе ое24.at.

Меѓутоа, друг случај бил откриен во дом за стари лица во областа Бастеим каде оваа жена отишла уште подалеку.

Според истрагата, жената не само што се снимала гола, туку и се тркалала по креветите на жителите на домот и мастурбирала. После тоа, без да ги измие рацете, им делела храна на постарите лица.

Од полицијата потенцираат дека немало сексуални дејствија со станарите во домот. Сепак, жената е под истрага бидејќи несвесно снимила некои од жителите на домот во своите видеа.

Скандалот го открил Кевин Хартвиг ​​(31), Јутјубер кој покрива теми поврзани со нега и здравствена заштита. Членовите на неговата заедница му покажале клип што првично изгледал како сцена од филм. По извршената истрага, старечкиот дом е идентификуван и известен за случајот.

Кога случајот станал познат, жената го избришала својот еротски профил. Сепак, снимката веќе привлекла големо внимание. На едно од видеата се гледа жител на домот во инвалидска количка, додека на други се слушаат разговори меѓу постари лица.

Властите ја обвинуваат негувателката за нарушување на доверливоста на разговорите и неовластено снимање на луѓе во приватни простории. За овие дела е предвидена казна затвор до три години или парична казна. Таа добила и привремена забрана за работа.

Наставниците добиваат откази, никој не сака да работи- Образовниот систем во Британија во криза

Училишните одбори ширум Велика Британија објавија дека се принудени да го отпуштат наставниот кадар за да се избегнат финансиски загуби, и покрај ветувањата на лабуристичката влада дека ќе вработи 6.500 нови наставници.

Ова беше едно од главните ветувања откако лабуристите дојдоа на власт во јули минатата година, но образовните синдикати сега велат дека отпуштањата на училишниот персонал веќе започнале, пренесува Гардијан.

По повеќе од една деценија кратења на финансирањето на образованието под владата на ториевците, нема простор за отстапки, така што оваа болна мерка беше неопходна, пишува весникот.

Синдикатот на образованието предупредува дека доколку владата продолжи со планот да не финансира дополнително зголемување на платите на наставниците следната година, уште повеќе наставници ќе останат без работа.

Како што покажаа податоците објавени пред Божиќ, има сѐ помалку луѓе кои сакаат да се обучуваат за да станат наставници во основните и средните училишта.

Истовремено, тука е и проблемот со зголеменото трошење во образованието, при што секој четврти нововработен наставник останува на работното место помалку од три години, така што во 2023 година, за првпат, професијата ја напуштиле онолку наставници колку што почнале да работат во образовниот сектор, покажуваат статистичките податоци.

Училишните администратори стравуваат дека ситуацијата може дополнително да се влоши во зависност од зголемувањето на платите следната година.

Министерката за образование Бриџит Филипсон во декември рече дека зголемувањето од 2,8 отсто би било соодветно по зголемувањето од 5,5 отсто оваа година, додека националниот синдикат за образование повика на поголемо зголемување на платите или повеќе наставници ќе ја напуштат професијата.

Училишните администрации и синдикатите, сепак, стравуваат дека, без оглед на конечниот исход од зголемувањето на платите, може да дојде до отпуштања доколку владата побара од училиштата зголемувањето на платите да го покриваат од постоечките буџети.

Истражувањето спроведено во 90 основни училишта во Западен Јоркшир покажало дека повеќе од половина од нив планираат да го отпуштат наставниот кадар, додека 90 отсто рекле дека нема да вработуваат нови наставници.

Портпаролот на Министерството за образование рече дека владата наследила многу фискални предизвици, вклучително и дефицит од 22 милијарди фунти, но дека буџетот сепак има обезбедено одредба за заштита на клучните приоритети во образованието, вклучително и основното финансирање за училиштата.

„Знаеме дека училиштата се соочуваат со предизвици, но и покрај економскиот контекст, доделивме дополнителни 2,3 милијарди фунти за буџетите на училиштата, а 1 милијарда фунти се наменети за деца и млади луѓе со посебни потреби“, рече портпаролот.

Тајно е снимен разговор на премиерот Трудо: Не е шега, Трамп сака да ја анектира Канада (ВИДЕО)

Канадскиот премиер Џастин Трудо изјави зад затворени врати, на средба со бизнис лидери, дека заканата на Трамп да ја преземе Канада е реална.

Причината за тоа е минералното богатство на Канада, изјави канадскиот премиер, пренесе Јутарњи.

Американскиот претседател Доналд Трамп во неколку наврати изјави дека сака да ја анектира Канада и да ја направи 51-та држава на САД, потсетува Њујорк Тајмс во петокот, а за прв пат реагираше Трудо. Тој јасно стави до знаење дека изјавите на Трамп не ги смета за шега и смета дека Канада треба да ги третира како сериозна закана.

Трудо на собирот на деловни лидери во Торонто рече дека верува дека администрацијата на Трамп знае кои клучни минерали ги има Канада и дека тоа е можеби причината зошто Трамп продолжува да зборува за тоа дека ќе стане 51-ва сојузна држава, објавија учесниците на состанокот.

„Тие се многу свесни за нашите ресурси, за она што го имаме и многу сакаат да имаат корист од тоа“, истакна канадскиот премиер.

Иако Трудо зборуваше во затворен дел од собирот, најмалку два новински куќи, Торонто Стар и Си-Би-Ес, можеа да го слушнат и снимат.

Трамп со недели зборува за анексија на Канада. Откако се заканија дека ќе воведат тарифи од 25 отсто за увозот од Канада и Мексико, двете земји се согласија на 30-дневно одложување на воведувањето на тарифите во замена за построги гранични контроли, бидејќи Трамп го оправдува воведувањето тарифи со шверц на лекот фентанил, кој одзема многу животи во САД.

Канада има големо минерално богатство: литиум, кобалт и никел се меѓу 31 минерал кои се сметаат за клучни за производството на батерии за електрични автомобили, соларни панели и полупроводници. За Канада, овие минерали се важен дел од нејзината стратегија да се позиционира како водечка сила во транзицијата од фосилните горива. Американската и канадската индустрија се длабоко интегрирани, а здравјето на американската економија зависи од Канада, изјави канадскиот министер за индустрија Франсоа-Филип Шампањ.

Американски CNN анализира како Трамп ги стави американските сојузници во невозможна позиција за само две недели на функцијата. Две недели можеа да се слушнат многу малку критики од западните сојузници: тие реагираа релативно благо на најавата за окупација на Гренланд, но предлогот за иселување на палестинското население од Газа со цел да се изгради „блискоисточна ривиера“ и да се санкционира Меѓународниот кривичен суд предизвика колективна осуда.

„Сите се запрепастени и не можеа да го предвидат тоа“, вели Џон Б. Алтерман поранешен функционер на Стејт Департментот, се га шеф на Програмата за Блискиот Исток во вашингтонскиот центар за стратешки и меѓунардни студии.

„Многу е тешко да се предвиди што ќе прави следно“, изјави Ерик Нелсон, поранешен амбасадор на Трамп, а подоцна и помошник директор на германско-американскиот центар за безбедносни студии Маршал во Минхен, за Си-Ен-Ен.

Луѓето кои се запознаени со размислувањето на Трамп веруваат дека исфрлањето на невкусна идеја може да биде средство за притисок врз сојузниците да смислат нешто подобро.

„Тој ужива да ги држи луѓето во таа состојба“, вели Нелсон. Значи: шокира, провоцира, поттикнува.

„Го гледавме ова шоу на Трамп многу пати досега“, додава Нејтан Салес, поранешен координатор за антитероризам на Трамп.

Тој верува дека станува збор за „уметност на преговарањето“. Газа како туристички центар нема да биде последниот геополитички судир меѓу Трамп и Европа.

Што ќе се случи со Украина? Трамп претходно предложи отстапување на украинската територија на Москва. Неколку членови од потесниот круг на Трамп се очекува да отпатуваат на Минхенската безбедносна конференција следната недела, вклучително и државниот секретар Марко Рубио, потпретседателот Џ.Д. Венс и пратеникот за Русија и Украина, Кит Келог.

притисни ентер