Здравје

„Секое дете заслужува да расте здраво и среќно“ НАТУРА ТЕРАПИ започна голема хуманитарна акција

НАТУРА ТЕРАПИ е општествено одговорна компанија која во време на пандемијата понуди низа акциски попусти со цел нивните производи да бидат достапни за секој.

Водени од тоа дека не се печали на маката на туѓ грб, профитот од продажбата беше намален со цел компанијата да им овозможи на купувачите да можат да набават препарати на природна база како превентива од болести.

Натура терапи и натаму работи за општо добро на сите: Тие реализираат голема хуманитарна акција „Секое дете заслужува да расте здраво и среќно“ со која сакаат да и помогнат на Клиниката за детски болести! Имено со секој купен пакет производи од НАТУРА ТЕРАПИ компанијата ќе донира средства кои ќе бидат искористени за набавка на опрема за Клиниката за детски болести!

НАТУРА ТЕРАПИ е дел од оваа заедница и од животните приказни на луѓето од Македонија и токму поради тоа ја иницираше оваа добротворна акција во која може да се вклучи секој поединец кој се чувствува хуман и е дел од оваа заедница.

Со набавката на опрема за оваа здравствена установа ќе се овозможат подобри услови за децата на кои тоа им е најпотребно. Секое дете заслужува да расте здраво и среќно, а сите ние заедно треба да помогнеме и да им обезбедиме подобра нега и грижа.

Денес, обврска на една компанија не е само да произведува здрави и квалитетни производи кои им помагаат на луѓето во секојдневниот живот, туку и да помага во локалната заедница. Да покаже грижа, емпатија, да едуцира и континуирано да биде активна со општетсвено корисни активности од интерес на сите.

Тоа е мисијата на Натура Терапи, да ги поттикне луѓето да обрнат повеќе внимание на своето здравје и да користат природни додатоци на исхраната, со цел обезбедување на својот максимален животен потенцијал.

НАТУРА ТЕРАПИ континуирано иницира и помага проекти од хуманитарен карактер отсликувајќи ја својата заложба за подобар живот за сите и развивајќи го чувството за помош, поддршка и солидарност во соработка со локалната заедница.

НАТУРА ТЕРАПИ – Пријател на детската клиника!

Македонија

Тетовец измамен, платил преку интернет 21 илјада евра за роба која не стигнала

СВР Тетово информира дека жител на тетовскиот регион пријавил измама во која дал пари на странска фирма за набавка на роба, па открил дека е измамен по информација од германски служби. Тој нарачувал преку интернет.

- На 23.04.2024 година во 11.30 часот во СВР Тетово, Б.Ф.(29) од тетовско, сопственик на правно лице, пријавил дека од 23.03.2024 до денот на пријавувањето бил измамен од странска фирма за продажба и компанија за транспорт. Според пријавеното, тој преку интернет порачал роба за потребите на неговата фирма, за која преку банкарски трансакции во неколку наврати платил околу 21 илјада евра, но на 17.04.2024 од компанијата за транспорт го известиле дека нарачката била блокирана во Германија. Како што е пријавено, Б.Ф. стапил во контакт со надлежна служба во Германија, од каде му било кажано дека кај нив нема регистрирано таква стока, по што сфатил дека е измамен, информира СВР Тетово.

Тетовската полиција работи на расчистување на случајот.

Фудбал

Двајца премиерлигаши уапсени поради силување

Англиските медиуми објавија вознемирувачки вести. Двајца 19-годишници, кои се професионални фудбалери во Премиер лигата, се уапсени поради обвинение за силување минатиот викенд, а информацијата ја потврдија од англиската полиција.

Не е наведено во која екипа настапуваат фудбалерите, ниту е познат нивниот идентитет, но познато е дека и двајцата играат за истиот тим кој се натпреварува во елитното ниво на англискиот фудбал.

Според британски „Телеграф“, еден од играчите бил сослушан на клупскиот стадион, додека другиот е приведен бидејќи е осомничен дека помагал во извршување на кривично дело.

Сексуалниот напад за кој се обвинети фудбалерите се случил во петокот, а жртвата веднаш се јавила во полиција, а неколку часа подоцна поднела официјална пријава.

Се наведува дека клубот нема дополнително да коментира и дека работата е во рацете на полицијата.

Ова не е прв пат да се случи ваква ситуација во Премиер лигата. Претходно беа покренати обвиненија против Мејсон Гринвуд и Бенџамин Менди, но на крајот ниту еден од двајцата фудбалери не беше осуден. /МИА

Македонија

Сончево, попладне со услови за краткотраен дожд

Времето денеска е сончево со мала до умерена облачност.

Попладне наместа ќе има зголемена облачност со услови за краткотраен дожд и ретки грмежи. Ќе дува слаб до умерен, а во западните делови повремено засилен ветер од југозападен правец. Во втората половина од ноќта ќе има зголемување на облачноста и на повеќе места ќе има врнежи од дожд. Максималната температура ќе биде во интервал од 16 до 25 степени Целзиусови.

И во Скопје е сончево со мала до умерена облачност. Кон крајот на денот облачноста ќе се зголемува и во втората половина од ноќта ќе има повремени врнежи од дожд. Максималната температура ќе достигне до 21 степен Целзиусов.

Според најавите од Управата за хидрометеоролошки работи (УХМР), утре ќе има повремени врнежите од дожд, а на планините повремен снег. Локално врнежите повремено ќе бидат поројни, проследени со појава на ретки грмежи. Минималната температура ќе биде во интервал од 0 до 10, а максималната од 5 до 18 степени Целзиусови. Во Скопје минималната температура ќе биде 8, а дневната ќе достигне до 15 степени Целзиусови.

Од петок следува период на претежно стабилно и потопло време со пораст на температурите на воздухот.