„Севилскиот бербер“ од Џоакино Росини вечерва во НОБ

Во Националната опера и балет (НОБ) вечер ќе биде изведена популарната комична опера во два чина „Севилскиот бербер“ од Џоакино Росини.

Диригент е Иван Еминовиќ, режијата е на Урсула Хорнер од Австрија, а сценограф е Марија Ветероска. Костимографијата е на Марија Пупучевска, а хор-мајстор е Ѓурѓица Дашиќ.

Во улогата на Фигаро ќе настапи Васко Здравков, во улогата на Розина, Биљана Јосифов, а во улогата на Гроф Алмавива ќе настапи гостинот од Италија, Роберто Јачини Вергилиј, Дон Базилио: Владимир Саздовски, Дон Бартоло: Невен Силјановски, Берта: Соња Пендовска Мадевска, Фиорело: Драган Ампов, Амброзио: Марко Димовски, Камениот човек: Борко Биџовски, чембало: Елена Сиљаноска во придружба на хорот и оркестарот на Националната опера и балет.

Како што потенцираат од НОБ, операта „Севилскиот бербер“ од Џоакино Росино изобилува со извонредни и возбудливи вокални и оркестарски делници и комична елеганција со кои ретко кое друго оперско дело може да се спореди.

Женската репрезентација на Канада по 13 пат светски шампион во хокеј

Хокеарките на Канада ги победија САД ноќеска во финалето на Светското првенство во 2024 година и го освоија трофејот.

Натпреварот се одигра во Јутика, САД и заврши со резултат 6:5, по продолжение.

Кај Канаѓаните два гола постигна Ерин Амброуз, додека Џулија Гослинг, Емили Кларк, Даниел Сердачни и Мари-Филип Пулин имаа по една реализација. Головите за Америка ги постигнаа Лејла Едвардс, Меган Келер, Александра Карпентер, Хилари Хант и Керолин Харви.

Во мечот за третото место Финска ја победи Чешка со 3:2.

Репрезентацијата на Канада стана светски шампион по 13-ти пат. САД имаат 10 победи на Мундијалите. Ниту една друга репрезентација досега не го освоила Светското првенство.

ЈП Водовод и канализација–Скопје- лабораториски извештај за квалитетот и безбедноста на водата

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Неделен лабораториски извештај за квалитетот и безбедноста на водата за пиење ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 08.04.2024 до 12.04.2024 зема 158 примероци за физичко-хемиска и 158 примероци за микробиолошка анализа на вода за пиење од 45 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Казни за 85 возачи на територија на Свети Николе и Пробиштип

Во текот на вчерашниот ден во периодот од 12 до 17 часот во сообраќајна контрола на територија на Свети Николе и Пробиштип казнети се 85 возачи, соопштија денеска од МВР.

Од вкупниот број санкции, 12 се за возење без возачка дозвола, 11 санкции поради измината важност на сообраќајната дозвола, 15 мерки за прекршоци што ги прават возачите на мотоцикл, едно патничко возило е одземено поради истечена сообраќајна дозвола и предизвикување голема бучава... На сите прекршители, се додава во соопштението, изготвени им се соодветни поднесоци.

Сообраќајните контроли продолжуваат и во наредните денови.

притисни ентер