Самохрана мајка од Штип оставена на улица – општината ја барала на погрешна адреса - Канал 5

Македонија

Самохрана мајка од Штип оставена на улица – општината ја барала на погрешна адреса

Снежана Ристова од Штип скоро една година живее по роднини и пријатели. 

Самохрана мајка од Штип оставена на улица – општината ја барала на погрешна адреса

По 25 години живот во монтажна куќа добиена од општина Штип како хуманитарна помош од Бугарија на основ самохрана мајка, таа сега е на улица. Причина за губењето на домот е што Ристова била пријавена од други граѓани до општината со образложение дека не живее во куќата, која била запуштена.

„Во тој период бев отустуна зошто еден месец бев на сезонаска работа во Италија за да заработам пари и да го средам покривот на куќата што протекуваше вода, претходно кажав во општината дека куќата е многу стара и треба да се среди кровот, но никој ништо не реагираше иако им испратив и фотографии“, раскажува Ристова.

Од општина Штип во писмен одговор до Канал 5 објаснуваат дека објектот бил уништен и дека немале друга адреса од Ристова. Од општината објаснуваат дека целата документација е испратена до второстепен орган за понатамошно постапување.

-Во документацијата со која располага општината, не постои запис дека Ристова пријавила промена на адреса во изминатиот период. За првпат, со поднесената жалба, г-ѓа Ристова доставува копија од лична карта, што претставува податок кој требало да биде евидентиран порано, имајќи предвид дека монтажната куќа ѝ била доделена во 2000 година, пред скоро 25 години.

Ристова објаснува дека многу е јасно дека таа е жител кога општината нејзе и ја доделиле куќата и потпишала договор за живеалиште со таа адреса, а во меѓувреме до општината имало допис од поштата дека не живее на адресата каде што и праќале писмо. И праќале на адреса што живеела пред 20 години.

Таа вели дека веднаш реагирала до општината но не и било помогнато. Снежана Ристова верува дека недоразбирањето ќе се надмине и дека таа ќе има повторно нејзин дом.

YouTube video

Тагови: Штип

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Попладнево мирен протест на докторите по ветеринарна медицина

Ветеринарната комора на Македонија ги информира граѓаните дека во понеделник, 9 ноември 2026 година, ќе се одржи мирен протестен собир на вработените во ветеринарно-здравствениот сектор во нашата држава.

Попладнево мирен протест на докторите по ветеринарна медицина

Собирот е на иницијатива на докторите по ветеринарна медицина од ветеринарните амбуланти и клиники кои ги спроведуваат превентивните мерки за здравствена заштита на животните, со поддршка на Ветеринарната комора.

* 13:00 часот – пред Агенцијата за храна и ветеринарство

* 14:00 часот – пред Владата на Република Македонија

Причина е крајно лошата состојба во секторот ,а непосреден повод е застојот во спроведувањето на превентивните мерки на терен .Со собирот, докторите по ветеринарна медицина сакаат да укажат и на недоволните буџетски средства предвидени за здравствена заштита на животните , особено потенцирано во последните две години, како и на несоодветниот институционален третман на ветеринарната професија.

Последиците од ваквата состојба го засегаат целото општество. Кога превентивните мерки доцнат, се отежнува навременото откривање и сузбивање на болестите кај животните. Тоа има последици за сточарите и за прометот со животни, а создава и ризици за безбедноста на храната и јавното здравје.

Комората во изминатиот период, преку средби и дописи, континуирано им укажуваше на надлежните институции на проблемите во секторот и на потребата од соодветно финансирање и услови за работа. Комората им дава безрезервна поддршка на колегите. Сите барања изнесени на мирниот протест ќе ги достави до надлежните институции, стои меѓудругото во соопштението од Ветеринарната комора на Македонија.

Потребни се итни чекори за продолжување на работата на терен и системски решенија што ќе обезбедат соодветно финансирање и редовно, непречено спроведување на превентивните мерки.

Тагови: ветеринарите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Судир меѓу цистерна и комбе кај аеродромот Никола Тесла во Белград

Во тешка сообраќајна несреќа што се случи утрово околу 5:30 часот, на два километри од аеродромот „Никола Тесла“ во правец кон Белград, има повредени.

Судир меѓу цистерна и комбе кај аеродромот Никола Тесла во Белград

Според првичните неофицијални информации, во несреќата учествувале цистерна и комбе. Возачот на цистерната останал заглавен во кабината. Набргу, со помош на пожарникари и спасувачи, тој бил извлечен од кабината и пренесен во Ургентниот центар.

Повреден е и 40-годишен маж, кој со тешки повреди е пренесен во болницата во Земун, како и 36-годишен маж, кој управувал цистерна.

Сообраќајот на овој дел од патот се одвива отежнато. Според првичните информации, цистерната превезувала цемент и нема опасност по здравјето на луѓето или по животната средина.

Тагови: сообраќајна несреќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ајзенкот доби мандат за формирање нова влада во Израел

Поранешниот шеф на израелската војска Гади Ајзенкот доби мандат за формирање нова влада.

Ајзенкот доби мандат за формирање нова влада во Израел

Мандатот му го додели претседателот Исак Херцог, по изборите на 27 октомври.

Изборните резултати не обезбедија мнозинство ниту за Ајзенкот ниту за премиерот Бенјамин Нетанјаху.

Ајзенкот најави дека ќе се обиде да формира широка национална влада што е можно побрзо.меѓу опциите се коалиција со арапските и ултраортодоксните партии или влада на единство со Нетанјаху.

Тој оцени дека на Израел му е потребно ново политичко лидерство.Како главни предизвици ги посочи заканите од Иран, состојбата во Газа и односите со Либан.

Ајзенкот најави дека ќе ги повика сите партии кои ги прифаќаат неговите политички принципи.Сепак, формирањето парламентарно мнозинство се соочува со сериозни Пречки.преговорите за формирање нова влада може да траат до шест недели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер