„Шарска белина – шарска убавина стартува скијачката сезона во Ски – центарот „Попова Шапка" - Канал 5

Забава

„Шарска белина – шарска убавина стартува скијачката сезона во Ски – центарот „Попова Шапка"

„Шарска белина – шарска убавина" – Скијачката сезона во Ски – центарот „Попова Шапка"отворање на Скијачката сезона во Ски – центарот „Попова Шапка".

„Шарска белина – шарска убавина стартува скијачката сезона во Ски – центарот „Попова Шапка"

Министерствата за животна средина и просторно планирање и за економија, во соработка со „Елем Турс", денеска ќе го спроведат настанот „Шарска белина – шарска убавина" – отворање на Скијачката сезона во Ски- центарот „Попова Шапка", на паркингот над хотел Славија на Попова Шапка.

Како што е најавено, обраќања ќе имаат министрите за животна средина и просторно планирање и за економија, Насер Нуредини и Крешник Бектеши и директорите на „Елем Турс" и на Националниот парк „Шар Планина", Адем Авзиу и Ибрахим Дехари.

Со настанот ќе се означи почетокот на скијачката сезона во новиот НП „Шар Планина" и по тој повод ќе биде промовиран Планот за управување со националниот парк, што е во финална фаза на изработка и за кој што допрва ќе следуваат консултации со јавноста, како и оставарувањата и плановите за развој на инфраструктурата во овој туристички центар.

Среда и четврток се бесплатни денови за скијање и користење на ски-лифтовите и жичниците во Ски-центарот, кој ќе работи од 9:00 до 15:30.

На денот на отворањето, во функција ќе бидат ставени и шестоседата жичница, Ски-лифтот „Ајдучка рамнина 1" – ГЕ, Ски-лифтот „Бабин Извор" – Аеродром, Ски-лифтот „Поток 1" – Тететкс, Ски-лифтот „Поток 2" – Тететкс, Двоседа жичница „Св. Илија" и Двоседа жичница „Син врв" – Церипашина.

Во текот на сезоната ќе биде ставен во функција и ски-лифтот „Ајдучка рамнина 2" – ГЕ.

Првпат оваа година, ски-сезоната се отвора откако Шар Планина е прогласена за Национален Парк.

Менаџерскиот тим предводен од управителот на „ЕЛЕМ ТУРС", Адем Авзиу изминатиов период интензивно работеа на модернизација на Ски-центарот „Попова Шапка" и првпат после 30 години се преземаат активности за подобрување на условите и можностите во ски-центарот.

Во изминативе седум месеци се работеше на бројни активности врзани за средување на скијачката инфраструктура и маркирање на ски-патеките. Се инвестираше во нова ски-патека долга два километра, на која е инсталирано дополнително осветлување и на која може да има и ноќно скијање. Исто така, Ски-центарот првпат оваа година доби јавни тоалети, вкупно пет, а за оваа ски-сезона се инвестираше и во два модерни мини-бар ресторани (бачила) лоцирани во близина на ски-патеките каде што скијачите ќе можат да се освежат и одморат.

Првпат во историјата на Попова Шапка ќе се гради најголемиот снежен парк во регионот, место за љубителите на адреналинските спортови.

Претстојната сезона е решено прашањето за паркиранг за посетителите на Ски-центарот „Попова Шапка". Покрај големиот паркинг, спроти полициска станица (P1) оваа сезона се пуштени во целосна употреба и два нови постоечки паркинзи (P2 и P3). Паркингот P2 е лоциран под х. Славија, a Паркингот P3 се наоѓа спроти х. Скардус. Истите се обележани со соодветна сигнализација и континуирано се одржуваат од службите на Ски-центарот.

Со користење на овие паркинг места се добиват дополнителни 250 до 300 паркинг места, што овозможува да се спречи создавањето на сообраќајниот хаос кој го има сособено за време на зимската сезона. Исто така, се планира во време на викендите кога посетеноста е најголема, а возилата се паркираат и по неколку колометри подалеку, да биде воведен бесплатен автобус за превоз на посетителите до скијачките терени.

Преземени се сите мерки за безбедно скијање со обезбедување на ски-патеките, но и со почитување на здравствените протоколи. За првпат оваа сезона во функција е Info&SOS бесплатен телефонски број, на кој посетителите, во секое време можат да добијат сервисни информации или да побараат помош доколку се најдат во неволја. Во целиот Ски-центар, на соодветни места поставени се информации за Правилата и забраните за скијање и однесување на ски-патеките заради безбедност на самите скијачи. Билетарите, вкупно пет, се видно обележани и се поставени на соодветно место со цел да се избегнат големите гужви што беа честа глетка изминатите скијачки сезони. Исто така, заштитени и обележани се местата за најмалите санкачи во Ски-центарот.

Одговорните во Ски-центарот и менаџерскиот тим се во секојдневна координација, со цел доследно почитување и спроведување на утврдениот и усвоен План на активности во Ски-центарот за зимска сезона 2021/2022.

Во настојувањето Попова Шапка да го поврати сјајот и значајот кој го имаше порано активно е вклучена и Владата. Посветената реализација на плановите поврзани за инфраструктурата и подобрување на услугите за посетителите наиде на огромна поддршка од министерот за економија Кресник Бектеши и министерот за животна средина и просторно планирање Насер Нуредини.

На располагање на посетителите во Ски-центарот, покрај бројните сместувачки капацитети, се и хотелите „Славија" и „Попова Шапка" со кои стопанисува „ЕЛЕМ ТУРС" и кои нудат бројни пакети за сместување и користење на ски-билети, школата за млади скијачи, наем на опрема и слично, како и попусти за повеќедневен аранжман во хотелите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Гори „Орловото гнездо“ на Хитлер, уапсен е осомничениот (ВИДЕО)

Германската полиција соопшти дека привела осомничен откако избувнал пожар во историска планинска структура позната како „Орловото гнездо“, која ја користеле како место за одмор нацистичките функционери, вклучувајќи го и диктаторот Адолф Хитлер.

Гори „Орловото гнездо“ на Хитлер, уапсен е осомничениот (ВИДЕО)

Околу 200 пожарникари и работници за итни случаи се бореле со пожар во областа Берхтесгаден во јужната германска покраина Баварија во петокот, откако зграда позната како Келштајнхаус се запалила, соопшти полицијата.

Според снимките од метеоролошките камери, пожарот сè уште беснеел во зградата во раните утрински часови во саботата.

Фотограф на АФП објави дека полицијата го блокирала пристапот до патот што води до местото, додека на самиот врв паѓал снег.

Полицијата го привела осомничениот, а причината за пожарот се истражува

Во соопштението, полицијата наведува дека истражува дали осомничениот, кој бил приведен во близина на местото на настанот, е поврзан со пожарот.

Во моментов нема информации за можен мотив.

Полицијата додаде дека никој не е повреден.

Според полицијата, детектор за чад во зградата го активирал противпожарниот аларм во петокот околу 21:50 часот. локално време.

Пристигнувајќи на местото на настанот, пожарникарите забележале пламен како се крева високо во воздухот. Кога пристигнале, ја нашле зградата „целосно зафатена од пламен“.

Пристапот до локацијата - која се наоѓа на надморска височина од 1.834 метри надморска височина - како и самото гаснење на пожарот, претставувале голем предизвик, изјави портпаролката на полицијата Лиза Мајер.

„Влегувањето во зградата е можно само со употреба на тешка заштитна опрема за дишење“, објасни таа.

Историска зграда изградена за нацистички службеници

Изградена во 1938 година како куќа за гости за нацистички службеници и нивните гости, имотот е сместен во спектакуларен алпски пејзаж и е одвоен од блиската летна резиденција на Хитлер, позната како Бергхоф.

Денес, Келштајнхаус е во сопственост на сојузната покраина Баварија, а по војната е прогласена за историски споменик што потсетува на нацистичкиот период.

Службите за итни случаи не пронајдоа никого во зградата.

„Кривичната истрага е во тек“, рече Мајер.

Недолго откако избувнал пожарот, „сомнително лице го привлече вниманието на истражителите“, објави полицијата.

Според германскиот таблоид „Билд“, полицајците наишле на мотоциклист кога пристигнале на местото на настанот.

Зградата ја преживеала Втората светска војна без штета

Зградата, позната по голем број повоени американски филмови, нуди исклучителен поглед на живописниот планински пејзаж - остра спротивност со ужасите на Третиот рајх, чии антисемитски, расистички и експанзионистички политики предизвикаа смрт на милиони луѓе и доведоа до холокаустот.

Изградена од камен и гранит, зградата била дизајнирана да импресионира странски дипломати.

Зградата ја преживеала Втората светска војна без никаква штета.

Тука работи ресторан од 1952 година, а на локацијата е отворена изложба која ја прикажува историјата на зградата.

Туристите можат да стигнат до локацијата само со автобус.

Тагови: Адолф Хитлер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Словачка се одржуваат локални и регионални избори

Гласачките места во Словачка се отворија утрово во 7:00 часот за локални и регионални избори, а граѓаните ќе можат да гласаат до 20:00 часот.

Во Словачка се одржуваат локални и регионални избори

Речиси 4,41 милиони луѓе имаат право на глас, а гласањето се одвива на 6.029 избирачки места во 2.926 општини, градови и градски окрузи, објави TASR.

Гласачите избираат градоначалници, членови на општински и градски совети, претседатели на самоуправни региони и членови на регионални собранија.

Во Братислава и Кошице се избираат и претседатели на градски окрузи и членови на нивните совети.

Мандатот на избраните претставници трае четири години, а граѓаните можат да гласаат само во местото на нивното постојано живеалиште.

Покрај возрасните граѓани на Словачка, право на глас имаат и странски државјани со постојано живеалиште во таа земја.

Тагови: Словачка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛИДЕМ: Свиревме против булингот, но институциите останаа глуви! Уште колку деца треба да страдаат за некој да реагира?!

Потресното сведоштво на мајка за насилството што го преживеало нејзиното дете во училиште повторно го отвора прашањето: Кој ги штити децата додека насилството станува нивно секојдневие?

ЛИДЕМ: Свиревме против булингот, но институциите останаа глуви! Уште колку деца треба да страдаат за некој да реагира?!

Пред години, Либерално-демократската младина ја започна кампањата „Свирни против булинг“, предупредувајќи дека врсничкото насилство не е детска игра, не е фаза на растење и не смее да се премолчува!

Предупредувавме, баравме превенција, едукација и институционална реакција. Но нашите апели не добија соодветен одговор.

Денес повторно слушаме сведоштва за деца што трпат понижување, физичко и психичко насилство. А каде се институциите? Каде се механизмите за заштита? Кој презема одговорност?

Нема оправдување за насилството! Нема оправдување за премолчувањето! И нема простор за уште една празна институционална изјава дека „се работи на случајот“!

ЛИДЕМ бара итно:

* Надлежните институции да го испитаат пријавениот случај и да обезбедат заштита на детето.

* Министерството за образование и Државниот просветен инспекторат да спроведат контрола на постапувањето по пријавите за врсничко насилство.

* Во секое училиште да функционира јасен, достапен и доверлив механизам за пријавување и заштита.

* Да се обезбеди психолошка поддршка за жртвите и системска превенција, со вклучување на родителите, наставниците и учениците.

* Јавно да се соопштат преземените системски мерки и роковите за нивно спроведување, со целосна заштита на приватноста на децата.

Не бараме одмазда меѓу деца. Бараме одговорност од возрасните и институциите што се должни да ги заштитат!

Доста е со кампањи само на хартија, протоколи во фиоки и реакции дури откако нечие дете ќе преживее траума!

ЛИДЕМ повторно го крева гласот и повикува на конкретна институционална акција. Ниту едно дете не смее да се плаши да оди на училиште!

Пред години свиревме за да го спречиме насилството. Денес прашуваме: ДАЛИ НЕКОЈ ВООПШТО НЀ СЛУШАШЕ?

СВИРНИ ПРОТИВ БУЛИНГ! НЕ МОЛЧИ ПРЕД НАСИЛСТВОТО!

Либерално-демократска младина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер