Седум години од потпишувањето на Преспанскиот договор - Канал 5

Македонија

Седум години од потпишувањето на Преспанскиот договор

Седум години откако Македонија и Грција си подадоа рака во Нивици и ставија крај на повеќе деценискиот спор, граѓаните и натаму поделени за ефектите што барем досега ги донесе договорот од Преспа.

Седум години од потпишувањето на Преспанскиот договор

Дел од нив велат договорот е добар, но треба да се почитува и да се исполнуваат преземените обврски, како од Грција, така и од ЕУ, други пак сметаат дека земјава платила превисока цена менувајќи го уставното име, кое сметаат дека еден ден повторно ќе се врати, оти велат е свето.

-Не сум задоволна, затоа што да промениш име не е мала работа.

-Ништо посебно, освен што го изгубивме името, влеговме во НАТО, во тој договор колку што се сеќавам беше и да се влезе во ЕУ, уште ништо не се случи.

-Јас не се сложувам со тоа што го потпишаа договорот.

Искористивме многу со договорот од Преспа, но штета е што тој залет не заврши со отпочнување на преговорите со ЕУ, како што и ни беше ветено, вели новинарот Столе Наумов.

Сепак, од денешна перспектива, смета дека Македонија ќе имала далеку подобра позиција во спорот со Грција доколку дошло до договор многу порано, оти од 3 децениското статус кво земјава се изложи на непотребни последици. Се надева дека новата генерација на политичари ќе бидат похрабри во носењето на одлуките во претстојните спорови, па и по цена на својата кариера.

-Да беа многу похрабри политичарите, можеа многу порано да го решат овој спор со името со Грција и многу поквалитетно, имаше понуди, имаше можности да не биде ерга-омнес, но тие си „спиеја на ушето“ дека времето работи за нас. Треба политичарите да бидат многу похрабри и да бидат поодлучни, да носат решенија, да не чекаат да легне тоа со текот на времето, очигледно со Грција тоа не легнуваше, туку стануваше се полошо за македонската страна во поглед на можностите што ги нудеше решението на спорот со името,- - Столе Наумов – Новинар.

Договорот, во присуство на тогашните премиери Заев и Ципрас, на денешен ден во 2018 година во Нивици, на грчката страна од Преспа, го потпишаа министрите за надворешни работи Никос Коѕијас и Никола Димитров кој денеска беше недостапен да даде оценка за истиот од денешна перспектива и неговото исполнување. За седум годишнината не се огласија ниту ВМРО-ДПМНЕ и СДСМ, туку само од ДУИ, кои порачаа дека се девалвира она што се постигнало на храбар и дипломатски начин.

По ова, беше распишан и рефенреднум, со прашање „Дали сте за членство во ЕУ и НАТО со прифаќање на договорот помеѓу Република Македонија и Република Грција?“ на кој гласаа само 36,91 отсто од гласачите, но иако цензусот не беше постигнат, власта го толкуваше како одобрување со оглед дека 91% од тие што излегле гласале „ЗА“.

YouTube video

Тагови: Преспа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Србија: Жителите на Гуча добиле СМС пораки за евакуација, неколку затруени од истекување на амонијак

Ноќеска во Гуча се случи инцидент во кој амонијак истече од камион-ладилник. Неколку лица се повредени.

Драма во Србија: Жителите на Гуча добиле СМС пораки за евакуација, неколку затруени од истекување на амонијак

Граѓаните добија итни СМС-пораки на своите мобилни телефони со предупредување, по што следеше брз одговор од надлежните служби, објави Телеграф.

Екипата на Телеграф разговараше со Милосав, кој живее во близина. Тој бил буден ноќеска кога, според него, се слушнал шуштење, како да пукнала цевка. Како што рече, излегол на улица да види што се случува и видел густ бел облак од чад над фабриката.

Се чувствувал лошо поради амонијакот, па се вратил во куќата, го собрал семејството, ги повикал соседите и сите се тргнале од улицата и отишле на блиската бензинска пумпа која се наоѓала на рид каде што воздухот не бил загаден.

Излевањето на амонијакот се случило околу 1 часот по полноќ, а тие биле на пумпата неколку часа. Околу 3:30 часот се вратиле во своите домови.

Причината за враќањето била тоа што еден сосед во брзањето го заборавил своето куче, па се вратиле по миленичето. Кучето било пронајдено живо и здраво.

Според него, работниците во компанијата каде што се случил инцидентот биле повредени.

Милосав ја опишал сцената „како бомба да експлодирала на Блискиот Исток“. Тој истакнал дека сè уште се чувствува непријатно поради изложеност на амонијак, а како што кажал, има тешкотии со дишењето.

Единственото нешто што може да помогне во оваа ситуација е да натопи крпа и да ја стави преку устата.

Што се однесува до самата фабрика, Милосав за Телеграф изјавил дека таа била затворена долго време и дека минатата година била во сопственост на човек од Прокупље, кој е непознат за мештаните. Фабриката била повторно пуштена во работа пред 10 дена, а пред пет дена била наполнета со амонијак.

Извор од Телеграф потсетил дека сличен инцидент се случил во 2008 година, но бил многу помал по обем од оној од ноќеска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвава прослава на Мундијалот- најмалку четворица застрелани по натпреварот во Броктон (ВИДЕО)

Полицијата во Масачусетс соопшти дека најмалку четири лица биле застрелани додека стотици луѓе се собрале по натпреварот од Светското првенство во петокот вечерта.

Крвава прослава на Мундијалот- најмалку четворица застрелани по натпреварот во Броктон (ВИДЕО)

Полицијата во Броктон соопшти дека „примила повеќекратни пријави за истрели непосредно пред полноќ во петокот“, објави ABC News.

„Полицијата реагирала на раскрсницата на главната улица и улицата Парк и пронашла најмалку четири лица со прострелни рани“, се вели во полициското соопштение.

Сите четири лица биле однесени во болница, но нивната состојба не е веднаш позната.

YouTube video

Нема информации за апсења.

Норвешка и Франција играа на стадионот „Жилет“ во Фоксборо во петокот.

Истрагата е во тек, а полицијата соопшти дека повеќе информации ќе бидат објавени подоцна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Горат рафинерии низ Русија (ВИДЕО)

Украински беспилотни летала нападнаа нафтена инфраструктура во неколку руски региони во текот на ноќта, со извештаи за пожари во рафинерии во Славјанск во Кубан и Јарослав. 

Горат рафинерии низ Русија (ВИДЕО)

Нападите се случуваат во време кога расте загриженоста во Русија за снабдувањето со гориво и нафта, објавува The Kiev Independent.

Напад во Краснодарската територија

Според извештаите на руските медиумски канали на Telegram, украинската војска нападнала рафинерија за нафта во Славјанск во Кубан. На социјалните мрежи се објавени фотографии и видеа на кои наводно се гледаат големи пламени и густ чад што се издига над резервоарите за складирање во рафинеријата во Краснодарската територија.

Објектот се смета за клучен за снабдување со гориво на окупираниот Крим, чии резерви беа загрозени во последните недели од напорите на Украина да го изолира полуостровот. Регионалниот оперативен штаб подоцна соопшти дека пожарот во рафинеријата е предизвикан од паѓање остатоци. Обемот на штетата сè уште не е познат.

Чад и над Јарослав

Во исто време, чад беше виден и над областа на рафинерија за нафта во Јарослав, град на околу 250 километри североисточно од Москва. Гувернерот на Јарославската област, Михаил Јевраев, објави на Telegram дека регионот бил цел на украински беспилотни летала.

Украинската војска сè уште не ги коментираше нападите, а „Киев Индепендент“ не беше во можност независно да ги потврди извештаите.

Недостатокот на гориво во Русија се влошува

Нападите доаѓаат во време кога Русија се соочува со растечки недостиг на гориво, влошен од украинските напади врз рафинериите. Повеќе од 20 руски региони воведоа ограничувања за продажба на гориво, а многу граѓани се жалат на социјалните медиуми за долги редици на бензинските пумпи.

Нападите се дел од поширока украинска кампања насочена кон руската нафтена и гасна инфраструктура, клучен извор на приходи за Москва за финансирање на нејзината инвазија на Украина.

Серија напади врз енергетски објекти

Најновите напади доаѓаат само неколку дена откако украинските беспилотни летала нападнаа две рафинерии за нафта во руската Република Башкортостан на 25 јуни. Нападот од 19 јуни ја затвори Московската рафинерија за нафта, една од најголемите во Русија, која снабдува 40 проценти од пазарот на гориво во Москва.

Неколку дена подоцна, рафинеријата Лукоил-Нижегородоргсинтез во Кстово, четвртата по големина во Русија, исто така беше затворена по напад со беспилотни летала, објави Ројтерс.

Русија повторно го напаѓа Киев со балистички ракети

Русија изврши уште еден балистички ракетен напад врз Киев во текот на ноќта, оштетувајќи неколку локации низ градот и повредувајќи најмалку две лица, потврдија официјални лица. Првите експлозии во украинската престолнина се слушнале кратко пред 2 часот наутро по локално време, по што следел уште еден бран напади околу 2:35 часот наутро.

Шефот на градската воена администрација на Киев, Тимур Ткаченко, изјави дека најмалку две лица се повредени во градот во округот Дарницки. Пожари се пријавени и во истата област, вклучително и во близина на станбена зграда, на бензинска пумпа и во неименувана нестанбена зграда.

Украинските воздухопловни сили претходно предупредија за закана од неколку руски ракети што се упатуваат кон главниот град, а воздушни напади се спроведуваат во централните и источните региони на земјата. Локалните власти потврдија дека воздушната одбрана работи над Киев.

Фотографии и видеа на кои наводно се гледа пресретнување на неколку ракети беа објавени на социјалните медиуми, но официјалните лица сè уште не го потврдија исходот од нападот. Јавната телевизија Суспилне објави дека експлозии се слушнале и во градовите Суми и Харков.

Тагови: рафинерии русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер